Kgaolo 51
Bajarete ba Tsamaela kwa Lefatsheng la Tsholofetso
Fa Bajarete ba sa thibelela kwa lewatleng, monnawe Jarete a lebala go rapela. Morena a tla a le mo marung go mmolelela gore a ikwatlhae.
Monnawe Jarete a ikwatlhaya mme a rapela. Morena a itshwarela monnawe Jarete mme a re a se kitla a leofa ka gope.
Morena a bolelela monnawe Jarete go aga mekoro go tseela batho ba gagwe kwa lefatsheng la tsholofetso.
Morena a bolelela monnawe Jarete ka fa a ka agang mekoro ka teng.
Mekoro ene e kitlantswe gore metsi a se ka a tsena mo teng.
Monnawe Jarete a gakgamalela gore batho ba tlile go nna le phefo jang gore ba heme mo mekorong. A botsa Morena se a tshwanetseng go se dira.
Morena a mmolelela gore a dire potlha mo godimo le kwa tlase ga mokoro mongwe le mongwe. Potlha e ka bulwa go tsenya phefo le go tswalwa go thibelela metsi kwa ntle.
Monnawe Jarete o boleletse Morena gore mekoro e ne e le lefifi mo teng. Morena a mo kopa gore a akanye ka tsela e go ka nnang le lesedi mo teng ga mekoro.
Lesedi la mekoro le ne le ka se tswe mo molelong kgotsa mo matlhabaphefong gonne a ka thubega.
Monnawe Jarete a ya kwa thabeng mme a bopa matlapana a le 16 go tswa mo lentsweng. Letlapa le ne le lebega jaaka galase e e itshekileng. A dira matlapa a mabedi a nngwe le nngwe ya mekoro e ferangbobedi.
Monnawe Jarete a tseela matlapa kwa setlhoeng sa thaba. Koo a rapela go Morena.
Monnawe Jarete a kopa Morena go ama matlapa gore a ka bonesa mo teng ga mekoro.
Morena a ama letlapa lengwe le lengwe ka monwana wa gagwe.
Gonne monnawe Jarete o ne a na le tumelo e kgolo a bona monwana wa Morena. O ne o lebega jaaka monwana wa motho.
Ke gone Morena a itshupetsa monnawe Jarete.
Jeso o reile batho bao ba ba mo dumelang ba tlaa nna le botshelo jo bo sa khutleng.
Jeso o rutile le go supetsa monnawe Jarete dilo tse dintsi. Jeso a mmolelela gore a kwale se a se bonyeng le se a se utlwileng.
Monnawe Jarete o tseela mantswe kwa tlase ga thaba. O baya letlapa le lengwe mo bokhutlong jwa mokoro mongwe le mongwe. A bonesa mo teng ga mekoro.
Bajerete ba ya mo mekorong le diphologolo tsa bone le dijo. Morena a dira phefo e thata go kgoromeletsa mekoro ntlheng ya lefatshe la tsholofetso.
Morena a ba sireletsa mo lewatleng le le makgwakgwa. Ba leboga Morena le go mo opelela dikgalaletso.
Morago ga malatsi a 344 mo metsing, mekoro ya goroga mo letshitshing la lefatshe la tsholofetso.
Bajarete ba tswa mo mekorong ba khubama mme ba lela dikeledi tsa boipelo.
Bajarete ba agile magae mme ba lema dijwalo mo lefatsheng la tsholofetso. Ba rutile bana ba bone go reetsa Morena le go obamela mafoko a gagwe.