Kgaolo 40
Samuele wa Molamane o bolela ka ga Jeso Keresete
Balamane ba obamela ditaelo tsa Modimo. Ba nna basiami go gaisa Banefi.
Samuele, moperofeti wa Molamane, a ya kwa Sarahemola go rerela Banefi ba ba boikepo. A ba bolelela go ikwatlhaya.
Banefi ba latlhela Samuele kwantle ga motse, mme a simolola go boela kwa lefatsheng la ga bone.
Mme Morena o ne a bolelela Samuele go boela kwa Sarahemola mme a bolelele batho dilo tse Morena a tlaa di tsenyang mo pelong ya gagwe.
Banefi ba ne ba sa letlelele Samuele go boela mo toropo kgolo, jalo a pagamelela kwa godimo ga lebota la toropo mme a rera a le koo.
O ne a perofeta gore Banefi ba tlaa nyelediwa mo ngwageng tse 400 fa e se batho ba ikwatlhaya e bile ba na le tumelo mo go Jeso Keresete.
Samuele o boleletse Banefi gore Jeso Keresete o tlaa tsholwa mo ngwageng tse tlhano le gore o tlaa boloka botlhe bao ba ba dumelang mo go ene.
Samuele o ba boleletse ka ga ditshupo tsa botsalo jwa ga Jeso. Naledi e ntsha e tlaa bonala, mme bosigo pele ga Jeso a tsholwa ga go ke go nna lefifi.
Samuele o ba boleletse ditshupo tsa loso lwa ga Jeso. Go tlaa nna le matsatsi a mararo a phifalo gotlhelele—letsatsi, ngwedi, le dinaledi ga di kake tsa phatsima.
Go tlaa nna le gone tumo ya maru le dithoromo tsa lefatshe. Dithaba di tlaa nyelela, mme ditoropo tse dintsi di tlaa senngwa.
Bangwe ba Banefi ba dumela Samuele mme ba ikwatlhaela dibe tsa bone. Ba ne ba ya go batla Nefi, mosiami wa Monefi yo a ne a ka ba kolobetsa.
Banefi ba bangwe ba ne ba sa dumele Samuele. Ba ne ba mo ngata ka matlapa ba mo hula ka metswi. Mme Morena a mo sireletsa, mme ga go ape mantswe kgotsa metswi e e mo konopileng.
Fa batho ba bona fa a sa ka ke a hulwa, ba bantsi thata ba ne ba mo dumela, mme ba ya kwa go Nefi go kolobediwa.
Nefi le ene a ruta batho ka ga Jeso. O ne a batla ba dumela mo go Jeso, ba ikwatlhaya, e bile ba kolobediwe.
Bontsi jwa Banefi, le fa go ntse jalo, ba ne ba sa dumele Samuele. Ba ne ba leka go mo tshwara.
Samuel o tlola mo leboteng mme a siela ko lefatsheng la ga bone.
Samuele a simolola go ruta Balamane. O ne a seka a tlhola a utlwelelwa gape gareng ga Banefi.