Vahe 48
Ko e Melinó ʻi ʻAmelika
Naʻe papitaiso ʻa e kakai kotoa pē ne fakatomalá pea nau maʻu ʻa e Laumālie Māʻoniʻoní.
Ne ʻikai fuoloa mei ai kuo tafoki ʻa e kakai Nīfai mo Leimana kotoa pē. Ne ʻikai ha toe fekeʻikeʻi ʻiate kinautolu, pea naʻe faitotonu ʻa e tokotaha kotoa pē.
Naʻe ʻikai ha taha ʻe maʻu koloa pe masiva. Naʻe vahevahe ʻe he kakaí ʻenau ngaahi koloá ʻo nau tōfuhia ʻi he meʻa kotoa pē ne nau fie maʻú.
Naʻe fakahoko ʻe he kau ākongá ha ngaahi mana ʻi he huafa ʻo Sīsū Kalaisí. Naʻa nau fakamoʻui ʻa e mahakí mo fokotuʻu ʻa e maté.
Naʻe langa ʻe he kakaí ha kolo foʻou ʻi he ngaahi feituʻu ne ʻikai toe ʻi ai ha koló.
Naʻa nau talangofua ki he ngaahi fekau ʻa e ʻOtuá. Naʻa nau ʻaukai, lotu mo faʻa fakataha ke ako ki he folofola ʻa e ʻOtuá.
Naʻe fiefia ʻa e kakaí.
Naʻe ʻikai ha kaihaʻa, loi, pe fakapō ʻiate kinautolu. Naʻe ʻikai ke kei mavahevahe ʻa e kakai Nīfaí mo e kau Leimaná, ka naʻa nau hoko ʻo taha pē ko e fānau ʻa Kalaisi.
Naʻe tāpuekina ʻe he ʻEikí ʻa e meʻa kotoa pē ne fai ʻe he kakaí.
Naʻe nofo melino ʻa e fonuá ʻi ha taʻu ʻe 200. Naʻe fakaʻau ke tuʻumālie lahi ʻa e kakaí.