“జీవవృక్షము,” మోర్మన్ గ్రంథ కథలు (2023)
“జీవవృక్షము,” మోర్మన్ గ్రంథ కథలు
జీవవృక్షము
లీహై యొక్క ప్రేరేపించబడిన కల
ఒక రాత్రి, లీహై ప్రభువు నుండి ఒక కల గన్నాడు. కల గురించి అతడు తన కుటుంబానికి చెప్పాడు.
తన కలలో, లీహై తెల్లని అంగీ ధరించిన ఒక వ్యక్తిని చూసాడు. తనను అనుసరించమని ఆ వ్యక్తి లీహైతో చెప్పాడు.
తాను ఒక చీకటిగా, ఖాళీగా ఉన్న స్థలములో ఉండటాన్ని లీహై చూసాడు. అతడు అనేక గంటలు నడిచాడు. కానీ చీకటి తొలగిపోలేదు. చివరిగా, లీహై సహాయం కోసం ప్రార్థించాడు.
లీహై ప్రార్థించుట ముగించాక, అతడు ఒక పెద్ద మైదానాన్ని చూసాడు. ఆ మైదానములో తెల్లని పండ్లున్న ఒక చెట్టు ఉన్నది. ఆ పండు అతడిని సంతోషంగా ఉంచుతుందని లీహై అనుకొన్నాడు, కనుక దానిని అతడు తిన్నాడు. అతడి ఆత్మ ఆనందముతో నింపబడింది.
ఆ ఫలము ఏ ఇతర ఫలముల కంటే రుచికరమైనది. అది తియ్యనిది, రుచికరమైనది. లీహై తన కుటుంబంతో దానిని పంచుకోవాలని కోరుకున్నాడు. అది వారిని కూడ సంతోషంగా చేస్తుందని అతనికి తెలుసు. శరయ, శామ్, మరియు నీఫై నది దగ్గర నిలబడి ఉండుట లీహై చూసాడు. వారు తప్పిపోయినట్లు కనబడ్డారు. ఒక పెద్ద స్వరములో లీహై వారిని పిలిచాడు. వచ్చి పండును తినమని అతడు వారిని అడిగాడు.
శరయ, శామ్, మరియు నీఫై చెట్టు వద్దకు వచ్చారు మరియు ఫలమును తిన్నారు. లేమన్ మరియు లెముయెల్ కోసం లీహై వెదికాడు. అతడు వారు కూడ పండు తిని ఆనందించాలని కోరాడు. కానీ వారు పండు తినడానికి రాలేదు.
తరువాత చెట్టు వద్దకు నడిపించే ఇనుప దండముతో ఒక దారిని లీహై చూసాడు. దారిపై నడుస్తున్న అనేకమంది జనులను అతడు చూసాడు. హఠాత్తుగా, దట్టమైన చీకటి వచ్చింది. చీకటి చూడటానికి కష్టమైనదిగా చేసింది. చెట్టు వద్దకు వెళ్ళడానికి ఒకే మార్గము ఇనుప దండమును పట్టుకొనుట.
కొందరు జనులు మార్గమును వదిలి దారితప్పారు. ఇతరులు ఇనుప దండమును పట్టుకొని ముందుకు సాగారు.
వారు చెట్టు వద్దకు వెళ్లినప్పుడు, వారు పండు తిన్నారు.
లీహై పైకి చూచి, అనేకమంది జనులతో నిండిన పెద్ద భవనాన్ని చూసాడు. వారు పండు తింటున్న జనులను ఎగతాళి చేసారు. ఇతరులు వారిని చూసి నవ్వినప్పుడు పండు తిన్న కొందరు బాధపడ్డారు, కనుక వారు చెట్టును విడిచిపెట్టారు. వారు దూరంగా వెళ్ళి తప్పిపోయారు.
లీహై తన కలలో, ఇనుప దండమును గట్టిగా పట్టుకొన్న ఎక్కువ మంది జనులను చూసాడు. వారు చెట్టు వద్దకు వచ్చే వరకు ఒక్కొక్క అడుగు ముందుకు వేసారు. అప్పుడు వారు చెట్టు వద్ద మోకరించి పండు తిన్నారు. వారు భవనంలోని జనులను వినలేదు. వారు చెట్టు వద్ద ఉండటానికి ఎన్నుకున్నారు.
లీహై లేచినప్పుడు, అతడు లేమన్, లెముయెల్ గురించి ఆందోళన చెందాడు. అతని కలలో వారు పండును తినలేదు. లీహై లేమన్, లెముయెల్‌‌ను ప్రేమించాడు. వారు ప్రభువుకు దగ్గరగా ఉంటారని అతడు ఆశించాడు. దేవుని ఆజ్ఞలను పాటించమని అతడు వారిని అడిగాడు.