Vahe 53
Ko Molonai mo ʻene Ngaahi Akonakí
Naʻe ʻilo ʻe Molonai ʻe ʻi ai ha ʻaho ʻe toʻo ai e ʻū lauʻi koulá mei he kelekelé.
ʻOku fakamatalaʻi ʻe he ngaahi lea ʻoku hiki ʻi he ʻū lauʻi koulá ʻa Sīsū Kalaisi. ʻOku nau ʻomi ha fakamoʻoni mo akoʻi e kakaí ʻi he founga ke nau moʻui māʻoniʻoni aí.
Ne tāmateʻi ʻe he kau Leimana fai angahalá ʻa e toko taha Nīfai kotoa pē naʻe ʻikai ke nau fakaʻikaiʻi ʻa Sīsū Kalaisí.
Naʻe ʻikai lava ʻe Molonai ʻo fakaʻikaiʻi ʻa Sīsū Kalaisi. Naʻá ne hikihiki holo ʻo toitoi mei he kau Leimaná.
Naʻe hiki ʻe Molonai mo ha ngaahi meʻa lahi ʻi he ʻū lauʻi koulá, ʻo fakatautautefito ki he kau Leimana ʻo e ngaahi ʻaho fakaʻosí.
Naʻá ne hiki ha ngaahi meʻa mahuʻinga, ʻo kau ai e fakalea ʻo hono tāpuakiʻi ʻo e sākalamēnití.
Naʻe hiki ʻe Molonai ʻo pehē ko e kakai pē ʻe lava ke papitaisó, ʻa kinautolu ʻoku nau loto ke fakatomala mei heʻenau ngaahi angahalá pea tauhi kia Sīsū Kalaisí.
Naʻe fie maʻu ʻe Molonai ke tui ʻa e toko taha kotoa pē ki a Sīsū Kalaisi mo ʻiloʻi ia. Naʻá ne pehē ʻoku haʻu ʻa e meʻa lelei kotoa pē meia Kalaisi.
Naʻe tohi ʻe Molonai kapau ʻoku ʻofa e kakaí ki he ʻOtuá mo muimui ʻiate ia, te nau hoko ai ʻo haohaoa.
Naʻe ʻiloʻi ʻe Molonai hili ʻene maté, te ne toetuʻu pea nofo fakataha mo e Tamai Hēvaní pea mo Sīsū Kalaisi.