Leksyon 8

Mapasalamaton Ko sa Adlaw ug sa Gabii

Katuyoan

Aron sa pagtabang sa matag bata nga makasabut nga ang pagsunod sa piano sa Langitnong Amahan, si Jesukristo mibuhat sa adlaw aron kita makatrabaho ug makadula ug sa gabii aron kita makapahulay.

Pagpangandam

1. Tun-i sa mainampoong paagi ang Genesis 1:1, 3-5, 14-18; Helaman 14:1-13; ug 3 Nephi 1:15-23.

2. Mga materyal nga gikinahanglan:

   1. Usa ka Biblia ug Basahon ni Mormon.

   2. Ginunting 1-1, adlaw; ginunting 1-2, bulan; ginunting 1-3, mga bitoon (susama nga mga ginunting nga makita diha sa Primary Visual Aids Cutouts set 3).

   3. Hulagway 1-21, Samuel ang Lamanite sa ibabaw sa Paril (Pakete sa mga Hulagway sa Ebanghelyot 314; 62370).

3. Himoa ang gikinahanglang mga pagpangandam alang sa bisan unsang mga kalihokan sa pagpalambo nga gusto nimong gamiton.

Mga Kalihokan sa Pagkat-on

Pag-imbitar og usa ka bata sa paghatag sa pangbukas nga pag-ampo.

Pang-atensyon nga Kalihokan

Sultihi ang mga bata nga ikaw naghunahuna og butang nga giplano sa Langitnong Amahan ug buhaton ni Jesukristo. Hangyoa ang mga bata sa pagtag-an unsay imong gihunahuna. Ihatag ang mosunod nga mga ilhanan, sa tagsa-tagsa:

Pang-atensyon nga Kalihokan

1. Mobati kita og kainit.

2. Lingin kini ug yellow.

3. Anaa kini sa langit.

4. Usahay motago kini sa luyo sa panganod o sa bukid.

Human makatag-an ang mga bata “sa adlaw,” ipakita ang ginunting nga hulagway sa adlaw.

Pang-atensyon nga Kalihokan

• Kinsa ang naghimo sa adlaw?

Motrabaho ug Magdula Kita panahon sa Adlaw

Istorya

Sultihi ang mga bata sa istorya sa paglalang sa adlaw ug gabii gikan sa Genesis 1:1,3-5 ug sa paglalang sa adlaw, bulan, ug mga bitoon gikan sa Genesis 1:14-18.

Istorya

• Kinsa ang naglalang sa adlaw ug gabii?

• Unsay gisugo sa Langitnong Amahan ni Jesus nga ibutang sa langit aron makahibalo kita nga kini adlaw?

Sultihi ang mga bata nga ang adlaw mohatag kanato og kahayag aron kita makakita. Ang adlaw mopainit kanato ug motabang nga motubo ang mga tanom. Dili kita makapuyo dinhi sa yuta kon walay adlaw.

Istorya

• Unsay atong tawag sa panahon kon adunay adlaw? (Adlaw.)

Ipasabut nga makabuhat kitag daghang mga butang maadlaw. Makatrabaho, makadula, ug makatabang kita sa uban.

Kalihokan

Pasultiha ang mga bata mahitungod sa mga butang nga ilang buhaton maadlaw, sama sa pagkaon, pagdula, o pagpanilhig sa salog. Pabaruga sila ug ipabuhat ang ilang mga ideya. Mahimo nimong buhaton ang pipila sa mga aksyon uban kanila.

Kalihokan

• Unsay atong mahimo sa pagtabang sa uban maadlaw? (Mga tubag mahimong maglakip sa pagpanghipos sa mga dulaan, pagpanghugas sa plato, o pagpakigdula sa gagmay nga mga igsoon.)

Mopahulay Kita Magabii

• Makita ba nato pirme ang adlaw?

Ipasabut nga sa kada gabii ang adlaw mosalop ug ang langit mongitngit. Dili nato makita ang adlaw sa gabii.

• Unsay atong tawag sa panahon kon ngitngit? (Gabii.)

• Unsay gisugo sa Langitnong Amahan ni Jesus nga ibutang sa langit aron mohayag ang kagabhion? (Bulan ug mga bitoon.)

Sultihi ang mga bata sa pagpakita sa mga ginunting nga mga bulan ug mga bitoon sunod sa ginunting nga adlaw.

Kalihokan

Pasultiha o ipaaksyon sa mga bata ang mahitungod sa pipila ka mga butang nga ilang pagabuhaton sa gabii, sama sa pag-ampo, pagpaminaw og mga istorya, pagsipilyo sa ilang mga ngipon, o pagkatulog.

Ipasabut nga ang pipila ka mga tawo, sama sa mga doktor, mga nars, ug mga bombero, motrabaho sa gabii, pero kadaghanan kanato matulog sa gabii. Kadaghanan usab sa mga kahayupan matulog sa gabii.

Kalihokan

• Nganong matulog kita?

Tabangi ang mga bata nga makasabut nga ang pagkatulog makaayo sa atong mga lawas, ug ang Langitnong Amahan ug si Jesus gusto nga kita moatiman sa atong mga lawas. Kon dunay tay maayong katulog, maayo ang atong pamati ug magmahimsog. Kon wala kitay maayong kinatulgan, kapuyon kita ug saputon.

Kon ang gitas-on sa adlaw mag-usab-usab sa nagkalain-laing panahon sa inyong dapit, ipasabut nga ang kagabhion mahimong motaas sa ubang mga panahon sa tuig ug mubo sa ubang mga panahon. Ang atong mga ginikanan motabang kanato nga makahibalo kon panahon na sa pagkatulog ug panahon sa pagmata ug maglihok-lihok.

Kalihokan

Pabaruga ang mga bata ug ipahimo ang mosunod nga dula sa kamot:

Kining Gamayng Bata

Kining gamayng bata matulog na (ipataas ang usa ka tudlo).

Giunlanan niya ang iyang ulo (ibutang ang tudlo diha sa palad sa laing kamot).

Nagbukot siya sa habol (kumkuma ang usa ka tudlo),

Ug ingon ini siya matulog sa tibuok gabii.

Miabut ang kabuntagon ug iyang gibuka ang iyang mga mata.

Giwakli niya ang habol (Ablihi ang kamot aron makita ang tudlo nga nagpahulay).

Mibangon siya ug nag-ilis ug andam na (patindoga ang tudlo),

Andam na nga mopahiyom ug motrabaho ug modula.

Ang Langitnong Amahan Migamit sa Adlaw ug sa Gabii sa Pagpahibalo sa Pagkahimugso ni Jesus

Istorya

Sultihi ang mga bata nga ang Langitnong Amahan migamit sa adlaw ug sa gabii sa pagtabang sa pagsulti mahitungod sa pagkahimugso ni Jesus. Ipakita ang hulagway 1-21, Samuel ang Lamanite ibabaw sa Paril, ug ipasabut unsay nahitabo sa hulagway. Ipasabut nga si propeta Samuel misulti sa mga Nephite unsay mahitabo sa langit kon panahon na nga matawo si Jesus. Ang adlaw mosalop, pero ang langit dili mongitngit. Ipasabut nga daghang mga tawo wala motuo ni Samuel, pero unsay iyang gisulti nga mahitabo (tan-awa sa Helaman 14:1-13 ug 3 Nephi 1:15-23).

Tabangi ang mga bata nga makasabut nga ang pagkahimugso ni Jesus importante kaayo nga didto sa layong Amerika, diin magpuyo ang mga Nephite ug mga Lamanite, gihimo sa Langitnong Amahan ang gabii sa pagkahimugso ni Jesus nga usa ka mahayag nga adlaw.

Istorya

• Unsa ang importanting hitabo ang gisuiti ni Samuel ang Lamanite sa mga katawhan?

• Unsay nakita sa mga Nephite nga nahitabo sa panganud sa gabii nga nahimugso si Jesus?

Pagpamatuod

Ipamatuod nga ang Langitnong Amahan misugo ni Jesukristo sa paghimo sa adlaw ug sa gabii aron sa pagtabang kanato. Awhaga ang mga bata sa pagpasalamat sa Langitnong Amahan alang sa adlaw ug sa gabii.

Mga Kalihokan sa Pagpalambo

Pagpili og pipila niini nga mga kalihokan nga gamiton sa panahon sa leksyon.

1. Pag-andam og piraso sa puti nga papel ug katunga sa piraso sa itumon o asul nga papel alang sa kada bata. Ipapilit ang itumon nga katunga sa piraso ngadto sa usa ka bahin sa puti nga papel nga magrepresentar sa talan-awon sa adlaw ug sa gabii. Paggunting og gamay nga mga lingin nga papel nga magrepresentar sa adlaw ug sa bulan, ug tabangi ang mga bata nga mopapilit niini sa sakto nga mga dapit. Gamita ang ginunting nga mga bitoon nga idugang sa talan-awon sa kagabhion. Isulat sa matag papel sa bata mapasalamaton ko sa adlaw ug sa gabii.

2. Uban sa mga bata, kantaha o awita ang mga pulong sa “Ang Kalibutan Nindot Kaayo” [“The World Is So Lovely”] (Songbook sa mga Bata, p. 123), o sa ikaduhang bersikulo sa “Ang Kalibutan Dako Kaayo” [“The World Is So Big”] (Children’s Songbook, p. 235 - english ). Buhata ang mga aksyon sa “Ang Kalibutan Dako Kaayo” ingon sa gipakita sa ubos:

   Ang kalibutan dako kaayo, o, lingin kaayo (paghimo og dakong linginl ginamit ang mga bukton),

   Ug diha niini ang nilalang sa Dios makita;

   Nagkidlapkidlap ang mga bitoon sa kagabhion (ituy-od ug ikitoykitoy ang mga tudlo),

   Mainit ug mahayag kaayo ang adlaw (pagporma og dako nga lingin ginamit ang mga bukton).

   Ang kalibutan dako kaayo, o, iingin kaayo.

   Ang Dios nahigugma kanatong tanan, daghang panalangin (gunite ang mga bukton ug gaksa ang kaugalingon).

3. Kantaha ang “Makalingawng Buhaton” [“Fun to Do”] (Songbook sa mga Bata, p. 129), ginamit ang mga sugyot sa mga bata alang sa mga bersikulo. Sa dili pa kantahon ang kada bersikulo, pangutan-a ang mga bata kon ang aksyon ba nga ilang gisugyot buhaton sa adlaw o sa gabii. Buhata ang mga aksyon sumala sa gisugyot sa mga pulong.

4. Paghimog istorya bahin sa managsoong lalaki ug babaye nga nagdula sa gawas sa pagsalop sa adlaw. Gamit og mga pangalan ug mga sitwasyon nga pamilyar sa mga bata sa imong klase. Ihulagway unsay gihimo sa mga bata sa pagkahuman sa ilang adlaw. lapil ang mga detalye sama sa ang adlaw nagsugod na sa pagsalop, ang ilang inahan mitawag kanila sa pagpasulod, ug ang mga bata mibuhat sa gikinahanglan nga mga buluhaton, pagpanglimpyo, pagpangandam sa panihapon, pagtabang sa paghugas sa mga plato, pagpangandam sa pagkatulog, pagpaminaw sa mga istorya nga pangkatulog, ug pag-ampo. Ihulagway kon sa unsa nga paagi nga ang managsoong lalaki ug babaye, ang ubang mga tawo, ug mga langgam, mga insekto, ug mga kahayupan mamahulay na ug matulog.

   Tabangi ang mga bata nga makasabut nga sa panahon sa kagabhion, kinahanglang piyongon nato ang atong mga mata ug matulog aron ang atong mga lawas motubo nga mahimsog ug kusgan. Kabahin kini sa piano sa atong Langitnong Amahan para kanato.

   Ihulagway ang istorya uban sa mga ginunting, o ihatag ang ubang mga bahin ngadto sa mga bata ug ipadrama kini kanila.

Dugang nga mga Kalihokan alang Gagmayng mga Bata

1. Ipakita ang mga ginunting sa adlaw, bulan, ug mga bitoon. Ipangutana ang mosunod nga mga pangutana:

   • Asa nato makita kining mga butanga?

   • Makita ba nato ang adlaw sa gabii?

   • Makita ba nato ang mga bitoon panahon sa adlaw?

   Ipasabut nga ang Langitnong Amahan misugo ni Jesus sa paglalang sa adlaw nga mohatag kanato og kahayag ug mohatag kanato og kainit maadlaw ug sa bulan ug mga bitoon nga mohatag kanato og kahayag magabii.

2. Tabangi ang mga bata nga mohimo sa mga aksyon sa mosunod nga bersikulo samtang imong isulti ang mga pulong:

   Nilalang sa Dios

   Ang Dios mihimo sa bulan (paghimog lingin ginamit ang mga kamot)

   Ug nagkidlap nga mga bitoon (bukhara ug kumkuma ang mga kamot)

   Ug ibutang kini sa langit (kab-ot).

   Gihimo niya ang adlaw (paghimog lingin ginamit ang mga bukton sa ibabaw)

   Ug mga kahoy (ipataas ang mga bukton)

   Ug mga bulak (pinasawod nga mga kamot)

   Ug gagmayng mga langgam nga molupad (iwarawara ang mga kamot).

   (Gikan sa Fascinating Finger Fun ni Eleanor Doan. © 1951. Gigamit pinaagi sa pagtugot.)

3. Kantaha o isulti ang mga pulong sa “Sama Kos Bitoon” [“I Am like a Star”] (Songbook sa mga Bata, p. 84) o “Si Jesus Buot nga Ako ang Sunbean alang Kaniya”[“Jesus Wants Me for a Sunbeam”](Songbook sa mga Bata, p. 38).