“Familia ya Adamu na Hawa,” Hadithi za Agano la Kale (2022)
“Familia ya Adamu na Hawa,” Hadithi za Agano la Kale
Familia ya Adamu na Hawa
Kuchagua kumfuata Bwana
Baada ya Adamu na Hawa kuondoka kwenye Bustani ya Edeni, waliendelea kujifunza kuhusu mpango wa Baba wa Mbinguni kwa ajili yao hapa duniani. Walikuwa na watoto wengi na waliwafundisha yote waliyojua kuhusu Bwana. Baadhi ya watoto wa Adamu na Hawa walichagua kumtii Bwana. Lakini baadhi yao walichagua kutomtii.
Familia ya Adamu na Hawa walitunza kitabu cha kumbukumbu Waliandika historia ya familia katika kitabu. Waliandika kuhusu jinsi Bwana alivyowasaidia.
Kaini na Abeli walikuwa wana wawili kati ya wana wa Adamu na Hawa. Abeli alimpenda Bwana na alichagua kumfuata Yeye. Kaini hakumtii Bwana. Yeye alichagua kuasi.
Familia ya Adamu na Hawa iliendelea kukua. Watu wengi zaidi walizaliwa. Wote walikuwa na uhuru wa kufanya maamuzi. Wakati ulifika, baadhi ya watu waliasi dhidi ya amri za Bwana. Bwana aliwatuma manabii wafundishe watu kutubu.