Vahe 19
Ko e Hoko ʻa e Ngaahi Foha ʻo Mōsaiá ko e Kau Faifekaú
Naʻe fakatomala ʻa e ngaahi foha ʻo Mōsaiá mei heʻenau ngaahi angahalá, pea naʻa nau loto mamahi koeʻuhí ko e ngaahi faingataʻa kuo nau fakatupú. Naʻa nau ʻilo ʻoku moʻoni e ongoongoleleí, pea nau loto ke akoʻi ia ki he kakai kehé.
Naʻe fakafisi e ngaahi foha ʻo Mōsaiá ke nau hoko ko ha tuʻi. Ka naʻa nau fie hoko kinautolu ko ha kau faifekau ki he kau Leimaná mo vahevahe ʻa e tāpuaki ʻo e ongoongoleleí mo kinautolu.
Naʻe lotu ʻa e Tuʻi ko Mōsaiá ke ne ʻilo pe ʻoku totonu ke tuku ange hono ngaahi fohá ke nau ʻalu. Naʻe folofola ange ai ʻa e ʻOtuá ke tuku ke nau ʻalu, pea ʻe maluʻi kinautolu. ʻE tokolahi ha kau Leimana ʻe tui ki heʻenau pōpoakí.
Naʻe ʻalu ai ʻa e ngaahi foha ʻo Mōsaiá ʻo akoʻi ʻa e kau Leimaná. Naʻa nau ʻaukai mo lotu ke nau hoko ko ha kau faifekau lelei.