Kgaolo 47

Jeso Keresete o Segofatsa Barutwana ba Gagwe

Letsatsi lengwe fa barutwana ba kopane ba ikitsai dijo le go rapela, Jeso Keresete a tla go bone.

3 Nefi 27:1–2

Barutwana ba mmotsa gore ba bitseng Kereke ka leina lefe Jeso a re e tshwanetse go bidiwa ka ene ka gore e ne e le Kereke ya gagwe.

3 Nefi 27:3, 7

Jeso o tlhalosetsa barutwana ba gagwe gore Rara wa Legodimo o mo rometse mo lefatsheng go ntshetsa batho botlhe botshelo jwa gagwe.

3 Nefi 27:14

O ne a re mongwe le mongwe yo o ikwatlhayang, a kolobediwe mo leineng la gagwe, mme a obamela ditaelo tsa gagwe o tlaa se bonwe molato fa pele ga ga Rara wa Legodimo.

3 Nefi 27:16

Mmoloki a bolelela barutwana ba gagwe go dira dilo tse ba mmoneng a di dira. O ba tlhometse sekao.

3 Nefi 27:21

Le gone a ba bolelela gore ba kwale se ba se boneng le se ba se utlwileng gore le ba bangwe ba ka itse ka ga sone.

3 Nefi 27:23–25

Jeso a botsa barutwana ba gagwe gore ba eletsa eng mo go ene. Ba le boferabongwe ba batla go nna le ene morago ga botshelo jwa bone mo lefatsheng bo khutla.

3 Nefi 28:1–2

Jeso a ba solofetsa gore fa ba le ngwaga di le 72, ba tlaa ya go ene kwa legodimong.

3 Nefi 28:3

Barutwana ba bararo ba bangwe ba seka ba leka go kopa se ba neng ba se batla, mme Jeso o ne a itse. Ba ne ba batla go nna mo lefatsheng mme ba ruta efangele go fitlha Jeso a boa gape.

3 Nefi 28:5–6, 9

Mmoloki a ba tshepisa fa ba se kitla ba boga setlhabi kgotsa bohutsana le gore ga ba kitla ba swa. Ba tlaa ruta batho efangele go fitlha a boa.

3 Nefi 28:7–9

Jeso a tshwara mongwe le mongwe wa barutwana fa e se ba bararo ba ba tlaa salang mo lefatsheng. Ke gone a tsamaya.

3 Nefi 28:12

Barutwana ba barora ba ne ba tseelwa kwa legodimong, kwa ba boneng le go utlwa dilo di le dintsi tse di gakgamatsang. Ba ne ba le nonofile botoka go tlhaloganya dilo tsa Modimo.

3 Nefi 28:13, 15

Mebele ya bone ene ya fetolwa gore ba se kitle ba swa.

3 Nefi 28:15

Barutwana ba bararo ba boela mo lefatsheng mme ba simolola go rera le go kolobetsa.

3 Nefi 28:16, 18

Banefi ba ba bosula ba latlhela barutwana ba bararo mo kgolegelong le mo mokoting o o boteng, mme thata ya Modimo ya ba thusa go falola.

3 Nefi 28:19–20

Fa ba kgaramelediwa mo molelong le mo lefelong la diphologolo tsa naga, ba ne le bone ba sirelediwa ke thata ya Modimo.

3 Nefi 28:21–22

barutwana ba bararo ba tswelela go rera efangele ya ga Jeso Keresete go Banefi. Ba santse ba rera efangele ya gagwe.

3 Nefi 28:23, 27–29