Kgaolo 52
Tshenyogo ya Bajarete
Bajarete ba gola mo palong mme ba huma. Ba itlhophela kgosi go nna moeteledipele wa bone.
Dingwaga tse dintsi tsa feta, mme Bajerete ba nna baikepi. Morena o rometse baporofeti go ba bolelela gore ba ikwatlhae kgotsa ba tlaa senngwa.
Batho ba se ka ba reetsa baperofeti. Ba leka go ba bolaya.
Go ne go le dintwa le leuba mo lefatsheng. Bajarete ba bantsi ba a swa.
Morena a romela moperofeti o mongwe, o o bidiwang Ethere. A rera go tswa mo mosong go fitlha maitseboa, a bolelela Bajarete go dumela mo Modimong le go ikwatlhaya.
Ethere o boleletse Bajarete gore fa ba ka dumela mo Modimong, e tlaa re ka letsatsi lengwe ba nne le Rraetsho wa Legodimo mo lefatsheng le le molemo.
Ethere o boleletse Bajarete dilo tse di botlhokwa tse dintsi, mme ba seka ba mo dumela. Ba mo dira gore a tloge mo motseng.
Ethere a iphitla mo logageng ka nako ya motshegare gore a se ka a bolawa. Bosigo a tswela ntle mme a bona gore go diragala eng go Bajarete.
A wetsa go kwala ditso tsa Bajarete fa a santse a iphitlhile.
Morena o rometse Ethere go Khorianthama, yo e neng e le kgosi e e boikepo ya Mojarete. Ethere o moleletse gore a ikwatlhae kgotsa o tlaa tshela go bona batho ba gagwe botlhe ba bolawa.
Khorianthamo le batho ba gagwe ba seka ba ikwatlhaya. A leka gore Ethere a bolawe, mme Ethere a sia a ba a iphitlha mo logageng.
Batho ba ne ba le boikepo mo Morena a hutsitseng lefatshe. Ba sa tlhome di dirisiwa tsa bone kgotsa dichaka fatshe gonne letsatsi le le latelang sedirisiwa se tlaabo se seo.
Bajarete botlhe ba ne ba lwa mo dintweng, go akaretsa basadi le bana. Khorianthamo o ne a eteletse pele mophato o le mongwe mme monna yo bidiwang Shise a etelela pele o mongwe.
Khorianthamo le Shise botlhe ba ne e le baikepi Mowa o o Boitshepo o ne o tlogetse Bajarete ka ntlha ya boikepo jwa bone. Satane o ne a na le thata e e tletseng mo go bone.
Bajarete ba lwa go fitlhelela go sala Khorianthamo le Shise fela. E rile Shise a idibala ka go latlhegelwa ke madi a mantsi mo go kalo, Khorianthamo a kgaola tlhogo ya gagwe
Perofeso ya ga Ethere e nnile boammaaruri: Khorianthamo e ne le Mojarete wa bofelo yo a neng a tshela. O fitlhetswe ke batho ba Sarahemola;
Ethere a wetsa go kwala ditso tsa Bajarete. Ba sentswe ka ntlha ya boikepo jwa bone; Ditshupo tsa Bajarete di ne morago tsa bonwa ke Banefi.