Tuanga 23
Te eeuanga tei orongaia mai na roto ia Iosepha Timeti te Peroveta, i Manchester, New York, Aperira 1830, kia Oliver Cowdery, Hyrum Smith, SamuelĀ H. Smith, Iosepha Timeti, Metua, e Joseph Knight, Metua (History of the Church, 1:80). No te anoano maata o teia au tangata toko rima kia kite takitai ratou i ta ratou tuanga angaanga, kua ui atu te Peroveta ki te Atu, e kua rauka mai iaia teia eeuanga.
1ā7, Kua kapikiia teia au pipi mua kia tutu, kia ako, e kia akamaroiroi i te Akonoanga.
1 I na, te tuatua atu nei au kia koe, e Oliver, i tetai manga tuatua poto. I na, kua akameitakiia koe, e kare koe e akaapaia. I na ra, kia matakite i te tu ngakau parau, ko te rokoia aea koe e te timataanga.
2 E akakite i toou kapikiangaia ki te akonoanga, e ki mua katoa i te ao nei, e ka tuera oki toou ngakau i te ako atu i te tuatuamou i teianei e e tuatau uatu. Amene.
3 I na, te tuatua atu nei au kia koe, e Hyrum, i tetai au tuatua, kare katoa oki koe e akaapaia, e kua tuera toou ngakau, e kua mataratara toou arero; e ko toou kapikianga ko te akoanga atu, e te akamaroiroi uatu anga rai i te akonoanga. No reira ko taau tuanga angaanga teia no te akonoanga e tuatau uatu, e no toou kopu tangata oki i peraŹ¼i. Amene.
4 I na, te tuatua atu nei au i tetai manga tuatua kia koe, e Samuel; kare katoa oou akaapaanga, e ko toou kapikianga ko te akoanga atu, e te akamaroiroi anga i te akonoanga; e kare ake rai koe i kapikiia ake kia ako atu ki mua i to te ao nei. Amene.
5 I na, te tuatua atu nei au i tetai manga tuatua kia koe, e Iosepha; kare katoa koe e akaapaia, e ko toou kapikianga katoa ko te akoanga atu ma te akamaroiroianga i te akonoanga; e ko taau tuanga angaanga teia i teianei e e tuatau uatu. Amene.
6 I na, te akakite atu nei au kia koe, e Joseph Knight, na roto i teia au tuatua nei, kia rave koe i taau satauro e tikaŹ¼i e kia pure koe ma te reo maata ki mua i to te ao nei, e ma te pure muna katoa, e pera katoa ki roto i toou kopu tangata, e ki rotopu i toou au taeake, e ki roto i te au ngai katoatoa.
7 E, i na, ko taau tuanga angaanga teia kia piri atu ki te akonoanga tika, e kia oronga atu i toou reo no te akoanga i te au taime ravarai, kia rauka oki ia koe te tutaki o te rave angaanga. Amene.