Kapitulli 12
Mbreti Beniamin
Mbreti Beniamin ishte një mbret nefit i drejtë. Me ndihmën e njerëzve të tjerë të drejtë, ai i solli paqe vendit.
Mbreti Beniamin u plak dhe donte t’i fliste popullit të tij. Ai donte t’u tregonte atyre që biri i tij, Mosia, do të ishte mbreti i ardhshëm.
Njerëzit erdhën nga gjithë vendi dhe u mblodhën pranë tempullit. Ata i vendosën çadrat e tyre në mënyrë të tillë që dyert të ishin përballë tempullit.
Mbreti Beniamin foli nga një kullë kështu që nefitët të mund ta dëgjonin atë.
Ai i tha popullit të tij që ishte përpjekur shumë për t’u shërbyer atyre njerëzve. Ai tha se mënyra për t’i shërbyer Perëndisë është duke i shërbyer njëri‑tjetrit.
Mbreti Beniamin i tha popullit t’u bindet urdhërimeve të Perëndisë. Ata që me besnikëri i mbajnë urdhërimet, do të jenë të lumtur dhe një ditë do të jetojnë me Perëndinë.
Mbreti Beniamin tha se Jezu Krishti shpejt do të lindte në tokë. Emri i nënës së tij do të ishte Maria.
Jezusi do të kryente mrekulli. Ai do të shëronte të sëmurët dhe do të sillte të vdekurit përsëri në jetë. Ai do t’i bënte të verbrit të shikonin dhe të shurdhët të dëgjonin.
Jezusi do të vuante dhe do të vdiste për mëkatet e gjithë njerëzve. Atyre që pendohen dhe kanë besim te Jezusi, do t’u falen mëkatet e tyre.
Mbreti Beniamin u tha nefitëve se njerëzit e ligj do ta godisnin me kamxhik Jezusin. Pastaj ata do ta kryqëzonin Atë.
Pas tri ditësh Jezusi do të ringjallej.
Pasi mbreti Beniamin foli, nefitët ranë përtokë. Atyre u vinte keq për mëkatet e tyre dhe donin të pendoheshin.
Njerëzit kishin besim në Jezu Krisht dhe ata u lutën që të faleshin.
Fryma e Shenjtë i mbushi zemrat e tyre. Ata e dinin se Perëndia i kishte falur dhe se i donte ata. Ata ndien paqe dhe gëzim.
Mbreti Beniamin i tha popullit të tij të besojë në Perëndi. Ai donte që njerëzit ta dinin se Perëndia i ka krijuar të gjitha gjërat dhe që Ai është i mençur dhe i fuqishëm.
Mbreti Beniamin i tha popullit të ishte i përulur dhe të lutej çdo ditë. Ai donte që populli i tij ta kujtonte gjithmonë Perëndinë dhe të ishte besnik.
Ai u tha prindërve që të mos i lejonin fëmijët e tyre të luftonin ose të grindeshin.
Ai u tha atyre t’i mësonin fëmijët e tyre të ishin të bindur dhe ta donin e t’i shërbenin njëri‑tjetrit.
Ai i paralajmëroi njerëzit që të ishin të kujdesshëm lidhur me atë që mendonin, thoshin dhe bënin. Ata duhej të ishin besnikë dhe t’i zbatonin urdhërimet deri në fund të jetës së tyre.
Mbreti Beniamin i pyeti njerëzit nëse ata u besuan mësimeve të tij. Ata të gjithë thanë se besuan. Fryma e Shenjtë i kishte ndryshuar dhe ata nuk donin të mëkatonin më.
Ata të gjithë bënë besëlidhje, ose premtuan, që t’i zbatonin urdhërimet e Perëndisë. Mbreti Beniamin u kënaq.
Mbreti Beniamin i dha birit të tij, Mosias, të drejtën për të qenë mbreti i ri. Tre vjet më vonë, mbreti Beniamin vdiq.
Mosia qe një mbret drejtë. Ai punoi shumë dhe i shërbeu popullit të tij ashtu si i ati i tij.