Vahe 54
Ko e Talaʻofa ʻo e Tohi ʻa Molomoná
Ki muʻa pea tanu fakaʻosi ʻe Molonai ʻa e ʻū peletí, naʻá ne tohi ʻo talaʻofa ki he kau Leimaná pea mo e toko taha kotoa pē te ne lau ʻa e ngaahi lekōtí.
Naʻá ne fakahā ki he kakaí ke nau lau ʻa e ngaahi lekōtí, fakakaukau fakamātoato kiate kinautolu, pea fehuʻi ki he Tamai Hēvani pē ʻoku moʻoni ia.
Naʻe talaʻofa mai ʻa Molonai kapau ʻe kole fakamātoato ʻa e kakaí ʻi he tui kia Sīsū Kalaisi, ʻe tokoniʻi kinautolu ʻe he Laumālie Māʻoniʻoní ke nau ʻilo ʻoku moʻoni ʻa e ngaahi lekōtí.
Naʻe tohi ʻe Molonai kapau ʻe fakatomala ʻa e kakaí, muimui kia Sīsū Kalaisi, pea mo ʻofa ʻi he Tamai Hēvaní, te nau lava ʻo haohaoa.
Hili hono hiki fakaʻosi ʻe Molonai e ʻū lauʻi peletí, naʻá ne fufuuʻi kinautolu ʻi ha puha maka he Moʻunga ko Komolá, peá ne ʻufiʻufiʻi ʻa e puhá ʻaki ha fuʻu maka. Kuo lava ʻene ngāue fakaemāmaní.