Vahe 4

Ko e ʻŪ Peleti Palasá

Lehi talking to Nephi

Naʻe fakahā ange ʻe Līhai kia Nīfai ʻoku finangalo ʻa e ʻEikí ke ne foki mo hono ngaahi tokouá ki Selūsalema. Ke nau ō ʻo ʻomai ʻa e ū lauʻi palasá mei ha tangata ko Lēpani.

1 Nīfai 3:2–4

brass plates

Ko e ngaahi lekooti mahuʻinga ʻa e ʻū lauʻi palasá. ʻOku ʻi ai ha ngaahi fakamatala ʻo fekauʻaki mo e ngaahi kui ʻa Līhaí pea ʻoku hā foki ai mo ha ngaahi folofola ʻa e ʻOtuá ki heʻene kau palōfitá.

1 Nīfai 3:3, 20

Laman and Lemuel

Naʻe ʻikai fie foki ʻa Leimana mo Lēmiuela ke ʻomi ʻa e ʻū lauʻi palasá. Naʻe ʻikai ke na maʻu ha tui ki he ʻEikí.

1 Nīfai 3:5

Lehi talking to Nephi

Naʻe loto ʻa Nīfai ke talangofua ki he ʻEikí. Naʻá ne ʻiloʻi ʻe tokoniʻi kinautolu ʻe he ʻEikí ke nau maʻu ʻa e ʻū lauʻi peletí meia Lēpani.

1 Nīfai 3:7

Laman, Lemuel, Sam, and Nephi

Ko ia naʻe foki ai ʻa Leimana, Lēmiuela, Samu mo Nīfai ki Selūsalema ke maʻu mai ʻa e ʻū lauʻi palasá.

1 Nīfai 3:9

Laman talking to Laban

Naʻe ʻalu ʻa Leimana kia Lēpani ʻo kole kiate ia ʻa e ʻū lauʻi palasá.

1 Nīfai 3:11–12

Laman running

Naʻe ʻita ʻa Lēpani pea naʻe ʻikai ke ne ʻoange ʻa e ʻū lauʻi palasá kia Leimana.

1 Nīfai 3:13–14

Laman talking to brothers

Naʻe fakahā ʻe Leimana ki hono ngaahi tokouá ʻa e meʻa naʻe hokó. Naʻá ne ilifia pea loto ia ke nau foki ki heʻenau tamaí ʻi he toafá.

1 Nīfai 3:14

Nephi talking to brothers

Naʻe talaange ʻe Nīfai he ʻikai ke nau foki kae ʻoua kuo nau maʻu ʻa e ʻū lauʻi palasá. Naʻá ne talaange ki hono ngaahi tokouá ke nau maʻu ha tui ʻoku lahi ange ki he ʻEikí, pea te nau toki lava leva ke maʻu ʻa e ʻū lauʻi palasá.

1 Nīfai 3:15–16

gathering gold

Naʻe ʻalu leva ʻa Nīfai mo hono ngaahi tokouá ki honau ʻapi fuoloa ʻi Selūsalemá, ʻo nau tānaki ʻenau koulá mo e silivá ke fakafetongiʻaki ʻa e ʻū lauʻi palasá.

1 Nīfai 3:22

showing Laban gold

Naʻa nau fakahā kia Lēpani ʻenau koloá pea mo kole kiate ia ke fakafetongiʻaki ʻa e ʻū lauʻi palasá. ʻI he taimi naʻe mamata ai ʻa Lēpani ki heʻenau koulá mo e silivá, naʻá ne fie maʻu ia pea naʻá ne tuli kinautolu ki tuʻa.

1 Nīfai 3:24–25

Laban pointing

Naʻe fekau ʻe Lēpani ki heʻene kau tangatá ke nau fakapoongi ʻa e ngaahi foha ʻo Līhaí. Naʻe maʻu ai ʻe Lēpani ia ʻenau koulá mo ʻenau silivá.

1 Nīfai 3:25–27

Laman and Lemuel beating Nephi and Sam

Naʻe ʻita ʻa Leimana mo Lēmiuela kia Nīfai. Naʻá na tā ʻa Nīfai mo Samu ʻaki ha vaʻakau.

1 Nīfai 3:28

angel appearing

Naʻe hā mai leva ha ʻāngelo ʻo taʻofi ʻa Leimana mo Lēmiuela. Naʻá ne fakahā ange ʻe tokoniʻi kinautolu ʻe he ʻEikí ke nau maʻu ʻa e ʻū lauʻi palasá. Naʻá ne toe fakahā ange foki ʻe hoko ʻa Nīfai ko e taki ki hono ngaahi tokouá.

1 Nīfai 3:29

Nephi talking to brothers

Naʻe fakahā ai ʻe Nīfai ki hono ngaahi tokouá ke nau maʻu ha tui ki he ʻEikí pea ʻoua te nau ilifia kia Lēpani mo ʻene kau tangatá. Naʻe fakalotolahiʻi ʻe Nīfai ʻa hono ngaahi tokouá ke nau foki ki Selūsalema.

1 Nīfai 4:1–4

Nephi and brothers hiding

ʻI he pō ko iá, naʻe toitoi ʻa e ngaahi tokoua ʻo Nīfaí ʻi he tuʻa ʻā ʻo e koló, kae hū atu ʻa Nīfai. Naʻá ne ʻalu ai ki he ʻapi ʻo Lēpaní.

1 Nīfai 4:5

Laban drunk

ʻI he fakaofi atu ʻa Nīfai ki he fale ʻo Lēpaní, naʻá ne mamata ki ha tangata konā ʻoku tokoto ʻi he kelekelé. Ko Lēpani ia.

1 Nīfai 4:6–8

Nephi taking Laban’s sword

Naʻe sio ʻa Nīfai ki he heletā ʻa Lēpaní, peá ne toʻo hake leva ia. Naʻe fakahā ange ʻe he Laumālie Māoniʻoní kia Nīfai ke ne fakapoongi ʻa Lēpani, ka naʻe ʻikai ke loto ʻa Nīfai ke ne tāmateʻi ia.

1 Nīfai 4:9–10

Nephi killing Laban

Naʻe toe talaange ʻe he Laumālie Māʻoniʻoní kia Nīfai ke ne hanga ʻo fakapoongi ʻa Lēpani, koeʻuhí ka ne lava ke maʻu ʻa e ʻū lauʻi palasá. Naʻe fie maʻu ʻe he fāmili ʻo Līhaí ʻa e ʻū lauʻi palasá koeʻuhí ke nau ako ai ki he ongoongoleleí.

1 Nīfai 4:12, 16–17

Nephi in Laban’s clothes

Naʻe talangofua ʻa Nīfai ki he Laumālie Māoniʻoní, pea naʻá fakapoongi ʻa Lēpani. Hili ko iá naʻe tui leva ʻe Nīfai ʻa e kofu mo e teunga-tau ʻo Lēpaní.

1 Nīfai 4:18–19

Nephi acting as Laban

Naʻe ʻalu leva ʻa Nīfai ki he fale ʻo Lēpaní, pea naʻá na fetaulaki mo Sōlami. Ko e tamaioʻeiki ia ʻa Lēpaní. Naʻe hangē tofu pē ʻa e fōtunga mo e leʻo ʻo Nīfaí ko Lēpaní.

1 Nīfai 4:20

Nephi and Zoram

Naʻá ne fekau ʻa Sōlami ke ʻalu ʻo ʻomai ʻa e ʻū lauʻi palasá. Naʻe pehē ʻe Sōlami ko Lēpani ʻa Nīfai, ko ia ai naʻá ne ʻoange kiate ia ʻa e ʻū lauʻi palasá. Naʻe fekau ʻe Nīfai ʻa Sōlami ke muimui ange ʻiate ia.

1 Nīfai 4:21, 24–25

Nephi and Zoram

ʻI he mamata mai ʻa Leimana, Lēmiuela, mo Samu ki he ʻalu ange ʻa Nīfaí pea naʻa nau manavahē; naʻa nau fakakaukau ko Lēpani ia. Ko ia naʻe kamata ke nau lele ka naʻa nau tuʻu ʻi heʻenau fanongo ki he ui atu ʻa Nīfai kiate kinautolú.

1 Nīfai 4:28–29

Nephi and Zoram

Naʻe toki fakatokangaʻi ai ʻe Sōlami ta koā ʻoku ʻikai ko Lēpani ia, pea naʻá ne feinga ke hola. Naʻe puke ʻe Nīfai ʻa Sōlami pea mo palōmesi ange, he ʻikai te ne fakapoongi ia kapau ʻe ʻalu mo kinautolu ki he toafá.

1 Nīfai 4:30–33

Zoram and brothers

Naʻe loto lelei ki ai ʻa Sōlami. Naʻe ʻave leva ʻe Nīfai mo hono ngaahi tokouá ʻa Sōlami mo e ʻū lauʻi palasá pea foki kia Līhai mo Selaia.

1 Nīfai 4:35, 38

Lehi and Sariah happy

Naʻa nau ʻoange ʻa e ʻū lauʻi palasá kia Līhai. Naʻe fiefia ʻa Līhai mo Selaia ʻi he foki lelei ange hona ngaahi fohá. Naʻa nau fiefia mo fakamālō ki he ʻOtuá.

1 Nīfai 5:1, 9

Lehi reading to sons

Naʻe lau ʻe Līhai ʻa e ʻū lauʻi palasá. Naʻe hā ai ha ngaahi fakamatala ʻo kau kia Ātama mo ʻIvi pea mo e faʻu ʻo e māmaní. Naʻe hā ai ʻa e ngaahi fakamatala ʻa ha kau palōfita tokolahi.

1 Nīfai 5:10–11, 13

Lehi and Nephi

Naʻe fiefia ʻa Līhai mo Nīfai koeʻuhí he naʻá na talangofua ki he ʻEikí peá na lava foki ke maʻu mai ʻa e ʻū lauʻi palasá.

1 Nīfai 5:20–21

Lehi packing plates

Naʻe ʻave ʻe Līhai mo hono fāmilí ʻa e ʻū lauʻi palasá ʻi heʻenau fonongá, koeʻuhí ke nau akoʻi ʻaki ʻenau fānaú ʻa e ngaahi fekau ʻoku hā ʻi he ʻū lauʻi palasá.

1 Nīfai 5:21–22