Vahe 33
Ko e Fehangahangai ʻa e Faʻahinga Fie Tuʻí mo e Kau Tangata Tauʻatāiná
Naʻe ʻikai tali ia ʻe Peiholani, naʻe ʻita ʻa e kakai ko ʻení pea nau loto ke toʻo ʻa Peiholani mei hono lakanga ko e tuʻi fakamāú. Naʻa nau loto ke ʻi ai ha nau tuʻi, kae ʻikai ko ha tuʻi fakamaau.
Naʻe ui kinautolu ko e faʻahinga fie tuʻí, pea naʻa nau ʻamanaki ʻe hoko ha taha ʻo kinautolu ko ha tuʻi ʻo ne maʻu ʻa e mālohi ki he kakaí.
Naʻe ui ʻa e kau Nīfai naʻa nau loto ke kei tauhi ʻa Peiholani ko honau tuʻi fakamāú ko e kau tangata tauʻatāina. Naʻa nau fie maʻu ke nau tauʻatāina ke nau moʻui mo lotu ʻo fakatatau mo honau lotó.
Naʻe fili leva ʻe he kakaí ʻi he kau tangata tauʻatāiná pea mo e kau tangata fie tuʻí. Ko e tokolahi ʻo kinautolu naʻa nau fili ki he kau tangata tauʻatāiná.
Naʻe kamata ʻi he taimi ko ʻení ʻa ʻAmalekaia ke tānaki ha kau tau tokolahi ʻo e kau Leimaná ke ʻohofi ʻa e kau Nīfaí.
Naʻe fanongo ʻa e kau tangata tuʻí kuo haʻu ʻa e kau Leimaná, ko ia naʻa nau fiefia pea fakafisi ke tokoni ki hono maluʻi ʻa honau fonuá.
Naʻe ʻita ʻa e ʻEikitau ko Molonaí ʻi he kau tangata tuʻí ʻi he ʻikai ke nau fie tau ke maʻu ʻenau tauʻatāiná. He naʻá ne ngāue mālohi ke tauhi ʻa e tauʻatāina ʻa e kau Nīfaí.
Naʻá ne kole ai ha ngofua mei he kōvaná ke fakamālohiʻi ʻa e kau tangata tuʻí ke nau tauʻi ʻa e kau Leimaná pe ʻe tāmateʻi kinautolu.
ʻI hono foaki ange ʻo e mafaí ʻe he kōvana ko Peiholaní, naʻe taki atu leva ʻe Molonai ʻa ʻene kau taú ke tauʻi ʻa e kau tangata tuʻí.
Naʻe fakapoongi ha niʻihi tokolahi ʻo e kau tangata tuʻí, pea taki pōpula ʻa e niʻihi. Naʻe loto ʻa e toengá ke nau tokoni ki hono maluʻi honau fonuá mei he kau Leimaná.