Kgaolo 21

Baamaleki

Amaleki o ne a le botlhale, monna yoo boikepo yoo a neng a batla go nna kgosi ya Banefi O ne a na le balatedi ba bantsi

Alema 2:1–2

Basiami ba Banefi ba ne ba sa batle Amaleki go nna kgosi ya bone. Ba ne ba itse a batla go senya Kereke ya Modimo.

Alema 2:3–4

Banefi ba kgobokane fale le fale mo ditlhophaneng go akantshana gore a Amaleki a ka nna kgosi. Bontsi jwa batho jwa tlhoha kgatlhanong le Amaleki, mme a seka a nna kgosi.

Alema 2:5–7

Amaleki le balatedi ba gagwe ba galefa. Ba tlogela Banefi, ba dira Amaleki kgosi ya bone, mme ba ipitsa Baamaleki. Amaleki a ba laola go lwantsha Banefi.

Alema 2:8–11

Basiami ba Banefi ba ipaakanyetsa go itshireletsa ka mara le metswi, ditshaka le tse dingwe dibolai.

Alema 2:12

Baamaleki ba tlhasetse, mme Banifae, ba ba neng ba eteletswe pele ke Alema le go nonotshiwa ke Morena, ba bolaya bontsi jwa bone. Ba bangwe ba Baamaleki ba sia.

Alema 2:15–19

Alema a romela ditlholwa go lebelela Baamaleki. Ditlholwa tsa ba bona ba gokagana le batlhabani ba bantsi ba Balamane mme ba tlhasela Banefi ba ba nnang gaufi le Sarahemola.

Alema 2:21, 24–25

Banefi ba rapela, mme Modimo a ba thusa gape. Ba bolaya bontsi jwa masole a batlhabani Balamane–Baamaleki.

Alema 2:28

Alema le Amaleki balwa mongwe le yo mongwe ka ditshaka. Alema a rapela gore botshelo jwa gagwe bo rekegelwe, mme Modimo a mo fa nonofo go bolaya Amaleki.

Alema 2:29–31

Banefi ba lelekela Balamane le Baamaleki mo nageng. Bontsi jwa ba ba go betseng ba swela koo mma ba jewa ke diphologolo tsa naga.

Alema 2:36–38

Jaaka Balamane, Baamaleki ba itshwaya ka bohibidu, mo go diragatsang perofeso. Baamaleki ba ikgaogantse go tswa mo ditshegofatsong tsa efangele.

Alema 3:4, 14, 18–19