Kgaolo 31
Mokapoteini Moroni a fenya Sarahemona
Banefi ba ne ba batla go tshegetsa lefatshe la bone le malapa a bone ba gololesegile. Le gone ba ne ba batla go gololesega go obamela Modimo.
Mokapoteini Moroni e ne e le moeteledipele wa batlhabani ba Banefi. Fa Balamane ba tla go lwa, Moroni le batlhabani ba gagwe ba ba kopantsha mo lefatsheng la Jeshone.
Mokapoteini Moronae o baakantse batlhabani ba gagwe ka dibetsa, dithebe tsa matsogo, le dithebe tsa go sireletsa tlhogo, le dilwana tse di bokete.
Balamane ba ne ba le Batlhabani ba batona mme ba ne batshaba fa ba bona seaparo sa ntwa sa Banefi—Balamane ba ne ba apere dilwana tse dinyenyane.
Batlhabani ba Balamane ba ne ba seka ba lekaakanye go lwa le batlhabani ba ga Mokapoteini Moroni. Balamane ba siela mo nageng mme ba ikaelela go tlhasela toropo kgolo e sele ya Banefi.
Moroni o rometse ditlholwa go lebelela Balamane. Le gone o ne a kopa Alema go rapela go Morena go thusa. Morena a bolelela Alema kwa Balamane ba tlaa tlhaselang teng.
Fa Moroni a amogela molaetsa wa ga Alema, a tlogela masole mangwe go disa Jeshone mme a gwantela le ba ba setseng go kopana le Balamane.
Masole a ga Mokapoteini Moroni ba iphitlhile mo dintlheng tshotlhe tsa noka ya Sitone, ba emetse go thaisa batlhabani ba ba Balamane.
Tlhabano ya simolola, mme Balamane ba leka go tshaba ka go tlola noka, mme bontsi jwa Banefi ba ne ba ba emetse kwa ntlheng e nngwe ya noka.
Ba lwa thata go feta pele, Sarahemona le batlhabani ba gagwe ba bolaile Banefi ba bantsi. Banefi ba lelela go Morena go thusiwa.
Morena a nonotsha batlhabani ba Banefi. Batlhabani ba dikaganyeditse Balamane, mme Moroni a laela gore ntwa e eme.
Moroni a bolelela Sarahemona gore Banefi ba ne ba sa batle go bolaya Balamane kgotsa go ba dira makgoba.
Moroni a bua gore Balamane ba ka seke ba senye tumelo ya Banefi mo go Jeso Keresete. A re Modimo o tla tswelela a thusa Banefi go lwa fela fa ba ka nna boikanyego
Moroni a laela Sarahemona go mo neela dibetsa tsa gagwe. Balamane ga ba kitla ba bolawa fa ba ka solofetsa go se kitla ba tlhola ba lwa le Banefi gape.
Sarahemona o neetse Moroni dibetsa tsa gagwe mme a seka a solofetsa go sa lwe Moroni a neela dibetsa gape go Balamane gore ba itshireletse.
Sarahemona a ragogela kwa go Moroni go mmolaya mme lesole la Monefi la itaya le go roba tshaka ya ga Sarahemona.
Ke gone lesole la kgaola letlalo la tlhogo ya ga Sarahemona, la le baya mo nkong ya tshaka, mme a e tsholeletsa mo phefong.
Balamane ba tlaa wa jaaka letlalo la tlhogo le o le, o ba boleletse, kwa ntle ga go tlogela dibetsa le go solofetsa go se kitla ba lwa gape.
Bontsi jwa Balamane ba baya dibetsa tsa bone kwa maotong a ga Moroni mme ba solofetsa go sa lwe. Ba ne ba letlelelwa go tsamaya ka kgololesego
Ka kgalefo, Sarahemona a fuduwa masalela a masole go lwa. Masole a ga Moroni a bolaya bontsi jwa bone.
Fa Sarahemona a bona gore ene le banna ba gagwe botlhe ba tlaa bolawa, a kopa Moroni go ba rekegela. A solofetsa go sa tlhole a lwa le Banefi gape
Moronae a emisa ntwa mme a tsaya dibetsa tsa Balamane Morago ga go solofetsa go sa tlhole ba lwa , Balamane ba tsamaya