Kapitulli 8
Kalimi i Detit
Zoti i tha Lehit ta çonte familjen e tij në anijen që kishin ndërtuar. Ata e ngarkuan atë me fruta, mish e mjaltë dhe me fara për t’i mbjellë në tokën e premtuar.
Erëra të forta e shtynë anijen në drejtim të tokës së premtuar.
Lamani, Lemueli dhe disa të tjerë filluan të bëheshin të ligj. Kur Nefi iu tha atyre të ndalonin, ata u zemëruan dhe e lidhën me litarë.
Për shkak të ligësisë së tyre, Liahona pushoi së funksionuari. Ata nuk dinin në cilin drejtim ta çonin anijen. Një stuhi e tmerrshme e zmbrapsi anijen për tri ditë.
Lehi u tha Lamanit dhe Lemuelit ta zgjidhnin Nefin, por ata nuk donin të dëgjonin. Lehi dhe Saria u mërzitën kaq shumë, saqë u sëmurën.
Gruaja dhe fëmijët e Nefit qanë. Ata iu lutën Lamanit dhe Lemuelit ta zgjidhnin Nefin, por ata nuk pranuan.
Ditën e katërt stuhia u bë më e fortë. Anija qe gati të fundosej.
Lamani dhe Lemueli e dinin që Zoti e kishte dërguar stuhinë. Ata patën frikë se do të mbyteshin.
Më në fund Lamani dhe Lemueli u penduan dhe e zgjidhën Nefin. Edhe pse kyçet e duarve dhe të këmbëve i ishin ënjtur dhe i dhembnin nga rripat, Nefi nuk ishte ankuar.
Nefi pastaj mori Liahonën dhe ajo funksionoi përsëri. Nefi u lut dhe stuhia pushoi. Deti u qetësua.
Nefi e drejtoi anijen dhe ajo lundroi përsëri në drejtim të tokës së premtuar.