Tuanga 118
Te eeuanga tei orongaia mai na roto ia Iosepha Timeti te Peroveta, i Far West, Missouri, i te rā 8 o Tiurai, 1838, i te pauanga mai i te patianga akaaka, “E akaari mai kia matou i toou na anoano, e te Atu, no runga i te Tino Ngauru Ma Rua” (History of the Church, 3:46).
1–3, Na te Atu e oronga no te ngutuare tangata o te Tino Ngauru Ma Rua; 4–6, Kua akakīia te au ngai vā i roto i te Tino Ngauru Ma Rua.
1 Tika tikai te tuatua maira te Atu: Kia rave viviki ia tetai uipaanga maata; kia akatumuia te Tino Ngauru Ma Rua; e kia akatakaia mai oki tetai aronga ei mono i te ngai o ratou tei topa.
2 Kia noo rai oki taku tavini a Thomas no tetai tuatau ki te enua ko Ziona, kia tata i taku tuatua.
3 E kia ako uatu rai te aronga toe mei taua ora ra, e me ka rave ratou i teia ma te akaaka tikai o te ngakau, ma te maru e te akamoeau, e te akakoromakianga roa, ka oronga atu au, ko te Atu, i tetai taputou kia ratou e naku e tauturu i to ratou au ngutuare tangata, e ka akatueraia mai oki te ngutupa ei tauturu ia ratou, mei teia nei atu.
4 E i te tuatau tupu ou ki mua kia aere atu ratou na runga i te moana maata, ei reira ratou ka akakite aere ei i taku evangelia, ko te kīanga tikai, e ma te akakite atu i toku ingoa.
5 E kia akaruke oki ratou i taku aronga tapu i roto i te oire ko Far West, i te rā rua ngauru ma ono o Aperira ki mua nei, ki runga i te ngai akatuanga o taku are, te tuatua maira te Atu.
6 Kia ikiia oki taku tavini ko John Taylor, e taku tavini katoa a John E. Page, e taku tavini katoa a Wilford Woodruff, e taku tavini katoa a Willard Richards, ei akakī i te ngai o te aronga tei topa, e kia akakite katoa kia ratou i to ratou kapikianga.