Leksyon 10

Paghinulsol

Katuyoan

Aron sa pagtabang sa mga bata sa pagsabut sa baruganan sa paghinulsol ug ngano nga mahinungdanon kini sa ilang mga kinabuhi.

Pagpangandam

1. Sa mainampuon nga paagi pagtuon ug pangandam sa paghisgot sa Doktrina ug mga Pakigsaad 58:42 ug 3 Nephi 9:22..

2. Gamita ang tsart “Pagpasakop sa Simbahan ni Jesukristo” giandam diha sa leksyon 7, uban sa gilis sa pulong “Hugot nga pagtuo diha ni Jesukristo” nga gibutang. Usab himoa nga ang gilis sa pulong “Paghinulsol” andam aron gamiton sa panahon niini nga leksyon. (Kini maayo nga moandam sa pagbalik-pagtuon sa ikaupat nga artikulo sa hugot nga pagtuo uban sa mga bata ug tabangi kadtong mga bata kinsa makahimo sa pagsag-ulo sa tanan o bahin niini samtang kamo naghisgot sa mga baruganan sa panahon sa leksyon.)

3. Andama ang mosunod nga mga gilis sa pulong (tipigi sila aron kamo makagamit kanila pag-usab sa leksyon 22):

   Pagbati og kasubo

   Pangayo og pasaylo

   Pagtarung sa sayop

   Ayaw usba ang sayop

4. Pangandam sa pagtabang sa mga bata sa pag-awit o pagsulti sa mga pulong sa ikaduha nga garay sa awit, “Tabangi ‘Ko, Mahal nga Amahan [Help Me, Dear Father]” (Children’s Songbook, p. 99); ang mga pulong gilakip diha sa luyo niini nga tamdanan nga basahon.

5. Hinumdumi nga ang mga bata nga ubos sa panuigon nga walo walay tulubagon; walay usa sa mga bata nga kinahanglan himoon nga mobati og pagkamaysala.

6. Mga kagamitan nga gikinahanglan:

   1. Usa ka Biblia, usa ka Basahon ni Mormon, ug usa ka Doktrina ug mga Pakigsaad.

   2. Papilit

   3. Usa ka bendahe

7. Himoa ang gikinahanglan nga mga pagpangandam alang sa bisan unsa nga pagpalambo nga mga kalikohan nga inyong pagagamiton.

Gisugyot nga Pagpalambo sa Leksyon

Pagdapit og usa ka bata sa paghatag sa pagsugod nga pag-ampo.

Tinoa ang mga bata kon ikaw miawhag kanila sa pagbuhat og usa ka butang sulod sa semana.

Kita Kinahanglan Maghinulsol Kon Kita Makahimo og Sayop nga mga Pagpili

Pang-atensyon nga kalihokan

Ipakita ang usa ka bendahe ngadto sa mga bata.

Pang-atensyon nga kalihokan

• Kamo ba nasamad na?

• Unsa ang bation niini?

• Unsa ang kinahanglan nga atong buhaton kon kita masamad? (Limpyohi ug butangi kini og bendahe.)

• Ngano nga kinahanglan limpyohan ug butangan og bendahe ang samad? (Aron sa pagtabang niini nga maayo og labaw ka dali.)

Kon kita makahimo og usa ka butang nga sayop, kini sama nga adunay usa ka samad. Kini sakit sa sulod og naghimo kanato nga masulub-on tungod kay kita nakahibalo nga kita nakahimo og sayop. Ang paghinulsol makatabang kanato kon kita nakahimo og sayop. Kini usa ka paagi sa paglimpyo ug pag-ayo og usa ka espirituhanon nga sakit.

Ibutang ang gilis sa pulong “Paghinulsol.”

Sugilanon

Isaysay sa imong kaugalingon nga mga pulong ang mosunod nga sugilanon:

Si Ricardo diha sa tindahan aron sa pagpalit og pipila ka hilo alang sa iyang inahan. Siya nakakita og pipila ka karmelitos nga igbabaligya diha sa estante. Siya buot og pipila ka karmelitos apan walay igo nga salapi. Samtang ang tindera nangita sa hilo, si Ricardo misulod og pipila ka karmelitos diha sa iyang bulsa. Sa diha nga mibalik ang tindera, si Ricardo mibayad alang sa hilo. Iyang gikaon ang karmelitos sa iyang pagpauli. Wala madugay si Ricardo misugod sa paghunahuna mahitungod sa usa ka butang nga ang iyang mga ginikanan mitudlo kaniya.

Ipabasa sa usa ka labaw ka hamtung nga bata ang Exodo 20:15 o basaha kini og kusog sa inyong kaugalingon.

Sugilanon

• Sa inyong hunahuna unsa ang gibati ni Ricardo? (Dili malipayon.)

• Unsa ang nabuhat nga sayop ni Ricardo? (Siya nangawat og pipila ka karmelitos.)

• Unsa ang mabuhat ni Ricardo sa pagkuha niining dili malipayon nga pagbati? (Maghinulsol.)

Ipahimo sa usa ka bata ang pagbutang sa gilis sa pulong “Pagbati og kasubo” ubos sa gilis sa pulong “Paghinulsol.”

Ipasabut nga kon kita nakaamgo nga kita nakabuhat og usa ka butang nga sayop, kita kinahanglan nga moangkon nga kita nakabuhat og sayop ug mobati og kasubo nga kita mibuhat niini. Kini nga pagbati mao ang paagi sa Langitnong Amahan sa pagtabang kanato nga makahibalo nga kita nakahimo og usa ka butang nga sayop.

Ipasabut nga ang sunod nga butang nga kinahanglan buhaton ni Ricardo mao ang pagpangayo og pasaylo alang sa unsay iyang nabuhat. Ipahimo sa lain nga bata ang pagbutang sa gilis sa pulong “Pangayo og pasaylo.”

Sugilanon

• Ngadto kang kinsa si Ricardo kinahanglan nga mangayo og pasaylo? (Langitnong Amahan ug sa tindera.)

Itudlo nga kon kita maghinulsol sa atong sayop nga mga pagpili, kita kinahanglan gayud mangayo sa atong Langitnong Amahan ug sa tawo nga atong nasad-an sa pagpasaylo kanato. Kita gikinahanglan nga moangkon nga kita nakahimo og usa ka sayop nga pagpili ug unya mangayo nga pasaylo-on alang sa unsay atong nabuhat.

Sugilanon

• Unsaon nato pagpangayo sa Langitnong Amahan sa pagpasaylo kanato? (Kita mangayo pinaagi sa pag-ampo.)

Ipasabut nga ang ikatulo nga butang nga si Ricardo kinahanglan mohimo mao ang pagsulay sa pagtarung sa sayop. Ipabutang sa lain nga bata ang gilis sa pulong “Pagtarong sa sayop” ubos sa uban nga mga gilis sa pulong. Tabangi sila sa pagsabut nga kita gikinahanglan nga mosulay sa pagtarung sa bisan unsa nga mga suliran nga atong nahimo tungod sa atong sayop nga pagpili. Usahay kita dili makatarung sa mga suliran (sama sa pag-ilis sa usa ka butang nga atong naguba), apan kita gikinahanglan nga mohimo sa labing maayo nga atong mahimo.

Sugilanon

• Sa unsa nga paagi si Ricardo makatarung sa iyang sayop? (Pagbalik ngadto sa tindahan ug pagbayad alang sa karmelitos o pagbuhat og pipila ka buhat alang sa tindera nga walay bayad.)

Pahinumdumi ang klase nga laing butang nga si Ricardo kinahanglan gayud mobuhat mao ang paghukom nga dili na mohimo pag-usab nianang sayop nga pagpili. Ipabutang sa lain nga bata ang gilis sa pulong “Ayaw usba ang sayop” ubos sa uban nga mga gilis sa pulong. Tapusa nga si Ricardo gikinahanglan nga mohukom nga dili na gayud mohimo pag-usab nianang sayop nga pagpili. Siya makahibalo nga siya sa pagkamatuod naghinulsol kon siya mobati og kasubo tungod sa pagbuhat og sayop ug andam sa pag-angkon niini, naghangyo nga mapasaylo, naninguha sa pagtarung sa sayop, ug naghukom nga dili na gayud mohimo pag-usab nianang sayop. Samtang kamo mosulti sa matag paagi sa paghinulsol, itudlo ang husto nga gilis sa pulong.

Awit

Awita o isulti ang mga pulong sa ikaduhang garay sa awit “Tabangi ‘Ko, Mahal nga Amahan.”

Paghinulsol usa ka Paagi sa Pagpasakop sa Tinuod nga Simbahan

Tsart ug panaghisgutan

Ipasabut nga si Jesukristo buot kanato nga makahibalo unsaon sa paghinulsol aron kon kita mahimo na nga mga sakop sa iyang Simbahan, kita makahinulsol sa atong mga sayop.

Ipakita ang tsart “Pagpasakop sa Simbahan ni Jesukristo” gikan sa leksyon 7.

Pahinumdumi ang klase nga sa miagi nga leksyon sila nakakat-on mahitungod sa usa ka paagi sa pagpasakop sa tinuod nga Simbahan. Kana nga paagi mao ang hugot nga pagtuo ni Jesukristo. Kuhaa ang gilis sa pulong “Paghinulsol” gikan sa dapit nga gibutagan ug ibutang kini diha sa tsart ibabaw sa gilis sa pulong “Hugot nga pagtuo diha ni Kristo.”

Ipasulti og kusog sa mga bata kining duha ka mga paagi nga gikinahanglan aron mahimo nga mga sakop sa tinuod nga Simbahan—hugot nga pagtuo ug paghinulsol.

Ipasabut nga human kita mabunyagi kita kinahanglan maghinulsol sa atong tibuok nga mga kinabuhi sa matag panahon kita makahimo og usa ka sayop nga pagpili. Ang Manluluwas misaad kanato nga sa matag panahon nga kita sa pagkamatuod maghinulsol, siya mopasaylo kanato ug siya dili na mohinumdom sa atong mga sala.

Basaha ang Doktrina ug mga Pakigsaad 58:42 ngadto sa mga bata.

Tsart ug panaghisgutan

• Unsa ang mahinungdanon nga saad nga gihatag ni Jesus kon kita maghinulsol?

Ipasabut nga ang paghinulsol kinahanglan nga usa ka mahinungdanon nga bahin sa atong mga kinabuhi. Human kita moabut sa walo ka tuig nga panuigon, kita may kapangakohan alang sa mga pagpili nga atong gihimo. Si Jesus nakahibalo nga kita dili sa kanunay makahimo og matarung nga mga pagpili. Siya naghigugma kanato ug naghatag kanato og agianan sa pagbuntog sa atong sayop nga mga pagpili. Siya nagsulti kanato nga kita kinahanglan gayud nga maghinulsol aron kita makabalik sa pagpuyo uban kaniya ug sa Langitnong Amahan.

Katingbanan

Pagpasabut sa Balaan nga Kasulatan

Basaha og kusog o ipabasa sa usa ka labaw ka hamtung nga bata ang unang han-ay sa mga pulong sa 3 Nephi 9:22.

Ipasabut nga ang paghinulsol usa ka mahinungdanon kaayo nga panalangin nga makatabang kanato sa pag-andam sa pagpuyo uban sa Langitnong Amahan pag-usab. Usab, ipasabut nga bisan human kita makabuhat sa tanan kutob sa atong mahimo sa pagtarung sa atong mga sayop, ang Langitnong Amahan mopasaylo lamang kanato tungod sa pag-ula ni Jesukristo (tan-awa sa 2 Nephi 25:23).

Pagpamatuod sa magtutudlo

Pagpamatuod mahitungod sa baruganan sa paghinulsol, ug dapita ang mga bata sa paghangyo sa ilang mga ginikanan sa pagpasabut pag-usab sa paghinulsol ngadto kanila diha sa panimalay. Ipahayag ang imong pasalamat nga ang Langitnong Amahan ug si Jesukristo mihimo niini nga mahimo ang pagtarung sa atong mga kasaypanan aron kita makapahimulos sa kinabuhi dinhi sa yuta ug sa katapusan mobalik og puyo uban kanila sa kahangturan.

Pagdapit og usa ka bata sa paghatag og panapos nga pag-ampo.

Pagpalambo nga mga Kalihokan

Pagpili gikan sa mosunod nga mga kalihokan kadto nga labing moangay sa imong mga bata. Kamo makagamit kanila diha sa leksyon gayud o ingon nga usa ka balik-pagtuon o katingbanan. Alang sa dugang nga paggiya, tan-awa ang “Panahon sa Klase” diha sa “Mga Tabang alang sa Magtutudlo.”

1. Pag-andam sa mosunod nga palid alang sa matag bata. Ipasulat sa mga bata ang upat ka mga paagi nga gigamit diha sa paghinulsol. Alang sa gagmay nga mga bata, pagdibuho og mga lingin alang sa duha ka mga nawong ug ipadibuho sa mga bata ang mga nawong diha sa mga lingin sa ilang mga kaugalingon. Isugyot nga ang mga bata mobutang niini nga papel diha sa ilang mga panimalay diin sila dali nga makakita niini aron sa pagpahinumdom kanila unsaon sa paghinulsol ug sa pag-usab sa ilang kasubo nga mga pagbati ngadto sa malipayon nga mga pagbati.

   

   Ako Mibati og Kalipay Human Ako Maghinulsol

   

2. Ipahimo sa mga bata ang pag-arte sa mibati og kasubo ug sa paghangyo sa usa ka tawo alang sa kapasayloan sa pipila ka sayop nga ilang nahimo. Hatagi og gibug-aton nga ang katim-os mahinungdanon kon mangayo alang sa kapasayloan. Kini nga katim-os sa kasagaran mapakita diha sa tono sa ilang tingog. Ipakita kanila unsaon sa pagpangayo alang sa kapasayloan sa dili tim-os ug sa tim-os nga paagi, ug ipabansay kanila ang paghangyo uban sa husto nga tono sa tingog ug pamarug.

3. Sa imong kaugalingon nga mga pulong, isaysay ang sugilanon sa paghinulsol ni Alma ang Batan-on ug sa upat ka anak nga mga lalaki ni Mosiah (tan-awa sa Mosiah 27). Samtang inyong gisaysay ang sugilanon, tan-aw ngadto sa matag paagi sa paghinulsol.