Kgaolo 18
Alema yoo Mmotlana wa Ikwatlhaya
Kgosi Mosia a dira Alema moeteledi pele wa Kereke mo Sarahemola. Alema ke gone a itshenkela banna go mo thusa go ruta Banefi.
Alema le Kgosi Mosia ba tshwenyegile ka ntlha ya matlhoka-tumelo a ne a dira maloko a Kereke go boga ka ntlha ya ditumelo tsa bone.
Alema o ne a na le morwa a bidiwa Alema. Alema yoo Mmotlana o ne a sa dumele dithuto tsa ga rraagwe mme a nna monna yoo boikepo.
Alema yoo Mmotlana le barwa ba bane ba ga Kgosi Mosia ba lwantshana le Kereke. Ba tlhotlheleditse batho ba bantsi go tlogela Kereke mme ba nna boikepo.
Alema o rapeletse gore morwa wa gagwe a ithute boammaaruri mme a ikwatlhae.
Alema yoo Mmotlana le barwa Kgosi Mosia ba tsweletse ka go leka go senya Kereke.
Letsatsi lengwe moengele a bonala go bone Moengele a bua ka lentswe le le kwa godimo le le roromisitseng lefatshe.
Banna ba ba botlana ba batlhano bane ba tshogile ba bo ba wela fatshe. Kwa ntlheng ba ne ba sa tlhaloganye se moengele a neng a se bua.
Moengele o tlile mo go arabeng dithapelo tsa maloko a Kereke. Moengele a botsa Alema yoo Mmotlana gore ke eng a lwantsha Kereke.
Lefatshe le ne la roroma jaaka moengele a ne a bolelela Alema yoo Mmotlana go emisa go leka go senya Kereke.
Alema yoo Mmotlana le barwa Mosia ba wela fatshe gape. Ba bone moengele, ba bo ba itse thata ya Modimo e tshikintse lefatshe.
Alema yoo Mmotlana o ne a gakgametse mo a neng a sa bue. O ne a le bokoa mo a neng e bile a palelwa ke go tsamaisa diatla tsa gagwe.
Barwa Mosia ba rwele Alema yoo Mmotlana go rraagwe ba bo ba mmolelela gotlhe mo go ba diragaletseng.
Alema o ne a itumetse. O ne a itse fa Modimo a arabile dithapelo tsa gagwe.
Alema o biditse batho ba bantsi mmogo go bona se Morena a se dirileng go morwa wa gagwe le go borwa Mosia.
Alema le bangwe ba baeteledi-pele ba Kereke, ba ikitsa dijo mme ba rapela go kopa Modimo go thusa Alema yoo Mmotlana go thatafala gape.
Morago ga malatsi a mabedi le masigo, Alema yoo Mmotlana o ne a kgona go bua le go tsamaya.
O boleletse batho gore o ikwatlhaetse maleo a gagwe mme Modimo o mo itshwaretse.
O rutile gore mongwe le mongwe o tshwanetse go nna mosiami ka thulaganyo ya go tsena mo bogosing jwa Modimo. O boletse le gone ka botlhoko jo bogolo jo a bo bogileng ka ntlha ya boleo jwa gagwe.
Alema o Mmotlana o ne a itumetse ka ntlha ya go bo a ikwatlhaile e bile Modimo a mo itshwaretse. O ne a itse gore Modimo wa mo rata.
Alema yoo Mmotlana le barwa Kgosi Mosia ba simolola go ruta boammaaruri go ralala lefatshe, ba bolelela mongwe le mongwe se ba se boneng le go se utlwa.
Ba leka go dirolola tshiamololo e ba neng ba e dirile. Ba tlhalosetsa batho dikwalo tse di boitshepo le go ba ruta ka Jeso Keresete.
Modimo a segofatsa Alema yoo Mmotlana le barwa Mosia jaaka ba ruta efangele. Batho ba le bantsi ba ba reetsa mme ba dumela.