Kgaolo 48
Kagiso mo Amerika
Batho ba ba ikwatlhaetseng dibe tsa bone ba ne ba kolobediwa mme ba amogela Mowa o o Boitshepo.
Ka bofefo Banefi botlhe le Balamane ba ne ba sokologa. Ba ne ba sa ganetsanye e bile mongwe le mongwe o ne a tshepega.
Go ne go sena ope yo o humileng kgotsa yo o humanegileng. Batho ba ne ba tlhakanela sengwe le sengwe, mme botlhe ba ne ba na le se ba se tlhokang.
Barutwana ba dira dikgakgamatso tse dintsi mo leineng la ga Jeso Keresete. Ba fodisa balwetse le go rudisa baswi.
Batho ba aga ditoropo tse disha kwa tse dingwe di sentsweng teng.
Ba obamela ditaelo tsa Modimo. Ba ikitsa dijo mme ba rapela ba bo ba kopana ka metlha go utlwa lefoko la Modimo.
batho ba ne ba itumetse.
Gone go sena magodu, baaki, le babolai. Batho ba ne ba sa kgaogana ka Banefi le Balamane mme ba ne botlhe ba le bangwe, bana ba ga Keresete.
Morena a segofatsa batho mo go sengwe le sengwe se ba neng ba se dira.
Ba tshelelela mo kagisong ngwaga di le 200. Batho ba huma thata.