Kgaolo 9
Legae le Lesha mo Lefatsheng la Tsholofetso
Ba tlhabolola mmu le go jwala dipeo tse ba tlileng ka tsone.
Jaaka fa ba tsamaya go dikologa lefatshe la bone le lesha, ba fitlhela mefuta e e mentsi ya diphologolo. Le gone ba fitlhela gauta, selefera, le kopore.
Modimo o boleletse Nefi go dira dipapetlana tsa tshipi go kwalela mo go tsone. Nefi a kwala ka lelwapa la gagwe le maeto a bone. O ne le gone a kwala mafoko a Modimo.
Lehi a tsofala. Pele fa a swa a bua le barwae mme a ba bolelela go obamela ditaelo tsa Modimo. O ne le gone a segofatsa bana ba bana ba gagwe.
Morago ga go swa ga ga Lehi Lamane le Lemuele ba galefela Nefi e bile ba batla go mmolaya. Ba ne ba sa batle Nefi, monnaabone, go nna moeteledipele wa bone.
Morena o bolelela Nefi go etelelapele batho ba basiami mo nageng. Ba tsamaya malatsi a mantsi mme la bofelo ba ema kwa lefatsheng le ba le biditseng Nefi.
Batho ba ba neng ba sala Nefi morago ba obamela Modimo. Ba ne ba dira ka natla mme ne ba segofala. Nefi a ruta batho ba gagwe go aga ka legong le tshipi. Ba ne ba aga tempele e ntle.
Balatedi ba ga Lamane le Lemuele ba ne ba bidiwa Balamane.
Balamane ba ne ba sa obamele Modimo mme ba ne ba kgaolwa mo boleng teng jwa Gagwe. Mowa wa Morena o ne o ka seka wa nna le bone go fitlhelela ba ikwatlhaya.
Balamane ba ne ba tletse ka matlhotlhapelo mme kgapetsa kgapetsa ba lwa le Banefi.