Vahe 29
Ko Hono Akoʻi ʻe ʻAlamā ʻa e Tuí mo e Folofola ʻa e ʻOtuá
Naʻe akoʻi ʻe ʻAlamā ʻa e kau Sōlamí ʻo kau ki he tuí. Naʻá ne pehē, ʻoku ʻikai ko e tuí haʻanau kumi ki ha fakaʻilonga ki muʻa pea nau toki tui.
Naʻá ne pehē, ko e tuí ʻa ʻete tui ʻoku moʻoni ha meʻa taʻe te te sio ki ai.
Naʻá ne fakamatalaʻi ko e tuí ʻoku tupulaki ʻo hangē ko e loto ʻa e tangatá ke tui mo fanongo ki he folofola ʻa e ʻOtuá. ʻOku tō ia ʻi hotau lotó ʻo hangē ha tengaʻi ʻakaú, pea ʻoku kamata ia ke tupu.
ʻOku tupu ʻa e tenga ko iá heʻetau ako lahi ange ki he ongoongoleleí, ʻoku tau ʻilo ʻoku lelei ia, pea ʻoku mālohi ange ai ʻetau tuí.
Naʻe pehē ʻe ʻAlamā, ʻoku hanga ʻe he folofola ʻa e ʻOtuá ʻo ʻomi ha ngaahi tāpuaki kia kitautolu, kapau ʻoku tau maʻu ha tui, ʻo hangē pē ko e ngaahi tenga ʻoku tupu mei ai ha fua lelei.