“ఇష్మాయేలు, అతని కుటుంబము,” మోర్మన్ గ్రంథ కథలు (2023)
ఇష్మాయేలు, అతని కుటుంబము
వాగ్దానదేశముకు ప్రయాణంలో చేరడం
లీహై మరియు శరయ కుటుంబం అరణ్యములో ఒంటరిగా నివసించారు. ఒకరోజు, ప్రభువు లీహై తన కుమారులైన లేమన్, లెముయెల్, శామ్ మరియు నీఫైలను యెరూషలేముకు పంపమని చెప్పారు. ఇష్మాయేలు, అతని కుటుంబము వారితో చేరమని అడగడానికి వారు పంపబడ్డారు. కలిసి వారి కుటుంబాలు పిల్లల్ని వాగ్దాన దేశములో పెంచవచ్చు.
ఇష్మాయేలు, అతని కుటుంబము ప్రభువును అనుసరించాలని కోరుకున్నారు. లీహై, శరయ కుటుంబంతో చేరాలని ప్రభువు వారిని కోరుతున్నారని వారు నమ్మారు. వారు యెరూషలేమును విడిచి వెళ్లాడానికి, అరణ్యములో లీహై కుటుంబాన్ని కలుసుకోవడానికి ఎన్నుకున్నారు.
వారి మార్గములో, కొందరు జనులు విధేయులు కావడానికి ఇష్టపడలేదు. వారు ఇంటికి తిరిగి వెళ్ళాలని కోరుకున్నారు. ప్రభువునందు విశ్వాసం కలిగియుండమని నీఫై వారిని అడిగాడు.
వారు విశ్వాసము కలిగియుంటే ప్రభువు ఏమైన చేయగలరని నీఫై చెప్పాడు. కానీ లేమన్, లెముయెల్ కోపగించారు. వారు నీఫైను కట్టి వేసారు మరియు అతడిని అరణ్యములో వదిలి వేయాలనుకున్నారు.
నీఫై సహాయం కోసం ప్రార్థించాడు. తాళ్ళు వదులైనవి, మరియు నీఫై లేచి నిలబడ్డాడు. కానీ లేమన్, లెముయెల్ అతడిని ఇంకా గాయపరచాలనుకున్నారు. ఇష్మాయేలు కుమార్తెలలో ఒకరు నీఫైను సమర్ధించింది. ఆమె తల్లి మరియు ఆమె అన్నలలో ఒకరు కూడా అతడిని సమర్ధించారు. లేమన్, లెముయెల్ వారిని విని, నీఫైను గాయపరచడానికి ప్రయత్నించడం ఆపారు.
లేమన్, లెముయెల్ తాము చేసిన దాని గురించి విచారించారు. తమను క్షమించమని వారు నీపైను అడిగారు. నీఫై తన అన్నలను క్షమించాడు. తరువాత లేమన్, లెముయెల్ ప్రార్థించారు, వారిని క్షమించమని ప్రభువును అడిగారు.
వారందరు తమ ప్రయాణాన్ని కొనసాగించారు మరియు లీహై, శరయ గుడారాన్ని చేరుకున్నారు. చివరికి, రెండు కుటుంబాలు కలిసి ఉన్నాయి. వారు ప్రభువుకు ధన్యవాదాలు తెలిపి, ఆయనను ఆరాధించారు.