Kapitulli 46
Jezu Krishti i Mëson Nefitët dhe Lutet me Ta
Nefitët që e panë Jezu Krishtin, u thanë miqve të tyre se Ai do të kthehej ditën tjetër. Shumë njerëz u përpoqën shumë për të shkuar atje ku do të ishte Jezusi.
Mëngjesin tjetër, Nefi dhe dishepujt e tjerë e mësuan grupin që ishte mbledhur. Dishepujt atëherë u lutën që të merrnin Frymën e Shenjtë.
Nefi hyri në ujë dhe u pagëzua. Pastaj ai pagëzoi dishepujt e tjerë.
Pasi ata u pagëzuan, dishepujt morën Frymën e Shenjtë. Zjarri dukej sikur i rrethonte ata dhe engjëjt zbritën nga qielli dhe u dhanë shërbesë atyre.
Ndërsa engjëjt ishin me dishepujt, Jezusi erdhi dhe qëndroi mes tyre.
Krishti u tha të gjithë nefitëve të uleshin në gjunjë në tokë. Ai u tha dishepujve të Tij të luteshin.
Ndërsa ata po luteshin, Jezusi u largua pak nga njerëzit dhe u gjunjëzua e iu lut Atit Qiellor.
Jezusi e falënderoi Atin Qiellor që u dha Frymën e Shenjtë dishepujve të Tij. Pastaj Ai kërkoi që Fryma e Shenjtë t’i jepej kujtdo që i besoi fjalët e dishepujve.
Jezusi i bekoi dishepujt e Tij ndërsa ata po luteshin. Ai u buzëqeshi atyre dhe ata u bënë po aq të bardhë sa fytyra dhe rrobat e Tij.
Jezusi u lut përsëri për dishepujt e Tij. Ai ishte i kënaqur nga besimi i tyre i madh.
Krishti u tha njerëzve të mos luteshin më por të vazhdonin të luteshin në zemrat e tyre. Pastaj u dha atyre sakramentin.
Asnjë njeri nuk kishte sjellë bukë ose verë, por Shpëtimtari e siguroi atë në një mënyrë të mrekullueshme.
Jezu Krishti u tha nefitëve që ungjilli i Tij do të sillej përsëri në tokë në ditët e fundit.
Ai u tha atyre t’i studionin shkrimet e shenjta dhe Ai vuri Nefin që të shkruante në anale plotësimin e pjesës së mbetur të profecive të Samuel Lamanitit.
Pastaj Jezusi u mësoi njerëzve nga shkrimet e shenjta. Ai u tha atyre t’ia mësonin njëri‑tjetrit gjërat që Ai u kishte mësuar atyre.
Jezusi u ngjit prapë në qiell dhe dishepujt e Tij i mësuan njerëzit. Ata që besuan, u pagëzuan dhe morën Frymën e Shenjtë.
Nefitët filluan t’u bindeshin të gjitha urdhërimeve.