Ko e Kakai ke ʻIloʻi

ʻĒloné,ko ha foha ʻo e Tuʻi ko Mōsaiá mo ha faifekau ki he kakai Leimaná

ʻapinetaí,ko ha palōfita ia naʻe fekau ke ne akoʻi ʻa e Tuʻi ko Noá, ʻa ia naʻá ne tutu ʻo mate a ʻapinetaí.

ʻĀtama,ko e fuofua tangata ia ʻi he māmaní

ʻAlamā,ko ha taulaʻeiki ia ʻa e Tuʻi ko Noá naʻá ne tui ki he ngaahi akonaki ʻa ʻapinetaí peá ne hoko ki mui ai ko ha taki ʻo e Siasí

Ko ʻAlamā ko e Siʻí,ko e foha ia ʻo ʻAlamā naʻe angatuʻu mo feinga ke fakaʻauha ʻa e Siasí, ka naʻe liliu hono lotó mo kamata ke malangaʻi ʻa e ongoongoleleí. Naʻá ne hoko ko e taki ʻo e Siasí pea mo e fuofua tuʻi fakamaau lahí.

ʻAmalekaia,ko ha tangata fai angahala naʻá ne loto ke ne hoko ko e tuʻi ʻo e kau Nīfaí, ka naʻá ne mei toʻo ʻa e tauʻatāina ʻa e kakaí. ʻI he taimi naʻe ʻikai hoko ai ko e tuʻí, naʻá ne ʻalu ʻo kau fakataha mo e kau Leimaná.

Ko ʻAmalekaí,ko ha tangata fai angahala naʻá ne loto ke ne hoko ko e tuʻi ʻo e kau Nīfaí. ʻI he ʻikai ke ne hoko ko e tuʻí, naʻe mavahe ia mo hono kau muimuí, ʻo nau ʻohofi ʻa e kau Nīfaí, pea hili iá naʻe kau fakataha mo e kau Leimaná.

Ko Kau ʻAmalekaí,ko e kau muimui ia ʻo ʻAmalekaí. Naʻá nau ʻai ʻa e fakaʻilonga kulokula ki honau foʻi laʻé mo kau fakataha mo e kau Leimaná.

Ko ʻEmaloní,ko ha tangata anga-tonu ia naʻá ne ʻoange kia Molonai ʻa e ngaahi lekōtí koeʻuhí ke ʻoua naʻa mole

Ko ʻĀmoní,ko e taki ia ʻo e kulupu ʻa e kau Nīfai mei Seilahemalá, naʻá ne ʻalu ki he fonua ʻo Nīfaí mo tokoni ke hola ʻa e kau Nīfai aí

Ko ʻĀmoni,ko e taha ia ʻo e ngaahi foha ʻo Mōsaiá ʻa ia naʻá ne maluʻi ʻa e fanga monumanu ʻa e Tuʻi ko Lamōnaí mei he kau kaihaʻá. Naʻá ne akoʻi mo fakaului ha kau Leimana tokolahi lolotonga ʻene ngāue fakafaifekaú.

Ko e kakai ʻo ʻĀmoní, ko e kau Leimana naʻe fakaului ʻe he ngaahi foha ʻo Mōsaiá. Naʻe tanu ʻe he kakaí ʻenau ngaahi meʻa taú mo fuakava he ʻikai te nau toe tau.

Ko ʻAmuleki,ko ha hoa faifekau ia ʻo ʻAlamā ko e Siʻí. Naʻe ʻave kinaua ki he pilīsoné, ka naʻá na fakaʻaongaʻi ʻa e mālohi ʻo e ʻOtuá ke ʻai ʻa e ngaahi holisi ʻo e fale fakapōpulá ke holo.

Ko ʻAmulone, ko ha taulaʻeiki fai angahala ʻa e Tuʻi ko Noá, naʻe fokotuʻu ke ne hoko ko e taki ki he kakai ʻo ʻAlamaá. Naʻá ne fakangāue mamafa ʻa kinautolu mo fakamanamana te ne tāmateʻi ha taha pe ʻe maʻu ʻoku lotu.

Ko e kau ʻEnitai-Nīfai-Līhaí (vakai, ki he kakai ʻo ʻĀmoní)

Ko e Tuʻi ko Penisimaní,ko ha tuʻi anga-tonu naʻá ne tuʻu ʻo malanga mei he funga tauá ki hono kakaí ʻo kau kia Sīsū Kalaisi

Ko e tokoua ʻo Sēletí,ko ha palōfita naʻá ne kole kia Sīsū ke ne ala ki he ngaahi foʻi maka ʻe 16, koeʻuhí ke ʻi ai ha maama ki he ngaahi vaká ʻa ia ʻe fakaʻaongaʻi ʻe he kau Sēletí ke nau tuku folau ai ki he fonua ʻo e talaʻofá

Ko Kolianitoní,ko e foha ia ʻo ʻAlamā ko e Siʻí naʻe ʻikai ke hoko ko ha faifekau fai velenga mo anga-tonu

Ko Kolianitomulí, ko ha tuʻi fai angahala ʻa ia ko e toko taha Sēleti fakamuimui taha ia ke moʻuí

Ko ʻĪnosí,ko ha foha ia ʻo Sēkope ʻa ia naʻe lotu ʻi he ʻahó mo e pō kotoa. Naʻá ne lotu koeʻuhí ko e kau Nīfaí mo e kau Leimaná.

Ko ʻEtá, ko ha palōfita ia naʻá ne fakatokanga ki he kau Sēletí ke nau fakatomala pea naʻe tohi ʻo fekauʻaki mo honau fakaʻauhá

Ko ʻIví,ko e fuofua fefine ia ke moʻui ʻi he māmaní

Ko e kau tangata tauʻatāiná,ko e kakai Nīfai naʻa nau fie maʻu ke nau moʻui mo lotu tauʻatāina. Naʻe puleʻi kinautolu ʻe he kau fakamāú, ka ʻoku ʻikai ko ha tuʻi.

Ko Kitioné,ko ha tangata Nīfai anga-tonu naʻá ne maluʻi ʻa e Siasí ʻi he taimi naʻe akonakiʻi ʻaki ai ʻe Nēhoa ʻa e ngaahi loi ki he kakaí. Naʻe fakapoongi ia ʻe Nēhoa.

Ko Hekōtíko ha tangata foʻu vaka Nīfaí naʻá ne ʻave ʻa e kakai Nīfai tokolahi ki he fonua fakatokelaú.

Ko Hilamaníko e foha lahi taha ia ʻo ʻAlamā ko e Siʻí. Naʻá ne foaki ange ki ai ʻa e ʻū lauʻi peletí mo fakahā ange ke ne hiki ʻa e hisitōlia ʻo hono kakaí. Naʻá ne toe hoko foki ko e taki ki he kau tau talavou ʻe toko 2,000.

Ko Himinaíko ha foha ia ʻo e Tuʻi ko Mōsaiá pea mo hoko ko e faifekau ki he kau Leimaná.

Ko ʻIsimeʻelí ko ha tangata ia mei Selūsalema naʻe fononga ki he fonua ʻo e talaʻofá mo e fāmili ʻo Līhaí. Naʻe mali hono ngaahi ʻofefiné mo e ngaahi foha ʻo Līhaí.

Ko Sēkopéko e foha ia ʻo Līhai mo Selaiá. Naʻá ne fakatukupaaʻi ʻa Seilemi, ʻa ē naʻá ne pehē ʻoku ʻikai ke ʻi ai ha Kalaisi.

Ko e kau Sēletíko e kau muimui ia ʻo Sēleti pea mo hono tokouá ʻa ia naʻa nau ʻalu mei Pēpeli pea mo fononga ki he fonua ʻo e talaʻofá ʻi he ngaahi vaka lafalafá

Ko Siosefáko ha foha anga-tonu ia ʻo Līhai mo Selaia naʻe fanauʻi ʻi he toafá

Ko Siosefa ko e Siʻíko ha palōfita ia ki muí mai naʻá ne liliu ʻa e Tohi ʻa Molomoná mei he ngaahi ʻū lauʻi koulá

ko e kau tangata tuʻíko ha kau Nīfai naʻa nau loto ke puleʻi kinautolu ʻe ha tuʻi, kae ʻikai ko e kau fakamāú. ʻI he taimi ne ʻikai ke maʻu ai ha tuʻí, naʻa nau fakataha mo e kau Leimaná ʻo ʻohofi ʻa e kau Nīfaí.

Ko Kolihoáko ha tangata fai angahala ia naʻá ne fie maʻu ha fakaʻilonga ke fakamoʻoniʻi ʻaki ʻoku moʻui ʻa e ʻOtuá. Naʻe ʻoange ʻe he ʻOtuá ha fakaʻilonga kia Kolihoa ʻaki ʻene toʻo hono leʻó.

Ko Lēpaníko ha tangata fai angahala ia ʻi Selūsalema naʻe ʻikai loto te ne ʻoange ʻa e ʻū lauʻi palasá ki he ngaahi foha ʻo Līhaí.

Ko Leimanáko e foha lahi ia ʻo Līhai mo Selaiá. Naʻe fai angahala mo angatuʻu ki he ʻOtuá.

Ko e Tuʻi Leimaná, ko ha tuʻi fai angahala naʻá ne ʻoange kia Sēnifi mo hono kau muimui Nīfaí ha kolo ʻe ua, hili iá naʻá ne toe ʻohofi pe kinaua

Ko e kau Leimanáko e ngaahi hako pe kau muimui ʻo Leimana mo Lēmiuela pe ko e kakai naʻe ʻikai te ke nau tali ʻa e ongoongoleleí

Ko e Tuʻi ko Lamōnaí,ko ha Tuʻi ʻo e kau Leimaná naʻe tui ʻi hono akoʻi ki ai ʻa e ongoongoleleí. Naʻe maluʻi ʻe ʻĀmoni ʻa e fanga manu ʻa e tuʻí mei he kau kaihaʻá.

Ko e tamai ʻa e tuʻi ko Lamōnaí, ko ha tuʻi ʻo e kau Leimaná naʻe tui ʻi hono akoʻi ki ai ʻa e ongoongoleleí. Naʻá ne pehē te ne siʻaki kotoa ʻene ngaahi angahalá ke ne ʻilo ʻa e ʻOtuá.

Ko Līhaíko ha palōfita naʻá ne fakatokanga ʻe fakaʻauha ʻa Selūsalema. Naʻe fanongo ʻi he taimi naʻe fakahā ange ai ʻe he ʻOtuá ke ʻave hono fāmilí ki he toafá.

Ko Līhaíko e foha ia ʻo Hilamaní. Naʻe tuku ia ki he fale fakapōpulá pea naʻe takatakaiʻi kinaua ʻe he afí.

Ko Lēmiuelako ha foha anga-kovi ʻo Līhai mo Selaia

Ko e Tuʻi ko Limihaí, ko ha foha fai lelei ʻo e Tuʻi angakovi ko Noá. Naʻe hoko mo hono kakaí ko e kau pōpula ʻo e kau Leimaná pea naʻa nau hola meiate kinautolu.

Ko Meléko e faʻē ia ʻa Sīsuú

Ko Molomonáko e taki ʻo e kau tau Nīfaí mo e taha ʻo e kau palōfita fakamuimui ʻo e kau Nīfaí. Naʻá ne fakatahatahaʻi ʻa e Tohi ʻa Molomoná.

Ko Molonaíko e foha ia ʻo Molomona pea ko e palōfita fakamuimui ia ʻo e kau Nīfaí. Naʻá ne tanu ʻa e ʻū lauʻi koulá pea naʻe toki hā ki mui ange kia Siosefa Sāmita ko ha ʻāngelo.

Ko e ʻEikitau ko Molonaí, ko ha taki anga-tonu ʻo e kau tau Nīfaí. Naʻá ne ʻai ʻa e fakaʻilonga ʻo e tauʻatāiná mo fakahā ki heʻene kau taú ke nau tau ki heʻenau tauʻatāiná.

Ko e Tuʻi ko Mōsaiá,ko e tuʻi fakamuimui taha ia ʻo e kau Nīfaí. Naʻe toko fā hono ngaahi fohá.

Ko Nēhoá ko ha tangata fai angahala naʻe fakakikihi lahi ki he Siasi ʻo e ʻOtuá. Naʻá ne fakapoongi ʻa Kitione pea naʻe tāmateʻi foki mo ia.

Ko Nīfaí,ko ha foha anga-tonu ʻo Līhai mo Selaia. Naʻá ne maʻu ʻa e ʻū lauʻi palasá meia Lēpani pea mo foʻu ʻa e vaka naʻe ʻave ai hono fāmilí ki he fonua ʻo e talaʻofá.

Ko Nīfaíko e foha ia ʻo Hilamaní. Naʻe lī ia mo hono tokouá ko Līhai, ki he pilīsoné pea naʻe takatakai kinaua ʻe he afí. Naʻe ʻai ʻe Nīfai ke tō ha honge ke akoʻi ʻa e kakaí ke nau fakatomala.

Ko Nīfaíko ha tangata anga-tonu naʻe fili ʻe Sīsū Kalaisi ke ne hoko ko ha ākonga pea mo ha taki ki he Siasí

Ko e kau Nīfaíko e kau muimui ʻo Nīfaí pe ko e kakai naʻa nau tali ʻa e ongoongoleleí

Ko e Tuʻi ko Noá,ko ha tuʻi fai angahala ʻo e kau Nīfaí naʻe ʻofa ʻi he koloá pea naʻá ne akoʻi hono kakaí ke nau fai angahala. Naʻe tutu ia ʻe hono kakaí ʻo aʻu ki heʻene mate.

Ko ʻOmineáko ha foha ia ʻo e Tuʻi ko Mōsaiá naʻe hoko ko ha faifekau ki he kau Leimaná

Ko Peiholaníko ha tuʻi fakamaau lahi ʻo e kau Nīfaí naʻe tokoni ki he ʻEikitau ko Molonaí ke ikuʻi ʻa e Nīfai fai angahalá

Ko Samúko ha foha anga-tonu ia ʻo Līhai mo Selaia

Ko Samuela ko e tangata Leimaná ko ha palōfita naʻe kikite ki he kau Nīfaí ʻo kau ki he ngaahi fakaʻilonga ʻo e ʻaloʻi mo e pekia ʻa Sīsū Kalaisí

Ko Selaiáko e uaifi ia ʻo Līhaí

Ko Seianitumíko e tokoua ia ʻo Seisolami pea ko ia pe naʻá ne tāmateʻi iá

Ko Seisolamíko ha tuʻi fakamaau lahi naʻe fakapoongi pe ia ʻe hono tokouá

Ko Seilemí ko ha tangata fai angahala Nīfai naʻá ne fie maʻu ke sio ki ha fakaʻilonga ki muʻa ke tui kia Sīsū Kalaisi

Ko Siséko ha tangata fai angahala Sēleti naʻá ne taki ha konga tau ke fakafepakiʻi ʻa Kolianitomuli, pea ko e Sēleti fakamuimui taha ia naʻe moʻuí

Ngaahi foha ʻo e Tuʻi ko Mōsaiá:ʻĒlone, Āmoni, Himinai, mo ʻOminea, naʻa nau hoko ko e kau faifekau loto-toʻa ki he kau Leimaná

Kau tau kei talavou ʻe toko uaafé ko e kau tau talavou mei he kau ʻĀmoní naʻe taki ʻe Hilamani. Naʻa nau tau koeʻuhí ke ʻoua naʻa toe tau ʻenau ngaahi mātuʻa naʻa nau fuakava he ʻikai ke nau toe tau.

Ko Sisoloméko ha loea naʻá ne foaki ange ha paʻanga kia ʻAmuleki ke ne fakaʻikaiʻi ʻoku ʻikai ke ʻi ai ha ʻOtua. Naʻe akoʻi kiate ia ʻa e ongoongoleleí ʻe ʻAlamā ko e Siʻi, pea naʻe fakatomala.

Ko SēnifíKo Sēnifí ko ha taki anga-tonu naʻá ne ʻave ʻa e kulupu ʻo e kau Nīfaí mei Seilahemala ki he fonua ko Nīfaí, pea naʻa nau hoko ai ko e kau pōpula ʻa e Tuʻi fai angahala ko Leimaná

Ko Seilahemená ko ha taki ia ʻo e kau Leimaná naʻe tau mo e kau Nīfaí, pea naʻá ne loto ke nau hoko ko ʻene kau pōpula. Pea naʻe tuʻusi hono tumuʻakí ʻi ha tau ko e fakafepaki ki he kau tau ʻa e ʻEikitau ko Molonaí.

Ko Sōlamíko ha tamaioʻeiki ʻa Lēpani naʻe fononga mo e fāmili ʻo Līhai ki he fonua ʻo e talaʻofá

Ko e kau Sōlamíko ha kakai fai angahala naʻe ʻi ai ha taimi ʻe taha naʻa nau kau ai ʻi he siasi ʻo e ʻOtuá. Naʻa nau lotu ʻi he loto falelotú ʻi ha tuʻuʻanga naʻe ui ko e Lameiami toni.