Kgaolo 32
Mokapoteini Moroni a Tsholetsa Mokgele wa Kgololesego
Monna wa moikepi yoo bidiwang Amalekhiya o ne a batla go nna kgosi ya Banefi. Banefi ba bantsi ba ne ba tlogetse Kereke go mo sala morago.
Fa Amalekhiya a nna kgosi, o ne a ka leka go senya Kereke ya Modimo mme a tlosa kgololesego ya batho.
Fa Mokapoteini Moroni, moeteledi pele wa batlhabani ba Banefi, a utlwa ka togaamano ya ga Amalekhiya ya go nna kgosi, o ne a galefa.
Moroni o kgagola baki ya gagwe go dira folaga. Mo go yone a kwala molaetsa go gakolola batho go sireletsa tumelo ya bone, kgololesego, le kagiso.
Moroni a tlhoma folaga mo paleng mme a e bitsa mokgele wa kgololesego. Ke gone o ne a apara seaparo sa iphemelo,o ne a khubama go rapela.
O ne a kopa Modimo go sireletsa ba ba dumelang mo go Jeso Keresete mme a repelela kgololesego mo lefatsheng, a le bitsa lefatshe la kgololesego.
Moroni o tsamaya mo gare ga batho. A fofisa mokgele wa kgololesego, a ba bitsa go tla le go thusa go sireletsa kgololesego ya bone.
Batho ba tla go tswa lefatsheng lotlhe. Ba solofetsa go obamela ditaelo tsa Modimo le go lwela kgololesego ya bone.
Fa Amalekhiya a bona gore ke ba le kae Banefi ba ba ikgolagantseng le Moroni, o ne a tshoga. Ene le ba ba mo setseng morago ba ne ba tloga go kopana le Balamane.
Moroni le batlhabani ba gagwe ba leka go ba kganela, mme Amalekhiya le ba se kae ba banna ba gagwe fa falola.
Moroni o baya mokgele wa kgololesego mo kagong e godileng mo lefatsheng la ga Nefi. Banifae ba ne batshegetsa kgololesego ya bone mme gape ba ne ba na le kagiso.