Aralin 45

Maaari Akong Maging Mabuting Halimbawa sa Aking Pamilya

Layunin

Tulungan ang mga bata na maunawaan na sila ay maaaring maging mabuting halimbawa sa kanilang mga pamilya.

Paghahanda

1. Pag-aralan nang may panalangin ang 1 Nefias 2:1–4; 3:4–5, 7; at 3 Nefias 12:16.

2. Maghanda ng isang malaking paskil ng araw na tulad ng sumusunod:

   data-poster

   Maaari akong maging mabuting halimbawa sa aking pamilya sa pamamagitan ng pagiging—

3. Gumawa ng sumusunod na mga sinulatang piraso ng papel upang paikutan ang paskil:

   rays

   matulungin

   masunurin

   mabait at mapagmahal

   matapat

   mapagpatawad

   di-makasarili

   tagapamayapa

   maunawain

   Para sa higit na maliliit na bata, maaari mong naising gumawa o humanap ng mga larawan na kumakatawan sa mga katangiang ito o ipakita sa mga bata ang pagiging matulungin, masunurin, mabait, at iba pa.

4. Gumawa o magbakas ng mga kopya ng bahay sa katapusan ng aralin para sa bawat bata.

5. Maghandang tulungan ang mga bata na awitin o bigkasin ang mga salita sa “Kung Tayo ay Tumutulong” (Aklat ng mga Awit Pambata); ang mga salita ay kasama sa likod ng manwal.

6. Mga kailangang kagamitan:

   1. Isang Aklat ni Mormon.

   2. Mga krayola para sa bawat bata.

   3. Singsing at kalasag na PAT:

   4. Malapad na teyp.

   5. Larawan 3-9, Si Jesus, ang Cristo (62572; Pakete ng Larawan ng Sining ng Ebanghelyo 240).

7. Gawin ang mga kinakailangang paghahanda para sa anumang nagpapayaman sa kaalaman na gagamitin mo.

Mungkahing Pagbubuo ng Aralin

Anyayahan ang isang bata na magbigay ng pambungad na panalangin.

Kumustahin sa mga bata kung nagawa nila ang anumang bagay na hinimok mong gawin nila sa loob ng linggong ito.

Ang Mabuting Halimbawa ay Tumutulong sa Iba Upang Matutuhan ang Tungkol kay Jesucristo at Sumunod sa Kanya

Gawaing pantawag pansin

Sa isang bahagi ng silid, ipakita ang larawan 3–9, Si Jesus, ang Cristo.

Patayuin ang mga bata, ipasara ang kanilang mga mata, at maghawak-hawak ng mga kamay. Hawakan ang kamay ng batang nasa unahan ng pila, Akayin ang mga batang nakapila sa palibot ng silid, ginagabayan sila ng iyong tinig kung kinakailangan upang maiwasan ang posibleng disgrasya at pagkalito. Matapos ang ilang ulit na balik sa palibot ng silid, akayin sila papunta sa larawan ni Jesucristo, Ipaliwanag na sa pamamagitan ng pagsunod sa iyo, nagawa nilang lahat na makita ang daan nang ligtas papunta sa larawan ng Tagapagligtas. Hilingan ang mga batang bumalik na sa kanilang mga upuan.

Gawaing pantawag pansin

• Bakit magiging malaking tulong ang pinuno sa isang lugar na madilim?

• Ano ang mabuting halimbawa?

Ipaliwanag na ang mabuting halimbawa ay maaaring maging katulad ng isang pinuno na gumagabay sa atin patungo sa kaligtasan. Tulad ng pagsunod sa tinig ng kanilang pinuno na nagdala sa mga bata nang ligtas sa larawan ni Jesucristo, gayundin naman sa pagsunod sa mga salita ng propeta na sila ay mapahihintulutang makabalik sa Ama sa Langit at kay Jesus balang-araw.

Gawaing pantawag pansin

• Anong mabubuting halimbawa ang nakatulong sa iyo upang maging malapit sa Ama sa Langit at kay Jesucristo?

Talakayan sa banal na kasulatan

Ipaliwanag na itinuro ni Jesucristo na dapat tayong maging mabubuting halimbawa sa iba. Basahin at talakayin ang 3 Nefias 12:16. Ipaalam na kapag nagpapakita tayo ng mabubuting halimbawa sa iba, tayo ay parang mga liwanag sa kadiliman sa mga tao upang ipakita sa kanila ang tamang daan para mabuhay.

Kalasag, singsing, at kuwento

Ipakita ang singsing at kalasag na PAT. Hilingin sa mga batang makinig kung paano ginawa ni Jayant ang gusto ng Ama sa Langit at ni Jesucristo sa sumusunod na kuwento:

“Mahal ni Jayant ang Simbahan kahit bago pa man siya naging isang miyembro. Gusto niyang nakikinig sa kanyang tiyuhin na nagbabahagi tungkol sa ebanghelyo at nagkukuwento kung paano siya ang naging kauna-unahang tao mula sa India na sumapi sa Simbahan sa Fiji.

“Pagkatapos mapakinggan ang mga misyonero, tinanong ni Jayant ang kanyang mga magulang kung maaari siyang sumapi sa Simbahan. Ibinigay nila ang kanilang pahintulot, at sinikap na mabuti ni Jayant na maging misyonero sa kanyang pamilya sa pamamagitan ng pamumuhay ng mga alituntunin ng ebanghelyo at pagiging mabuting halimbawa.

“Hindi nagtagal ang tatay at kapatid na lalaki ni Jayant ay nagpabinyag, pero ang kanyang nanay ay nag-aatubili. Ang kanyang lolo ay isang kilalang saserdoteng Hindu sa India, at siya ay nag-aalala sa sasabihin ng kanyang pamilya kung siya ay magiging isang Banal sa Huling-araw. Gayunman, dahil sa halimbawa ng kanyang anak na lalaki, siya rin ay sumapi sa Simbahan bandang huli.

“Ngayon ang lahat ng pamilya ni Jayant ay aktibo sa kanilang sangay sa Suva, Fiji, at alam nila ang pag-ibig at kagalakan na nagmumula sa paglilingkod sa Ating Ama sa Langit” (A Good Example,” Friend, Mar. 1974, p. 48).

Kalasag, singsing, at kuwento

• Paano nagpakita ng magandang halimbawa si Jayant sa kanyang pamilya?

• Ano ang naging epekto ng pagiging magandang halimbawa ni Jayant sa kanyang pamilya?

Ituro ang singsing at kalasag na PAT. Ipaliwanag na kapag ginagawa natin ang gustong ipagawa ng Ama sa Langit at ni Jesucristo sa atin, ginagawa natin ang tama at sinusunod ang mga kautusan. Kapag ginawa natin ito, tinutulungan din natin ang iba na magnais na mamuhay nang matuwid.

Maaari Tayong Maging Mabubuting Halimbawa sa Ating mga Pamilya

Gawaing paskil

Ipakita ang paskil na araw sa lugar na makikita ito ng lahat ng mga kasapi ng klase. Basahin ang pangungusap na kasama ng mga bata.

Ilagay ang mga sinulatang piraso ng papel o larawan sa mesa o sa sahig. Ipaliwanag na sasabihin nila ang iba’t ibang paraan na kung saan ay magiging mabubuting halimbawa tayo sa ating mga pamilya.

Paghali-halilihin ang mga bata sa pagpili ng mga sinulatang piraso ng papel at ilalagay o ididikit ang mga ito sa paskil upang makabuo ng mga sinag ng araw tulad ng nakalarawan. Sa pagpili ng mga bata ng bawat sinulatang piraso ng papel, ilahad ang katugon na kuwento nito.

sunshine data-poster

Maaari akong maging mabuting halimabawa sa aking pamilya sa pamamagitan ng pagiging–

matutungin

masununin

mabalt at mapagmahal

matapat

mapagpatawad

di-makasarili

tagapamayapa

maunawain

sunshine

Pagkatapos mailagay ang bawat sinulatang piraso ng papel at nailahad ang kuwento, ipabigkas sa mga bata ang, “Maaari akong maging mabuting halimbawa sa aking pamilya sa pamamagitan ng pagiging ,” pinupunan ang patlang ng salita o parirala na nasa sinulatang piraso ng papel. Halimbawa, “Maaarin akong maging mabuting halimbawa sa aking pamilya sa pamamagitan ng pagiging isang tagapamayapa.”

Mga kuwento at talakayan

Masunurin

Ilahad ang kuwento ng mag-anak ni Lehias na umaalis ng Jerusalem (tingnan sa 1 Nefias 2:1–4).

• Paano tumugon ang mga anak na lalaki ni Lehias nang hiniling niyang bumalik sila sa Jerusalem upang kunin ang mga laminang tanso (1 Nefias 3:4–5)?

Ipaliwanag na pagkatapos magreklamo nina Laman at Lemuel at sinabing ayaw nilang pumunta, sinabi ni Nefias kung ano ang naramdaman niya. Basahin nang malakas ang 1 Nefias 3:7.

• Paano nagpakita ng magandang halimbawa si Nefias sa kanyang mga kapatid na lalaki?

• Paano kayo makapagpapakita ng magandang halimbawa sa pamamagitan ng pagiging masunurin?

Matulungin

Nakita ni Bruce ang kanyang nanay na abalang inihahanda ang kanyang maliit na kapatid na babae sa pagpunta sa simbahan. Alam ni Bruce na kailangan pang ihanda ng kanyang ina ang sarili at bihisan ang sanggol. Nagpasiya si Bruce na tulungan ang kanyang nanay. Siya ay pumunta sa silid ng sanggol at binihisan ito, Malaki ang pasasalamat ng nanay ni Bruce sa kanya. Siya ay ngumiti at binigyan si Bruce ng mahigpit na yakap at halik.

• Ano ang ginawa ni Bruce na nagpakita ng magandang halimbawa sa kanyang pamilya?

• Paano kayo makapagpapakita ng magandang halimbawa sa pamamagitan ng pagiging matulungin?

Awit

Tulungan ang mga batang awitin o bigkasin ang mga salita sa “Kung Tayo’y Tumutulong.”

Mga kuwento at talakayan

Mabait at Mapagmahal

Si Katy ay tuwang-tuwa nang iuwi ng kanyang nanay ang kanyang bagong kapatid na lalaking sanggol na si Timothy. Siya ay hindi katulad ng ibang mga sanggol. Siya ay nasa kalagayang tinatawag na cerebral palsy, na nagagawang siya ay manginig at mangatog ng kakaiba. Pero hindi ito ikinabahala ni Katy. Mahal niya si Timothy nang buong puso. Kapag abala ang kanyang nanay, inuugoy niya si Timothy at inaawitan pa siya. Ngingitian ni Timothy si Katy sa tuwing may gagawin siya para sa kanya. Nang lumalaki na si Timothy, siya ay lagi niyang isinasakay sa kariton sa harap ng kanilang bahay. Madalas bihisan ni Katy si Timothy ng pantulog at binabasahan ng mga kuwento hanggang sa siya ay makatulog.

• Paano nagpakita ng magandang halimbawa si Katy?

• Paano kayo magiging mabuting halimbawa ng kabaitan sa inyong tahanan?

Tagapamayapa

Si Carrie ay naglalaro sa duyan sa bakuran nang lumabas galing ng bahay ang kanyang kapatid na lalaki, tumakbong papunta sa duyan at nagsimulang magsisigaw ng, “Bumaba ka sa duyan, Carrie. Hindi ako nakakasakay sa duyan dahil lagi kang nandiyan.”

Sa halip na makipagtalo, sinabi ni Carrie, “O sige. Palit-palitan tayong magtulakan. Itutulak muna kita.”

Dahil hindi nakipagtalo si Carrie, siya at ang kanyang kapatid na lalaki ay nagsaya sa pag-uuguyan.

• Paano naging mabuting halimbawa si Carrie sa kanyang kapatid na lalaki?

• Paano kayo makapagpapakita ng magandang halimbawa sa inyong tahanan sa pamamagitan ng pagiging tagapamayapa?

Mapagpatawad

Habang nasa paaralan si Spencer, nilaro ng kanyang maliit na kapatid na lalaki ang kanyang mga laruang kotse at naiwala ang isa sa mga ito. Nang malaman ni Spencer ang nangyari, hindi siya nagalit. Sa halip, tinulungan niya ang kanyang kapatid na lalaki na hanapin ang nawawalang kotse. Natagpuan nila ito sa ilalim ng kama.

• Ano ang ginawa ni Spencer para magpakita ng mabuting halimbawa sa kanyang pamilya?

• Paano kayo magiging mabuting halimbawa sa inyong pamilya sa pamamagitan ng pagiging mapagpatawad?

Maunawain

Si Roberta ay may trangkaso at hindi makapunta sa Christmas party sa paaralan. Alam ng kanyang kapatid na babae na si Linda kung gaano ang lungkot na nadarama ni Roberta dahil hindi siya makapupunta, kaya siya ay nag-uwi ng isang bag na kendi at mga mani para sa kanya. Ikinuwento rin niya kay Roberta ang nangyari sa party.

• Paano naging magandang halimbawa si Linda sa kanyang pamilya?

• Paano kayo magiging magandang halimbawa sa inyong pamilya sa pamamagitan ng pagiging maunawain?

Di-makasarili

Si Tony ay kumita ng pera sa pagtatrabaho sa halamanan ng kanyang kapitbahay. Naisip niya ang kanyang pamilya at gusto niyang gumawa ng isang bagay para sa kanila, kaya ang ginawa niya ay kumuha siya ng pera sa kanyang kinita at ibinili niya ng pasalubong ang kanyang pamilya.

• Paano naging magandang halimbawa si Tony sa kanyang pamilya?

• Paano kayo magiging mabuting halimbawa sa inyong pamilya sa pamamagitan ng pagiging di-makasarili?

Matapat

Sina Nelson at Jared ay gumagawa ng laruang bangka mula sa pinagtabasang kahoy sa gawaan ng kanilang tatay nang hindi sinasadyang matabig ni Jared ang isang lata ng pintura. Ang pintura ay natapos sa sahig. Nilinis ng mga batang lalaki ang natapon na pintura pero mayroon pa ring natirang nakadikit sa sahig. Pagdating na pagdating ng kanilang tatay, si Jared ay lumapit sa kanya at ipinaliwanag ang nangyari.

Ayaw ng tatay ni Jared na magkaroon ng pintura sa sahig, pero ipinagmamalaki niya si Jared dahil sinabi niya ang totoo. Binigyan niya si Jared ng pang-alis ng pintura at tinulungan siyang linisin ang sahig.

• Paano naging mabuting halimbawa si Jared sa kanyang pamilya?

• Paano kayo magiging mabuting halimbawa sa inyong pamilya sa pamamagitan ng pagiging matapat?

• Ngayon ano na ang hitsura ng paskil? (Isang makinang na araw.)

Ipaliwanag na ang mabubuting halimbawa ay parang araw. Ang mga ito ay nagbibigay ng liwanag sa iba at ipinakikita sa kanila ang tamang daan.

Buod

Patotoo ng guro

Ibigay ang iyong patotoo tungkol sa kahalagahan ng pagiging mabuting halimbawa sa iyong pamilya. Maaari mong naising magbahagi ng isang pansariling karanasan nang matulungan ka ng mabuting halimbawa ng isang tao.

Gawaing pang-sining

Pakulayan sa mga bata ang kanilang mga bahay na “Maaari Akong Maging Mabuting Halimbawa” at iguhit ang mga miyembro ng kanilang pamilya sa loob ng mga bahay. Hilingan silang iguhit ang kanilang mga sarili na gumagawa ng isang bagay na maaari nilang gawin sa linggong ito na makapagpapakita ng magandang halimbawa sa kanilang mga pamilya.

Anyayahan ang mga bata na pumili ng isang bagay na maaari nilang gawin para sa kanilang mga pamilya bago sila matulog mamayang gabi.

Anyayahan ang isang bata na magbigay ng pangwakas na panalangin.

Mga Gawaing Nagpapayaman sa Kaalaman

Piliin mula sa mga sumusunod na gawain ang mga magiging pinakamainam para sa mga bata. Magagamit mo ang mga ito sa aralin mismo o bilang pagbabalik-aral o buod. Para sa karagdang patnubay, tingnan ang “Oras ng Klase” sa “Mga Tulong Para sa Guro.”

1. Gumawa ng mga simpleng manika na yari sa medyas o bag na papel para sa mga bata. Maaari mong naising gamitin ang lamesa ng silid-aralan para sa entablado. Ginagamit ang mga manika, tulungan ang mga batang magsadula ng mga positibong paraan upang maging mga halimbawa sa kanilang mga pamilya sa walong bahagi na saklaw ng aralin.

2. Awitin o bigkasin ang mga salita sa “Ako’y Gayahin” (Children’s Songbook p. 276) habang gumagawa ng mga galaw na nagmumungkahi ng mabubuting kilos, tulad ng pagwawalis ng sahig, lumalakad papuntang simbahan, o nakikipagkamay sa pamunuang obispo.

   Ako’y gayahin,

   Sundan mo ako!

   Aki’y gayahin,

   Sundan mo ako!

   Mataas o mababa,

   Mabilis o mabagal,

   Ako’y gayahin,

   Sundan mo ako!

   Ako’y gayahin,

   Sundan mo ako!

   (© 1963 D.C. Heath and Company. Ginamit nang may pahintulot.)

   Sabihin sa mga bata na kapag nakikita ng iba ang ating magandang halimbawa, madalas nilang gugustuhing gawin ang ginagawa natin.

3. Hilingan ang mga batang isara ang kanilang mga mata habang may inilalagay ka sa kanilang mga kandungan. Ipatong ang isang larawan sa kandungan ng bawat bata; pagkatapos ay hilingan silang idilat ang kanilang mga mata at hali-haliling ipakita ang kanilang mga larawan at sabihin kung paano nagpapakita ng magagandang halimbawa ang mga tao sa mga larawan. Maaari mong naising gamitin ang mga larawan 3-13, 3-23, 3-24, 3-25, 3-26, 3-27, at 3-59 mula sa sobre ng larawan ng klase.

be a good example

be a good example