Tuanga 22
Te eeuanga tei orongaia mai na roto ia Iosepha Timeti te Peroveta, i Manchester, New York, Aperira 1830 (History of the Church, 1:79–80). Kua orongaia teia eeuanga ki te Akonoanga no runga i tetai aronga tei bapetizoia, e kua inangaro ua oki ratou i te piri ki te Akonoanga ma te kore e bapetizo akaou.
1, E koreromotu ou e te mutukore te bapetizoanga; 2–4; Ka inangaro tika ia te bapetizoanga i akamanaia.
1 I na, te karanga atu nei au kia kotou e ko te au koreromotu taito, kua akariro au kia apaina ke ia atu na roto i teia au mea nei; e e koreromotu ou teia e te mutukore, ko tei vai ana mei muatangana mai.
2 No reira, noatu e ka bapetizoia te tangata e tai anere taime, kare rava te reira e riro ei puapinga kiaia, no te mea kare rava koe e o na te ngutupa tika na roto i te ture a Mose, e kare na roto i taau au angaanga puapinga kore.
3 E no ta kotou angaanga puapinga kore i akariro atu ei au i teia koreromotu openga e pera katoa i teia akonoanga kia akatupuia kiaku, mei te tuatau taito rai.
4 No reira, e tomo kotou na te ngutupa, mei taku i akaue atu, e auraka e kimi i te ako atu i te Atua. Amene.