Aralin 33

Ipinapaalala sa Atin ng Sakramento ang Ating mga Tipan

Layunin

Tulungan ang mga bata na maunawaan na ang pagtanggap ng sakramento ay makatutulong sa kanila na alalahanin ang mga tipan ng binyag.

Paghahanda

1. Basahin ang Moronias 4:3 at 5:2.

2. Maghandang tulungan ang mga bata na bigkasin at matutuhan ang ikatlong saligan ng pananampalataya.

3. Mga kailangang kagamitan:

   1. Isang Aklat ni Mormon.

   2. Singsing at kalasag na PAT.

   3. Larawan 3-13, Binibinyagan ang Isang Batang Lalaki (62018); larawan 3-59, Ipinapasa ang Sakramento (62021); larawan 3-9, Si Jesus, ang Cristo (62572; Pakete ng Larawan ng Sining ng Ebanghelyo 240).

4. Gawin ang mga kinakailangang paghahanda para sa anumang gawaing nagpapayaman sa kaalaman na gagamitin mo.

Mungkahing Pagbubuo ng Aralin

Anyayahan ang isang bata na magbigay ng pambungad na panalangin.

Kumustahin sa mga bata kung nagawa nila ang anumang bagay na hinimok mong gawin nila sa loob ng linggong ito.

Ang Panalangin ng Sakramento ay Nagpapaalala sa Atin sa Ating mga Tipan sa Binyag

Gawaing pantawag pansin

Sabihin sa mga bata na makinig na mabuti. Kung sasabihin mo ang isang bagay na dapat nilang gawin o isipin sa oras ng sakramento, sila ay dapat na tumayong matuwid. Kung sasabihin mo ang isang bagay na hindi nila dapat gawin o isipin sa oras ng sakramento, sila ay dapat yumuko.

Basahin ang sumusunod na mga pahayag nang isa-isa, na binibigyan ang mga bata ng panahong sumagot.

Gawaing pantawag pansin

1. Alalahanin na mahal tayo ng Ama sa Langit at ni Jesucristo. (Tumayo)

2. Isipin ang tungkol sa pagpunta sa piknik. (Yumuko)

3. Alalahanin na pinagaling ni Jesucristo ang mga taong maysakit. (Tumayo)

4. Bumulong at kausapin ang iyong katabi. (Yumuko)

5. Maging malikot at gumalaw sa iyong upuan. (Yumuko)

6. Manalangin sa Ama sa Langit. (Tumayo)

7. Gumuhit ng mga larawan o maglaro. (Yumuko)

8. Alalahanin ang mga kuwento tungkol kay Jesucristo. (Tumayo)

Gawaing may larawan

Ipakita ang larawan 3-13, Binibinyagan ang Isang Batang Lalaki, at larawan 3-59, Ipinapasa ang Sakramento. Ipaisip sa mga bata ang pinakahuli nilang pagtanggap ng sakramento. Sabihin sa kanilang alalahanin kung ano ang inisip at ginawa nila sa oras ng sakramento. Sabihin sa kanila na sagutin ang mga sumusunod na tanong sa kanilang mga sarili, nang hindi malakas:

Gawaing may larawan

• Naging mapitagan ka ba sa oras ng sakramento?

• Inisip mo ba ang Tagapagligtas sa oras ng sakramento?

• Nakinig ka ba sa mga salita ng mga panalangin ng sakramento?

Banal na kasulatan at talakayan

Basahin nang malakas ang Moronias 4:3 at iparinig sa mga bata ang dalawang pangako na ginagawa nila sa Ama sa Langit kapag sila ay tumatanggap ng sakramento. Bigyang-diin ang mga salita, kung kinakailangan, upang tulungan silang malaman ang dalawang pangakong ito.

Tayo ay nangangako na—

Banal na kasulatan at talakayan

1. Palaging alalahanin si Jesucristo. (Hayaang ipakita ng isang bata ang larawan 3-9, Si Jesus, ang Cristo.)

2. Sundin ang mga kautusan. (Hayaang ipakita ng isang bata ang singsing at kalasag na PAT. Pagbalik-aralang kasama ng mga bata ang ibig sabihin ng PAT.)

Himukin ang mga bata na makinig na mabuti sa mga panalangin ng sakramento bawat linggo upang marinig ang dalawang pangako na ginagawa nila:

Banal na kasulatan at talakayan

1. Palaging alalahanin si Jesucristo.

2. Sundin ang kanyang mga kautusan.

Ipaliwanag na ito rin ang mga pangako na ginagawa natin kapag tayo ay binibinyagan. Ipaulit sa mga bata ang dalawang pangakong ito nang malakas. Bigyang-diin na nagtitiwala ang Ama sa Langit na tutuparin natin ang ating mga pangako sa kanya, at alam natin na laging tutuparin ng Ama sa Langit ang kanyang mga pangako sa atin.

Ipaliwanag na hindi laging madaling alalahanin ang ating mga pangako. Ang pagtanggap ng sakramento tuwing Linggo at pakikinig sa mga panalangin ng sakramento ay makatutulong sa atin na maalalang tuparin ang ating mga pangako sa Ama sa Langit.

Saligan ng pananampalataya

Tulungan ang mga bata na bigkasin ang ikatlong saligan ng pananampalataya. Bigyang-diin na makababalik lamang tayo sa Ama sa Langit at kay Jesucristo kung susundin natin ang kanilang mga kautusan.

Kuwento

Isalaysay sa iyong sariling mga salita ang kuwento ni Jonathan, isang batang lalaki na nakadama ng kahalagahan ng sakramento:

Si Jonathan ay nakatira sa isang malaking rantso na kasama ang kanyang mga magulang. Siya ay may sariling maliit na kabayo, at kadalasan ay tinutulungan niya ang kanyang ama sa pag-aalaga ng mga kabayo sa rantso. Isang araw si Jonathan ay nalaglag mula sa kanyang kabayong maliit at nasaktan ang kanyang likod. Pagkatapos siyang masuri, sinabi ng doktor kay Jonathan at sa kanyang mga magulang na gagaling si Jonathan pero kailangan niyang manatili sa higaan sa loob ng maraming linggo.

Si Jonathan ay nabinyagan na isang kasapi ng Simbahan mga dalawang buwan bago nangyari ang sakuna. Siya ay gumawa ng tipan, o pangako, sa Ama sa Langit na susundin niya ang mga kautusan. Ang pagtanggap ng sakramento ay nakatulong sa pagpapaalala kay Jonathan ng kanyang tipan. Siya ay nakinig na mabuti sa mga panalangin ng sakramento at magalang na nakaupo habang ipinapasa ang sakramento. Sa bawat sandali, pinakinggan ni Jonathan ang mga salita na bumabanggit sa kanyang mga tipan—laging alalahanin si Jesus at sundin ang kanyang mga kautusan. Alam ni Jonathan na kapag sinabi niya ang “siya nawa” at tinanggap ang sakramento, nangangahulugang sisikapin niyang tuparin ang kanyang mga tipan sa Ama sa Langit.

Ngayong kailangang manatili ni Jonathan sa higaan, hindi siya makapupunta sa simbahan at hindi siya makatatanggap ng sakramento. Nasasabik si Jonathan sa mga sandaling iyon ng katahimikan at pagpipitagan kapag ang sakramento ay binabasbasan at ipinapasa. Alam niya kung gaano kahalaga na laging mapaalalahanan sa mga tipan na kanyang ginawa. Gusto niyang mapasakanya ang Espiritu ng Ama sa Langit. Nagpasiya si Jonathan na tanungin ang obispo kung madadala sa kanyang bahay ang sakramento sa Linggo.

Ang obispo ay natuwa nang malamang gusto ni Jonathan na matanggap ang sakramento at gusto niya na mapaalalahanan sa mga tipan na kanyang ginawa sa Ama sa Langit at kay Jesucristo. Ang obispo ay nakipag-usap sa dalawang nagtataglay ng pagkasaserdote upang dalawin si Jonathan sa rantso tuwing araw ng Linggo at ihanda ang sakramento para sa kanya.

Kuwento

• Bakit nasasabik si Jonathan na pumunta sa simbahan? (Gusto niyang makatanggap ng sakramento.)

• Bakit gusto niyang tumanggap ng sakramento? (Gusto niyang mapaalalahanan siya sa mga pangako sa binyag at sa pangako na mapapasakanya ang Espiritu ng Ama sa Langit.)

Ang Pag-alaala sa mga Tipan ng Binyag ay Makatutulong sa Atin na Sundin ang mga Turo ni Jesucristo

Mga kalagayan at mga talakayan

Ipaliwanag na kung araw-araw nating iniisip si Jesucristo, mas malamang na maalala natin ang kanyang mga turo at ang mga pangako o mga tipan na ginawa natin upang sundin siya. Anyayahan ang mga bata na isadula ang mga sumusunod na kalagayan, at hayaan silang magpasiya kung paano nila lulutasin ang bawat isa:

Mga kalagayan at mga talakayan

1. Sina Anna at Gretchen ay magkapatid. Ang kaibigan ni Anna ay dumating upang makipaglaro. Gusto ni Gretchen na makipaglaro sa kanila, pero ayaw siyang isali ni Anna. Ano ang dapat gawin ni Anna?

   • Paano makatutulong kay Anna ang pag-alaala kay Jesucristo na sundin ang isang kautusan?

   • Anong kautusan ang kanyang sinusunod?

2. Isinuot ni Darren ang damit ng kanyang kapatid na lalaki nang hindi nagpapaalam at nalagyan ito ng mantsa. Ano ang dapat gawin ni Darren?

   • Paano makatutulong kay Darren ang pag-alaala kay Jesucristo na sundin ang isang kautusan?

   • Anong kautusan ang kanyang sinusunod?

3. Nakakita si Ian ng isang laruang kotse sa labas ng kanyang bahay. Gusto niya itong itago, pero natitiyak niya na ito ay sa kaibigan niyang si Dee, na nakatira sa kalyeng iyon. Ano ang dapat gawin ni Ian?

   • Paano makatutulong kay Ian ang pag-alaala kay Jesucristo na sundin ang isang kautusan?

   • Anong kautusan ang sinusunod ni Ian?

4. Si Jacob ay papunta sa labas upang maglaro. Ang nanay niya ay naglilinis ng bahay. Nang si Jacob ay papalabas na para maglaro, napansin niya ang kanyang nanay na mukhang pagud na pagod. Ano ang dapat gawin ni Jacob?

   • Paano makatutulong kay Jacob ang pag-alaala kay Jesucristo na sundin ang isang kautusan?

   • Anong kautusan ang sinusunod ni Jacob?

Pasalamatan ang mga bata sa kanilang magagandang ideya.

Buod

Ipaalala sa mga bata na kapag tayo ay binibinyagan, nangangako tayo na laging aalalahanin si Jesucristo (itaas ang isang daliri). Nangangako rin tayo na susundin ang kanyang mga kautusan (itaas ang dalawang daliri). Sabihin sa kanila na kapag tumingin sila sa kanilang kamay at nakita ang kanilang singsing na PAT, ang makita ang dalawang daliri na malapit sa kanilang palasingsingan ay makatutulong sa kanila na maalaala ang dalawang pangako na gagawin nila kapag sila ay bibinyagan na.

Pagbalik-aralan ang mga kuwento sa banal na kasulatan tungkol sa pagbabasbas at pagpapasa ng sakramento ni Jesucristo mula sa aralin 32.

Patotoo ng guro

Ibigay sa mga bata ang iyong patotoo na mahal tayo ni Jesucristo at gusto niyang alalahanin natin siya. Himukin sila na maghanda para sa mga tipan na kanilang gagawin kapag sila ay bibinyagan na sa pamamagitan ng pagiging magalang sa oras ng sakramento, iniisip ang panalangin ng sakramento, at pag-alaala kay Jesus. Ipaalala sa kanila na pagkatapos nilang mabinyagan, ipapakita nila sa Ama sa Langit na gusto nilang tuparin ang kanilang mga pangako sa kanya sa bawat pagkakataon na tumatanggap sila ng sakramento.

Anyayahan ang isang bata na magbigay ng pangwakas na panalangin.

Mga Gawaing Nagpapayaman sa Kaalaman

Piliin mula sa mga sumusunod na gawain ang mga magiging pinakamainam para sa mga bata. Magagamit mo ang mga ito sa aralin mismo o bilang pagbabaiik-aral o buod. Para sa karagdagang patnubay, tingnan ang “Oras ng Klase” sa ”Mga Tulong Para sa Guro.”

1. Sabihin sa mga bata na dapat silang pumunta sa pulong sakramento na handang maupo nang tahimik sa oras ng sakramento at isipin kung gaano sila kamahal ng Ama sa Langit at ni Jesucristo.

   Ituro sa mga bata ang sumusunod na tula:

   Bisig ko’y ititiklop, ulo ko’y iyuyuko,

   At magiging tahimik na ako;

   Habang binabasbasan ang sakramento,

   Ay aalalahanin ko Kayo.

   Bigkasin ang tula para sa mga bata. Pagkatapos ay ulitin na kasama sila na itinitiklop ang iyong mga bisig at iniyuyuko ang iyong ulo tulad ng nakasaad.

   • Ano ang ating itinitiklop? (Ang ating mga bisig.)

   • Ano ang ating iniyuyuko? (Ang ating ulo.)

   • Sa oras ng sakramento, dapat ba tayong maging tahimik o maingay?

   • Sino ang dapat nating isipin sa oras ng sakramento? (Si Jesus.)

   Bigkasing muli ang tula at hayaan ang mga bata na punan ang nawawalang mga salita at gawin ang mga galaw hanggang sa alam na alam na nila ito. Pagkatapos ay ulitin ito na kasama ng mga bata.

2. Tanungin ang mga bata kung ano ang alam nila tungkol kay Jesucristo. Ito ang ilang bagay na maaari nilang isipin sa oras ng sakramento. Ipakita ang larawan 3-46, Si Jesus na Nananalangin sa Getsemani, at sabihin sa mga bata kung ano ang nangyari sa halamanan (tingnan sa Mateo 26:36–46). Pahintulutan ang Espiritu na patnubayan ka sa pagtuturo sa mga bata tungkol sa banal na pangyayaring ito.

3. Ibigay ang gunting, pandikit, at mga kopya ng sumusunod na bigay-sipi sa mga bata. Basahin ang itaas na bahagi ng pahina na kasama ng klase. Bigyan ng tagubilin ang mga bata na gupitin ang mga putul-putol na guhit at ilagay ang mga salita sa tamang pagkakasunud-sunod. Kapag nagawa na ito ng mga bata, ang mga salita ay dapat na maging “palaging alalahanin si Jesucristo” at “sundin ang mga kautusan.” Ipadikit sa kanila ang mga putul-putol na salita ayon sa tamang pagkakasunud-sunod upang mabuo ang pangungusap.

Pag-alaala kay Jesucristo

Kapag ako ay tumatanggap ng sakramento, sinasariwa ko ang aking mga tipan sa Ama sa Langit. Ipinangangako ko na at

kautusan

Jesucristo

ang

susundin

aalalahanin

palaging

mga

si