Kapitulli 45

Turmat në Misuri

(1833)

Disa prej shenjtorëve jetonin në Far Uest, në Misuri. Jozef Smithi jetonte aty. Njerëzit ishin të lumtur. Ata ndërtuan shtëpi dhe ndërtesa të mira.

Por shenjtorët nuk patën paqe për një kohë të gjatë. Njerëzit e liq shkaktuan shqetësime për ta. Ata thanë gënjeshtra për shenjtorët dhe gjëra të këqija për drejtuesit e Kishës.

Turma u takua për të planifikuar mënyra për të lënduar shenjtorët.

Turma bëri shumë gjëra të këqija. Ata i nxorën shenjtorët jashtë shtëpive të tyre.

Ata dogjën shtëpitë dhe shkatërruan fermat e tyre.

Ata i goditën burrat dhe futën disa prej tyre në burg.

Turma goditi gratë dhe vrau disa prej tyre.

Zoti Bogs ishte guvernatori i Misurit. Turma i tha atij gënjeshtra rreth shenjtorëve.

Guvernatori Bogs u tha disa ushtarëve të vrisnin shenjtorët në se ata nuk largoheshin nga Misuri. Turma ishte e gëzuar. Ata bënë shumë gjëra të tjera të këqija. Guvernatori nuk i ndaloi ata.

Disa shenjtorë jetonin në një qytet të quajtur Hauns Mill. Një ditë disa prej tyre po punonin në fusha. Të tjerët po punonin në shtëpitë e tyre. Një turmë erdhi dhe i sulmoi ata.

Disa prej shenjtorëve vrapuan në një ndërtesë të bërë me dru. Turma qëlloi me pushkë nga të çarat në mure.

Turma vrau shenjtorët që po fshiheshin. Disa fëmijë u qëlluan dhe u vranë.

Atëherë turma vodhi shtëpitë dhe karrocat e shenjtorëve. Ata vranë shumë nga burrat. Gratë dhe fëmijët mbetën vetëm.

Më vonë disa ushtarë kapën Jozef Smithin dhe drejtuesit e tjerë të Kishës. Ushtarëve u ishte thënë të qëllonin me pushkë Jozefin dhe miqtë e tij.

Por drejtuesi i ushtarëve nuk donte të bindej. Ai nuk donte të vriste Jozef Smithin dhe të tjerët. Ai tha se do të ishte vrasje.

Ushtarët futën Jozefin dhe shokët e tij në burg. Rojet i lidhën me zinxhirë. Ishte ftohtë në burg. Jozefi dhe shokët e tij duhej të flinin në dyshemenë e ftohtë.

Rojet ishin njerëz të liq. Ata thanë fjalë të ndyra dhe treguan histori të këqija. Ata treguan si vodhën dhe vranë shenjtorët. Ata treguan si goditën gratë dhe fëmijët. Ata qeshën dhe u mburrën gjithë natën.

Jozefi e urreu çfarë ata thoshin. Ai nuk mund të dëgjonte më. Ai u ngrit në këmbë dhe i urdhëroi ata në emër të Jezu Krishtit që të ndalonin. Ai tha: «Ndaloni! Ose ju ose unë do të vdesim në këtë moment.» Rojet u frikësuan Ata i thanë Jozefit se u vinte keq. Ata u ulën në një cep dhe nuk folën.

Brigam Jang ishte një nga apostujt. Ai kërkoi që shenjtorët të vinin në një mbledhje gjatë kohës që Jozefi ishte në burg. Brigam Jang u tha se ata duhej të largoheshin nga Misuri. Shumë nga shenjtorët ishin të varfër. Ata nuk kishin karroca ose kuaj. Njerëzit në mbledhje thanë se ata do të ndihmonin shenjtorët e varfër të iknin.

Shenjtorët u larguan nga Misuri. Ishte dimër dhe shumë ftohtë. Turmat u përpoqën t’i godisnin. Ata vodhën kuajt dhe qetë e shenjtorëve.

Shenjtorët shkuan në Kuinsi, Illinois. Njerëzit në Kuinsi ishin të mirë me ta.

Guvernatori Bogs dhe miqtë e tij ishin të lumtur që shenjtorët ikën. Të vetmit shenjtorë të mbetur në Misuri ishin në burg.