“Kapitulli 2: Vegimi i Parë i Jozef Smithit: 1820,” Histori nga Doktrina e Besëlidhje (2002), 9–12
“Kapitulli 2,” Histori nga Doktrina e Besëlidhje, 9–12
Kapitulli 2
Vegimi i Parë i Jozef Smithit
(1820)
Jozef Smithi dhe familja e tij besonin te Perëndia. Ata lexonin Biblën së bashku. Babai dhe nëna e Jozefit u mësonin fëmijëve të ishin të mirë.
Kishte shumë Kisha në Palmira. Të gjithë njerëzit thoshin që kisha e tyre ishte kisha e drejtë. Ata thoshin që kishat e tjera ishin të gabuara. Jozefi nuk dinte me cilën kishë të bashkohej. Ai donte të dinte cila ishte Kisha e vërtetë e Jezu Krishtit.
Një ditë Jozefi po lexonte Biblën. Ai ishte katërmbë-dhjetë vjeç. Ai lexoi që duhet të pyesim Perëndinë kur duam të dimë diçka. Jozefi vendosi të lutej. Ai do të pyeste Perëndinë me cilën kishë të bashkohej.
Ishte një ditë e bukur pranvere. Jozefi shkoi në pyllin pranë shtëpisë. Ai u gjunjëzua. Ai u lut me zë të lartë. Ai kishte besim se Ati Qiellor do t’i përgjigjej lutjes së tij.
Satani nuk donte që Jozefi të lutej. Satani u përpoq ta ndalonte. Satani e bëri errësirë kudo rreth e qark Jozefit. Ai nuk mund të fliste. Ai kishte frikë.
Jozefi nuk pushoi së luturi. Satani nuk mund ta ndalonte atë.
Atëherë Jozef Smithi pati një vegim. Ai pa një dritë të shkëlqyeshme, të bardhë. Drita ishte kudo rreth tij. Ai pa Atin Qiellor dhe Jezu Krishtin. Ata po qëndronin mbi të në dritë. Ati Qiellor tregoi nga Jezu Krishti dhe tha: «Ky është Biri im i Dashur. Dëgjoje Atë!»
Jozefi e pyeti Jezusin se cila kishë ishte e vërtetë. Ai e pyeti se me cilën kishë duhej të bashkohej. Jezusi tha që të gjitha kishat ishin të gabuara. Asnjëra prej tyre nuk ishte Kisha e tij. Ai i tha Jozefit shumë gjëra të tjera. Pastaj vegimi mbaroi. Jozefi ishte vetëm.
Jozefi shkoi në shtëpi. Nëna e tij e pyeti në se ishte mirë. Jozefi tha po. Ai i tha nënës që pa një vegim. Ai i tha se çfarë mësoi në vegimin e tij.
Jozefi u tregoi disa njerëzve në qytet rreth vegimit të tij. Njerëzit nuk e besuan atë. Ata menduan që ai po thoshte gënjeshtra. Ata ishin të inatosur me të. Ata ishin të liq me të.
Jozefi gjithmonë tha të vërtetën rreth vegimit të tij. Ai e dinte që kishte parë Atin Qiellor dhe Jezu Krishtin. Ai e dinte që asnjë nga kishat në tokë nuk ishte e vërtetë.