Kapitulli 35
Kapiten Moroni dhe Pahorani
Kapiten Moroni u gëzua kur dëgjoi që Helamani dhe ushtria e tij kishin marrë shumë tokë nefite nga lamanitët.
Por Helamani dhe ushtria e tij kishin nevojë për ndihmë. Ata nuk kishin mjaft ushtarë për të mbrojtur kaq shumë qytete.
Kapiten Moroni i shkroi një letër Pahoranit, kryegjykatësi dhe guvernatori. Ai i kërkoi Pahoranit të dërgonte ushtarë të tjerë për ta ndihmuar ushtrinë e Helamanit.
Lamanitët sulmuan një qytet nefit që Helamani e kishte marrë. Ata vranë shumë nefitë dhe e dëbuan pjesën tjetër nga qyteti.
I zemëruar me udhëheqësit e qeverisë për arsye se nuk i kishin dërguar ndihmë, Moroni i shkroi një letër tjetër Pahoranit.
Kapiten Moroni i shkroi që shumë njerëz ishin vrarë sepse Pahorani nuk kishte dërguar ushtarë të tjerë.
Në qoftë se Pahorani nuk do të dërgonte shpejt njerëz dhe ushqim, Moroni do ta dërgonte ushtrinë e tij në Zarahemla dhe do të merrte çfarë i duhej ushtrisë së tij.
Shpejt Moroni mori një letër nga Pahorani. Ai ishte shumë i mërzitur që Moroni dhe ushtritë e tij po vuanin.
Pahorani i tha Moronit që një grup nefitësh të ligj, të quajtur njerëzit e mbretit, nuk donin që ai të ishte kryegjykatës. Ata e kishin detyruar atë dhe mbështetësit e tij të largoheshin nga Zarahemla.
Pahorani shtoi se ai po grumbullonte një ushtri për t’u përpjekur që ta merrte përsëri Zarahemlën.
Njerëzit e mbretit kishin zgjedhur një mbret që të ishte udhëheqësi i tyre dhe qenë bashkuar me lamanitët.
Pahorani nuk u mërzit nga ajo që i kishte shkruar Moroni. Edhe ai donte që nefitët të ishin të lirë.
Ai i kërkoi Moronit t’i sillte disa njerëz për ta ndihmuar atë dhe tha se, nëse Moroni mblidhte burra të tjerë gjatë rrugës, ushtria e bashkuar mund ta merrte përsëri Zarahemlën.
Kapiten Moroni ishte i lumtur që Pahorani ishte akoma besnik ndaj vendit të tij dhe ende vazhdonte të donte liri për popullin e vet.
Me disa nga njerëzit e tij, Moroni shkoi të takonte Pahoranin. Ai mbante me vete titullin e lirisë dhe mijëra njerëz u bashkuan me ta gjatë rrugës.
Ushtritë e bashkuara të Moronit dhe Pahoranit marshuan në drejtim të Zarahemlës. Ata e vranë mbretin e nefitëve të ligj dhe zunë rob njerëzit e tij.
Moroni atëherë dërgoi ushqim dhe 12 000 ushtarë për t’i ndihmuar ushtritë nefite. Këto ushtri i nxorën jashtë lamanitët dhe atje pati përsëri paqe në tokë.