Leksyon 9

Mapasalamaton Ko sa Tubig

Katuyoan

Aron sa pagtabang sa matag bata nga mobati og pasalamat sa Langitnong Amahan ug ni Jesukristo alang sa tubig.

Pagpangandam

1. Tun-i sa mainampoong paagi ang Genesis 1:9-10; Exodo 17:1-6; ug Mateo 3:13-17.

2. Mga materyal nga gikinahanglan:

   1. Usa ka Biblia.

   2. Kon mahimo, pagkuha og mga hulagway sa lain-laing mga katubigan, sama sa mga linaw, mga sapa, ug mga dagat.

   3. Hulagway 1-8, Pagpaambit sa Sakramento (62021); hulagway 1-11, Batang Lalaki nga Gibunyagan (62018); hulagway 1-18, Juan Bautista Nagbunyag ni Jesus (Pakete sa mga Hulagway sa Ebanghelyo 208; 62133).

3. Himoa ang gikinahanglang mga pagpangandam alang sa bisan unsang mga kalihokan sa pagpalambo nga gusto nimong gamiton.

Mga Kalihokan sa Pagkat-on

Pag-imbitar og usa ka bata sa paghatag sa pangbukas nga pag-ampo.

Pang-atensyon nga Kalihokan

Hangyoa ang usa ka bata nga moduol sa atubangan sa klase. Ihunghong sa iyang dalunggan ang usa ka kalihokan nga mogamit og tubig, sama sa pagpanipilyo, paghugas sa mga kamot, o pagpamu-bo sa mga tanom. Ipaaksyon sa bata ang kalihokan samtang ang ubang mga bata motag-an unsay giaksyon. (Tingali kinahanglang imong pakit-on ang mga bata unsaon sa pag-aksyon ang kada sitwasyon.) Papulipuliha ang kada bata nga moaksyon sa kalihokan.

Itudlo nga ang kada kalihokan nga gihimoag aksyon nagkinahanglan og tubig. Sultihi ang mga bata nga kinahanglang magpaslamat kita sa Langitnong Amahan ug ni Jesus sa paghatag kanato og tubig.

Ang Tubig Usa ka Importante nga Bahin sa Paglalang

Basaha pagkusog ug ipasabut ang Genesis 1:9-10.

• Ngano nga importante kaayo nato ang tubig?

• Sa unsa nga paagi makuha nato ang tubig?

Tabangi ang mga bata nga makasabut nga ang tubig nagagikan sa daghang mga tinubdan, lakip na sa mga linaw, mga sapa, mga dagat, ulan, ug snow. Ipasabut nga ang snow ug ice mao ang mikaging nga tubig. Ipakita ang hulagway sa tubig nga imong nakuha ug hisguti kon diin gikan ang tubig sa inyong dapit.

Sultihi ang mga bata nga ikaw mapasalamaton nga ang tubig kabahin sa piano sa Langitnong Amahan.

Kanta

Kantaha ang “Makalingaw nga Buhaton” [“Fun to Do”] (Songbook sa mga Bata, p. 129). Alang sa mga bersikulo, pasultiha ang mga bata og mga paagi sa ilang paggamit og tubig, sama sa pagpanglaba, sa pagkaligo, pagpanipilyo. Buhata ang mga aksyon sa kanta nga gisugyot sa mga pulong.

Pagpanglaba makalingaw,

Makalingaw kaayo!

Pagpanglaba makalingaw,

Makalingaw kaayo!

(© 1963 ni D. C. Heath and Company. Giimprinta pag-usab pinaagi sa pagtugot.)

Nagkinahanglan Kita og Tubig alang sa Daghang mga Butang

• Nganong nagkinahanglan man kita og tubig? Unsa ang kagamitan niini?

Ipasabut nga ang tanang mga butang, lakip na ang mga tawo, mga kahayupan, ug mga tanom, nagkinahanglan og tubig. Kon mahimo, hatagi ang kada bata og gamay nga tasa sa tubig nga mainom. Hisguti kon sa unsa nga paagi nga ang atong lawas dili mabuhi kon walay tubig nga mainom.

• Sa unsa nga paagi nga ang mga hayop ug mga tanom makakuha og tubig nga ilang gikinahanglan?

Ipasabut nga nagkinahanglan usab kita og tubig alang sa ubang mga butang, sama sa pagpanghugas ug pagpangluto.

Si Jesus Mihatag ni Moises ug sa mga Israelites og Tubig didto sa Desierto

Istorya

Isaysay ang istorya ni Moises nga mikuha og tubig gikan sa usa ka bato, nga makita sa Exodo 17:1-6. Ipasabut nga ang mga tawo didto sa mainit, uga nga desierto. Walay tubig didto.

Istorya

• Unsa kahay mahitabo kon wala pa makadawat ang mga Israelite og tubig?

• Giuhaw na ba kamo? Unsay inyong bation nga makainom og bugnaw nga tubig kon kamo giuhaw?

Ang Tubig Importante sa Simbahan

Istorya

Ipakita ang hulagway 1-18, Juan Bautista Nagbunyag ni Jesus. Isaysay ang istorya sa bunyag ni Jesus, nga makita sa Mateo 3:13-17.

Istorya

• Diin bunyagi si Jesus?

• Sa unsang paagi gibunyagan si Jesus?

Ipakita ang hulagway1-11, Batang Lalaki Gibunyagan.

Istorya

• Asa kita bunyagan kon mag-edad na kita og otso anyos?

• Nakakita na ba kamo og tawo nga gibunyagan?

Tuguti ang mga bata nga mosulti mahitungod kon unsay nahitabo sa dihang nakakita sila og tawo nga gibunyagan. Ipasabut nga kinahanglan nga aduna kitay tubig aron mabunyagan.

Ipakita ang hulagway 1-8, Pagpakalawat sa Sakramento.

Istorya

• Unsaon nato paggamit ang tubig sa sakrament miting?

Ipadayag ang imong pagpasalamat sa tubig aron kita mabunyagan ug makakalawat sa sakramento.

Pagpamatuod

Ipadayag ang imong pagpamatuod sa piano sa Langitnong Amahan ug sa iyang gugma alang kanato sa paghatag kanato og tubig. Sultihi ang mga bata nga ikaw mapasalamaton sa Langitnong Amahan ug ni Jesus alang niining talagsaong gasa.

Mga Kalihokan sa Pagpalambo

Pagpili og pipila niini nga mga kalihokan nga gamiton sa panahon sa leksyon.

1. 1. I -recite ang mosunod nga bersikulo uban sa mga bata, maghimo sa mga aksyon nga gihisgutan:

   Ang Ulan

   Kon ang mga bulak giuhaw

   Ug ang mga dahon uga (abliha ang mga kamot ug ituy-od sa itaas),

   Malipayong gagmayng tinulo sa ulan

   Nangahulog gikan sa langit (iubos ang mga bukton, uyuga ang mga tudlo).

   Nangatagak kini sa palibot (uyuga ang mga tudlo gikan sa pikas bahin ngadto sa pikas)

   Sa ilang malipayong pagdula,

   Hangtud sa mahayag nga adlaw (ipataas ang mga bukton sa ibabaw sa ulo ug pagpormag lingin)

   Migukod kanila (itago ang mga tudlo sa luyo).

2. Tabangi ang mga bata nga mokanta o mosulti sa mga pulong sa “Ang Ulang Nangatagak” [Rain Is Falling All Around] (Songbook sa mga Bata, p. 117) o “Sama’s Gamayng Sapa” [Give, Said the Little Stream] (Songbook sa mga Bata, p. 116).

3. Padrowinga ang mga bata og litrato sa tubig, sama sa linaw, sapa, o tinulo sa ulan. Isulat sa papel sa bata ang Mapasalamaton ko sa Tubig

4. Ipaaksyon sa mga bata ang mga paagi nga sila makadula sa tubig, sama sa paglangoy, ice skating, makahimo og snowman, o magtimpasaw sa lim-aw.

5. Tabangi ang mga bata nga makasabut nga ang tubig makatabang kanato sa paglimpyo. Ipa-aksyon nila ang mga buhatunon nga maggamit og tubig, sama sa pagpanglaba o pagpanghugas sa ilang mga kamot.

Dugang nga mga Kalihokan para sa Gagmayng mga Bata

1. Buhata ang pipila o ang tanan sa mosunod nga mga kalihokan aron sa pagtabang sa mga bata nga makat-on sa lain-laing mga pamaagi sa paggamit sa tubig:

   1. Hatagi ang kada bata og gamayng mainom nga tubig. Samtang mag-inom ang mga bata, ipasabut nga ang tubig kabahin sa piano sa Langitnong Amahan alang sa yuta. Makainom kita og tubig kon kita giuhaw.

   2. Pagbutang og gamayng tubig diha sa panaksan ug tabangi ang matag bata nga mohugas sa iyang mga kamot. Pahinumdumi ang mga bata nga ang Langitnong Amahan ug si Jesukristo nagplano nga makabaton kita og tubig. Ipasabut nga kita makagamit og tubig sa pagpanghugas og mga butang.

   3. Kon mahimo, dad-a ang mga bata sa gawas ug pabu-bua ang kada usa og tanom. O pagdala og tanom nganha sa klase ug tuguti ang kada bata nga mohatag og gamayng tubig ngadto sa tanom. Ipasabut nga ang mga tanom nagkinahanglan usab og tubig aron mabuhi ug motubo.

2. Buhata ang mosunod nga mga aksyon samtang ang mga bata magpakaaron-ingnon nga nag-ulan—hinay sa pirmero, ug dayon pakusogkusugan.

   1. Pikpika ang mga tudlo.

   2. Pikpika ang mga kamot.

   3. Pikpika ang mga tuhod, pulipulihan sa mga kamot.

   4. Pikpika ang mga tiil.