Kgaolo 46

Jeso Keresete o Ruta le go Rapela le Banefi

Banefi ba ba boneng Jeso Keresete ba ne ba bolelela ditsala tsa bone fa a tlaa boa letsatsi le le latelang. Batho ba le bantsi ba dira ka thata go tsena kwa Jeso a tlaa bo a le teng.

3 Nefi 19:2–3

Moso o o latelang Nefi le barutwana ba bangwe ba ruta setlhopha se se neng se phuthegile. Barutwana jalo ba rapela gore ba ka amogela Mowa o o Boitshepo.

3 Nefi 19:6–9

Nefi a tsena mo metsing mme a kolobediwa. Ke gone a kolobetsa barutwana ba bangwe.

3 Nefi 19:11–12

Morago ga ba kolobediwa, barutwana ba amogela Mowa o o Boitshepo. Ga lebega molelo o ba dikaganyeditse, mme baengele ba fologa go tswa kwa legodimong mme ba ba direla.

3 Nefi 19:13–14

Ya re baengele ba na le barutwana, Jeso a tla mme a nna mo gare ga bone.

3 Nefi 19:15

Keresete a bolelela Banefi go khubama mo mmung. A bolelela barutwana ba gagwe gore ba rapele.

3 Nefi 19:16–17

Ya re ba rapela, Jeso a tsamaela kgakajana le batho mme a khubama a bo a rapela go Rraetsho wa Legodimo.

3 Nefi 19:18–20

Jeso Keresete a lebogela Rraetsho wa Legodimo go bo a neetse barutwana Mowa o o Boitshepo. Ke gone a kopa gore Mowa o o Boitshepo o neelwe mongwe le mongwe yo o dumelang mafoko a barutwana.

3 Nefi 19:20–21

Jeso o segofatsa barutwana ba gagwe fa ba santse ba rapela. A ba fa monyenyo, mme ba nna basweu jaaka sefatlhogo sa gagwe le seaparo.

3 Nefi 19:25

Jeso a rapelela barutwana ba gagwe gape. O ne a kgatlhiwa ke tumelo ya bone e kgolo.

3 Nefi 19:29, 35

Keresete a bolelela batho go emisa go rapela mme ba tswelele ba rapela mo dipelong tsa bone. Ke gone a ba naya sakaramente.

3 Nefi 20:1–5

Go sena ope yo o tlileng ka senkgwe kgotsa mofine, mme Mmoloki a di ba fa ka tsela e e gakgamatsang.

3 Nefi 20:6–7

Jeso Keresete a bolelela Banefi gore efangele ya gagwe e tlaa busediwa mo lefatsheng ka malatsi a bofelo.

3 Nefi 21:1, 3, 7, 9

O ba boleletse gore ba bale dikwalo tse di boitshepo, mme a laola gore Nefi a kwale mo ditshupong tiragalo yotlhe ya perofeso ya ga Samuele wa Molamane.

3 Nefi 23:1, 9–13

Ke gone Jeso a ruta batho go tswa mo dikwalong tse di boitshepo. A ba bolelela go rutana dilo tse a di ba rutileng.

3 Nefi 23:14

Jeso a boela legodimong, mme barutwana ba gagwe ba ruta batho. Bao ba ba neng ba dumela ba ne ba kolobediwa mme ba amogela Mowa o o Boitshepo.

3 Nefi 26:15, 17

Banefi ba simolola go obamela ditaelo tsotlhe.

3 Nefi 26:20