Tuanga 126
Te eeuanga tei orongaia mai na roto ia Iosepha Timeti te Peroveta, i roto i te are o Brigham Young i Nauvoo, Illinois, i te rā 9 o Tiurai, 1841 (History of the Church, 4:382). I teia taime ko Brigham Young te Peresideni o te Pupu o te Tino Ngauru Ma Rua Aposetolo.
1–3, Kua akameitakiia atu a Brigham Young no tana au angaanga, e kua monoia atu aia no tona au teretereanga ki vao mai.
1 E taku taeake akaperepere, e Brigham Young, tika tikai te tuatua maira te Atu kia koe: E taku tavini e Brigham, kare koe i anoano akaou ia kia akaruke i toou kopu tangata mei te au tuatau rai i topa, kua arikiia oki taau orongaanga atinga ki mua iaku.
2 Kua kite au i taau angaanga maata e te ngata i toou au aerenga no toku nei ingoa.
3 No reira te akaue atu nei au ia koe kia tuku atu i taku nei tuatua ki te au ngai e ma te akono meitaki tikai i toou kopu tangata mei teia taime atu, e tuatau uatu. Amene.