Kgaolo 22
Thomo ya ga Alema go Amoniha
Alema o tshwenyegile ka boikepo jwa Banefi, o ikaeletse go feleletsa botshelo jwa gagwe botlhe a rera efangele. O tlhopha Nefiha mo boemong jwa gagwe jaaka moatlhodi mogolo.
Alema o rutile efangele lefatshe lotlhe. Fa a leka go rera mo Amoniha, batho ba ne ba sa reetse. Ba mo latlhela kwa ntle ga toropo kgolo.
Alema o ne a hutsafetse gore batho ba Amoniha ba ne ba le boikepo. O ne a tloga a ya toropo kgolo e nngwe.
Mongele a bonala mme a gomotsa Alema. Moengele a mmolele gore a boela kwa Amoniha mme a rere gape. Alema a potlakela morago.
Alema o ne a tshwerwe ke tlala. Jaaka a tsena ka toropo kgolo, a kopa monna dijo. Moengele one a boleletse monna gore Alema o tlaa tla mme Alema e ne e le moperofeti wa Modimo.
Monna yo, Amuleke, a tseela Alema kwa legaeng la gagwe mme a mo fa dijo. Alema a nna le Amuleke le ba lelwapa lwa gagwe malatsi a mantsi. O lebogetse Modimo lewapa la ga Amuleke le go ba segofatsa.
Alema o boleletse Amuleke ka pitso ya gagwe go ruta batho ba Amoniha. Amuleke a tsamaya le Alema go ruta batho. Mowa o o Boitshepo wa ba thusa.
Alema o bolelela batho go ikwatlhaya kgotsa Modimo o tla ba senya. A re Jeso Keresete o tlaa tla mme a boloke bao ba ba nang le tumelo mo go ene e bile ba ikwatlhaile.
Batho ba ga Amoniha ba galefa. Ba leka go latlhela Alema mo kgolegelong, mme Morena a mo sireletsa.
Ke gone Amuleke a simolola go ruta. Batho ba le bantsi bane ba itse Amuleke; Ene e se moeng jaaka Alema a ne a ntse. O ba bololetse ka moengele yo a mmoneng.
Amuleke a re Alema e ne e le moperofeti wa Modimo mme o buile boammaaruri. Batho ba ne ba gakgamaditswe ke go utlwa bopaki jwa ga Amuleke.
Batho bangwe ba galefa, bogolo jang monna mongwe wa moikepi yo a bidiwang Seeseramo. Ba leka go tsietsa Amuleke ka dipotso, mme a ba bolelela fa a itsile ka maano a bone.
Seeseramo o ne a batlile go senya sengwe le sengwe se se molemo. O ne a baka mathata, mme ka jalo batho ba mo duela madi go rarabolola mathata a a dirileng.
Seeseramo o ne a sa kgone go tsietsa Amuleke, jalo a ntsha madi gore a re ga gona Modimo. Amulekeke o ne a itse fa Modimo a tshela mme a re Seeseramo le ene o a itse mme o ratile madi go feta Modimo.
Ke gone Amuleke a ruta Seeseramo ka ga Jeso le ka ga Tsogo le botshelo jo bo sa khutlheng. Batho ba ne ba gakgametse. Seeseramo a simolola go tshikinyega ka letshogo.
Seeseramo o ne a itse gore Alema le Amuleke ba ne ba na le thata ya Modimo gonne ba itse dikakanyo tsa gagwe. Seeseramo a botsa dipotso mme a reetsa jaaka Alema a mo ruta efangele.
Batho bangwe ba dumela Alema le Amuleke mme ba simolola go ikwatlhaya le go ithuta dikwalo tse di boitshepo.
Mme batho ba le bantsi ba batla go bolaya Alema le Amuleke. Ba bofa banna ba babedi mme ba ba isa go moatlhodi mogolo
Seeseramo o ne a utlwa botlhoko ka a ne a le boikepo mme a rutile batho maaka. O ne a kopa batho go tlogela Alema le Amuleke ba tsamaye.
Seeseramo le batho bangwe ba ba dumetseng dithuto tsa ga Alema le Amuleke ba ne ba latlhelwa kwa ntle ga toropo kgolo. Batho ba ba boikepo ba latlhela matlapa kwa go bone.
Ka jalo batho ba ba boikepo ba kgobokanya basadi le bana ba ba dumelang mme ba ba latlhela, le dikwalo tse di boitshepo tsa bone, mo teng ga molelo.
Alema le Amuleke ba ne ba patelediwa go lebelela basadi le bana ba a shwa mo molelong. Amuleke o batla go dirisa thata ya Modimo go ba boloka.
Mme Alema a mmolelela gore a seka a emisa dipolao gonne batho ba ba neng ba a swa ba tlaabo ba na le Modimo mme batho ba ba boikepo ba tla otlhaiwa.
Moatlhodi mogolo a itaya Alema le Amuleke makgetlho a le mmalwa mme ba ba sotla gonne ga ba a boloka basadi le bana ba ba tshubilweng. Ka jalo a ba latlhela mo kgolegelong.
Banna bangwe ba ba bosula batlile mo kgolegelong mme ba kgoba Alema le Amuleke ka ditsela tse dintsi, go balelwa le go ba tima dijo le go kgwela mathe mo go bone.
Moatlhodi mogolo a re fa Alema le Amuleke ba ka dirisa thata ya Modimo go ikgolola, o tlaa dumela. A ba itaya gape.
Alema le Amuleke ba emelela. Alema o rapetse mme a kopa Modimo go ba thatafatsa ka ntlha ya tumelo ya bone mo go Keresete.
Thata ya Modimo ya tlatsa Alema le Amuleke, mme ba kgaoganya megala e e neng e ba tshwere. Banna ba ba bosula ba ne ba tshogile mme ba leka go sia mme ba wela fa fatshe.
Lefatshe la tshikinyega, mme mabota a kgolegelo a wela banna ba ba maikepo. Morena o sireleditse Alema le Emuileke, mme ba ne ba sa gobala.
Batho ba Amoniha batla go bona se se diragetseng. Fa ba bona Alema le Amuleke ba tsamaya go tswa mo kgolegelong e e thubegileng, ba ne ba tshoga mme ba sia.
Morena o boleletse Alema le Amuleke go ya Sitomo. Koo ba fitlhetse batho ba ba siameng. Seeseramo le ene o ne a le koo mme a lwala thata.
Seeseramo o ne a itumela go bona Alema le Amuleke. O ne a tshwenyegile gore ba bolailwe ka ntlha ya se a se dilrileng. O ne a ba kopa go mo fodisa.
Seeseramo o dumela mo go Jeso Keresete mme a ikwatlhaela maleo a gagwe. Fa Alema a mo rapelela, Seeseramo o ne a fola ka bonako.
Seeseramo o ne a kolobediwa mme a simolola go rera efangele. Bontsi jo bangwe bo ne jwa kolobediwa.
Batho ba ba boikepo ba Amoniha bane ba bolailwe ke batlhabani ba Balamane, jaaka Alema a perofetile.