Tuanga 99
Te eeuanga tei orongaia mai na roto ia Iosepha Timeti te Peroveta, kia John Murdock, Aukete 1832, i Hiram, Ohio. Noatu e ko te au neneianga o te Apiianga e te Au Koreromotu tei akamata mai i te mataiti 1876, kua tata i teia eeuanga e ko Kirtland, Aukete 1833, ko te au puka i mua atu e tetai au tataanga akapapa kua akapapu mai no te tuatua tano.
1ā8, Kua kapikiia a John Murdock kia tutu i te evangelia, e ko ratou te ka ariki iaia kua ariki i te Atu e ka rauka te aroa ua.
1 I na, te tuatua maira te Atu ki taku tavini ko John Murdockākua kapikiia koe kia aere ki te au enua i te tuanga itinga mei tetai are ki tetai are, e mei tetai tapere ki tetai tapere, e mei tetai oire ki tetai oire, kia akakite i te evangelia mutukore ki te au tangata i reira, e ki rotopu i te takingakinoanga e te aronga kino tikai.
2 E ko tei ariki mai ia koe ra, kua ariki mai ĆÆa iaku; e ka rauka oki ia koe te mana kia akakite i taku tuatua na roto i te akaarianga a toku Vaerua Tapu.
3 E ko tei ariki mai ia koe mei te tamariki meariki te tu, kua ariki mai ĆÆa i toku basileia; e kua akameitakiia ratou, ka rauka ia ratou te aroa ua.
4 E tei patoi mai ia koe ra, ka patoiia mai aia e taku Metua e tona ngutuare katoa; e ka tamÄ oki koe i toou vaevae ki roto i te au ngai muna ei kite akaapa ia ratou.
5 I na, e i na ra, ka aere vave mai au no te akavaanga, kia akakite atu i to ratou au angaanga atua kore ta ratou i rave mai kiaku, mei tei tataia oki e au ki roto i te puka.
6 E teianei, tika tikai taku e karanga atu kia kotou, kare oki e tau e kia aere vave koe, mari ra kia akonoia rava taau tamariki, e kia tukuia atu oki ki te episekopo o Ziona.
7 E i muri ake i tetai au mataiti, me kua anoano koe iaku ra, ka aere atu koe ki te enua meitaki, kia rauka mai toou ipukarea;
8 Me kare, ka aere uatu rai koe ka akakite atu i taku evangelia e tae uatu ki te tuatau e apainaiaŹ¼i koe. Amene.