Kgaolo 26

Batho ba ga Amone

Barwa Mosia ba rutile efangele go Balamane. Diketekete tsa Balamane tsa ikwatlhaya mme ba tsena Kereke.

Alema 23:4–5

Balamane bao ikgolantseng le Kereke ba ipitsa Baanthi-Nefi-Lehi, kgotsa batho ba ga Amone. Ba ne ba le molemo, batho ba ba dirang ka thata.

Alema 23:17–18; 27:26

Balamane ba ba sa ikwatlhayang ba ne ba galefela batho ba ga Amone mme ba ipaakanyetsa go ba lwantsha.

Alema 24:1–2

Batho ba ga Amone ba ne ba itse gore baikepi ba Balamane ba tlaa tla go ba bolaya mme ba ikemisetsa go sa ba lwantsha. Ba ikwatlhaetse go bolaya

Alema 24:5–6

Ba fitlha dibetsa kwa tlase mo lefatsheng mme ba solofetsa Modimo gore ga ba kitla ba bolaya gape.

Alema 24:17–18

Fa baikepi ba Balamane ba tla mme ba simolola go ba bolaya, ba khubama mo lefatsheng mme ba rapela.

Alema 24:21

Go bona gore batho ba ga Amone ga ba ka ke ba itwela, bontsi jwa Balamane ba ba boikepo jwa emisa go ba bolaya.

Alema 24:23–24

Balamane ba ne ba utwile botlhoko gore ba bolaile Ba latlhela fa fatshe dibetsa tsa bone mme ba ikopanya le batho ba ga Amone. Ga ba kitla ba lwa ka gope.

Alema 24:24–27

Balamane ka bontsi ba tla go boloya batho ba ga Amone. Ba santse ba sa itwele, mme bontsi jwa bolaiwa.

Alema 27:2–3

A sa batle batho ba a ba ratang ba nyelediwa, Amone a rapelela thuso. Morena a mmolelela go tsaya batho ba gagwe mme a tloge mo lefatsheng.

Aelma 27:4–5, 10–12

Banefi mo Sarahemola ba neetse Amone le batho ba gagwe lefatshe la Jeshone le go ba sireletsa. Ba nna ditsala.

Alema 27:22–23