Kapitulli 44
Jezu Krishti Bekon Fëmijët
Jezu Krishti u tha nefitëve t’i sillnin fëmijët e tyre të vegjël tek Ai. Fëmijët qëndruan ulur në tokë pranë Jezusit.
Shpëtimtari u tha njerëzve të uleshin në gjunjë. Pastaj Ai u gjunjëzua dhe iu lut Atit Qiellor.
Lutja e Shpëtimtarit ishte kaq e mrekullueshme saqë nuk mund të shkruhej. Ajo i mbushi nefitët me gëzim.
Pas lutjes së Tij, Jezusi tha se nefitët do të bekoheshin për shkak të besimit të tyre.
Ai ndjeu kaq shumë dashuri dhe lumturi, saqë qau.
Më pas Ai mori fëmijët dhe e bekoi secilin. Ai iu lut Atit Qiellor për ta dhe qau përsëri.
Jezusi u tha nefitëve të kujdeseshin për fëmijët e tyre.
Kur njerëzit po shihnin, engjëjt zbritën nga qielli dhe rrethuan fëmijët. Fëmijët dhe engjëjt u rrethuan nga zjarri.