“Hajiri,” Hadithi za Agano la Kale (2022)
“Hajiri,” Hadithi za Agano la Kale
Hajiri
Mpango wa Bwana kwa ajili ya binti Wake
Hajiri alikuwa mtumishi wa Sara. Sara alikuwa mzee na hakuwa na watoto. Alimwambia mume wake, Ibrahimu, amwoe Hajiri ili waweze kuwa na watoto. Ibrahimu na Hajiri wakaoana, na punde Hajiri alitarajia kuwa na mtoto.
Hajiri na Sara wakaanza kutofautiana. Hajiri alichagua kukimbilia jangwani.
Hajiri alipokuwa akisafiri, akawa amechoka sana na mwenye kiu. Mwishowe, akafika mahali penye maji na akapumzika hapo.
Bwana alijua kuhusu matatizo ya Hajiri na alikuwa na mpango wa kumsaidia. Alimtuma malaika kumwambia arudi tena kwa Ibrahimu na Sara. Aliahidi kwamba familia ya Hajiri ingekua. Alisema kwamba mtoto atakaye kuwa naye alikuwa mvulana na kwamba angemwita Ismaili
Hajiri alimtumaini Bwana na alimtii malaika. Alirudi kwa Ibrahimu na Sara. Hajiri alipata mtoto wake wa kiume, na jina lake lilikuwa Ismaili. Hajiri alijua kwamba Bwana anamlinda.