Ngaahi Talanoa ʻo e Folofolá
Vahe 7: Ko Hono Foʻu ʻo e Vaká

Vahe 7

Ko Hono Foʻu ʻo e Vaká

Nephi

Naʻe folofola ʻa e ʻEikí kia Nīfai, ʻi he hili ha ngaahi ʻaho lahi ʻa e nofo fale fehikitaki ʻa Līhai mo hono fāmilí ʻi he veʻe matātahí. Naʻá ne folofola kiate ia ke ne hanga ʻo foʻu ha vaka koeʻuhí ke ne aʻutaki ai ʻa kinautolu ki he fonua ʻo e talaʻofá.

1 Nīfai 17:7–8

Nephi making tools

Naʻe ʻikai ke ʻilo ʻe Nīfai ʻa e founga foʻu ʻo e vaká, ka naʻe folofola ʻa e ʻEikí te ne fakahinohinoʻi ia ʻi he anga hono foungá. Naʻá ne fakahā kia Nīfai ʻa e feituʻu te ne maʻu mei ai ha maka ukamea ke ngaohi ʻaki ʻa e ngaahi meʻa-ngāue fakatufanga te ne fie maʻú.

1 Nīfai 17:9–10

Laman and Lemuel with Nephi

Naʻe manukiʻi ʻe Leimana mo Lēmiuela ʻa Nīfai ʻi heʻene feinga ke foʻu ʻa e vaká. Naʻe ʻikai ke na tui naʻe fakahā ʻe he ʻEikí ʻa e founga ke foʻu ai ʻa e vaká. Naʻe ʻikai ke na fie tokoni ki he ngāué.

1 Nīfai 17:17–18

Nephi talking to Laman and Lemuel

Naʻe tala ange ʻe Nīfai kia Leimana mo Lēmiuela ke na fakatomala pea ʻoua te na angatuʻu. Naʻá ne fakamanatuʻi ange ʻena mamata ki he ʻāngeló. Peá ne toe talaange ʻoku maʻu ʻe he ʻOtuá ʻa e mālohi ke fai e ngaahi meʻa kotoa pē.

1 Nīfai 17:45–46

Laman and Lemuel want to throw Nephi into sea

Naʻe ʻita ʻa Leimana mo Lēmiuela ʻia Nīfai pea naʻá na loto ke lī ia ki he loto moaná.

1 Nīfai 17:48

Nephi with Laman and Lemuel

ʻI heʻena ʻunuʻunu ofi atu kia Nīfaí, naʻá ne fekau ke ʻoua naʻá na ala ange kiate ia, koeʻuhí naʻe fakafonuʻaki ia ʻa e mālohi ʻo e ʻOtuá. Naʻe ilifia ʻa Leimana mo Lēmiuela ʻi ha ngaahi ʻaho lahi.

1 Nīfai 17:48, 52

Laman and Lemuel falling backwards

Hili iá naʻe folofola ʻa e ʻEikí kia Nīfai ke mafao atu hono nimá kia Leimana mo Lēmiuela. ʻI heʻene fai peheé, naʻe kinisi kinaua ʻe he ʻEikí. Naʻe ʻilo ai ʻe Leimana mo Lēmiuela ʻoku maʻu ʻe Nīfai ʻa e mālohi ʻo e ʻOtuá.

1 Nīfai 17:53–55

Nephi

Naʻe fakahā ʻe Nīfai kia Leimana mo Lēmiuela ke na talangofua ki heʻena ongomātuʻa mo e ʻOtuá. Naʻe fakahā ange ʻe Nīfai kapau te na fai ʻeni, ʻe tāpuekina kinaua.

1 Nīfai 17:55

Laman and Lemuel building ship

Naʻe fakatomala ʻa Leimana mo Lēmiuela pea mo tokoni kia Nīfai hono foʻu ʻo e vaká.

1 Nīfai 18:1

Nephi praying

Naʻe tuʻo lahi ʻa e ʻalu ʻa Nīfai ki he moʻungá ʻo lotu ke ne maʻu ha tokoní. Naʻe akoʻi ia ʻe he ʻEikí ʻi he founga ke ne foʻu ai ʻa e vaká.

1 Nīfai 18:3

finished ship

ʻI he taimi naʻe fakaʻosi ai ʻe Nīfai mo hono ongo taʻoketé hono foʻu ʻo e vaká, naʻa nau ʻiloʻi ko ha vaka lelei ia. Naʻa nau fakafetaʻi ki he ʻOtuá koeʻuhí ko ʻene ngaahi tokoní.

1 Nīfai 18:4