1 Te tuatua e te Anoano o te Atu no runga i te Puakapa o Iseraela i to ratou aereanga ki te Opunga:

2 Kia akapupuia oki te au tangata katoatoa o te Akonoanga a Iesu Mesia o te Aronga Tapu i te Au Rā i Muri Nei, e ratou te ka aru atu ia ratou, e akapupu ki roto i te au pupu ma te koreromotu e te taputou kia akono i te au akaueanga katoatoa e te au ture a te Atu to tatou Atua.

3 Kia akapupuia teia au pupu nei ma te au rangatira o te anere, te rangatira o te rima ngauru, e te au rangatira tai ngauru, ma tetai peresideni e tona nga konitara, ei akaaere ia ratou, i raro ake oki i te akaaereanga a te Tino Ngauru Ma Rua Aposetolo.

4 E ko teia oki ta tatou koreromotu—ka aere tatou ma te akono i te au angaanga oroa katoatoa a te Atu.

5 E kia akapapa oki te au pupu ia ratou uaorai no te au manu kika pereo, te au pereo, te au kai, te kakau, e tetai au mea ke no te tere, ta ratou ka rauka.

6 Me oti te au pupu i te akapupuia, kia aere atu ratou ma te ririnui tikai, kia teateamamao no te aronga ka noo mai.

7 Kia tamanako mai te pupu tatakitai, e to ratou au rangatira ma te au peresideni, e eaa te maata te ka aere a te tuatau tupu ou ki mua; e iki i reira i tetai pupu tangata maroiroi tikai e te kite, kia apai i te au manu, ma te au ua kai, e te au apinga tanu kai, e kia aere atu ei au tuitarere kia akateateamamao atu no te tanuanga i te au ua kai no te tuatau tupu ou ki mua.

8 E kia rave oki te au pupu i te au mea tau e te apainga aiteite, kia tau ki ta ratou i akatuangaia, i te akonoanga i tei putaua, te au vaine takaua, te tamariki metua kore, e te au kopu tangata katoa o te au tangata tei aere ki te tamaki, kia kore te aue a te au vaine takaua e te tamariki metua kore e tae ki te taringa o te Atu ei patoi atu i teia iti tangata nei.

9 Kia akateateamamao te au pupu tatakitai i tetai au are, e te au aua no te tanu sitona, no te aronga te ka noo ake ki muri i teia tuatau nei; teia oki ta te Atu i anoano no runga i tona iti tangata.

10 Kia taangaanga te au tangata tatakitai i tona kite e tana au apinga i te apai atu i teia au tangata nei ki te ngai ta te Atu ka akakite mai no te titi ko Ziona.

11 E me rave kotou i teia ma te ngakau mā, e te akarongo tikai, ka akameitakiia mai kotou; ka akameitakiia mai kotou na roto i ta kotou anana mamoe e ta kotou puakatoro, e i ta kotou aua kai, e to kotou au ngutuare, e to kotou au kopu tangata.

12 E kia tika oki i taku nga tavini ko Ezra T. Benson e Erastus Snow kia akapupu i tetai pupu.

13 E kia tika katoa i taku nga tavini ko Orson Pratt e Wilford Woodruff kia akapupu i tetai pupu.

14 E kia tika katoa i taku nga tavini ko Amasa Lyman e George A. Smith kia akapupu i tetai pupu.

15 E kia iki i tetai au peresideni, e te au rangatira anere, e te rima ngauru, e te ngauru.

16 E kia tika i taku au tavini tei ikiia kia aere atu e tutu aere i teia, toku anoano, ki te aronga tapu, kia papa oki ratou no te aere atu anga ki tetai enua o te au.

17 E aere, e rave mei taku i akakite atu kia kotou, e auraka e mataku atu i to au enemi; kare oki o ratou mana kia tapū i taku angaanga.

18 Ka akaoraia oki a Ziona i te tuatau i tau iaku.

19 E mei te mea e ka kimi tetai tangata i te akateitei iaia uaorai, e kare i aru i taku au tuatua, kare ona mana, e ka akakite ua ia mai oki tana tarevakē.

20 E kimi kotou; e akono i ta kotou au taputou tetai ki tetai; e auraka e morimori atu i ta to taeake ra.

21 E kopae ke atu ia kotou mei te kino e auraka oki e akaiki puapinga kore ua i te ingoa o te Atu ra, ko au oki te Atu to kotou Atua, koia katoa te Atua o to kotou au metua, te Atua o Aberahama e to Isaaka e to Iakobo.

22 Ko au oki tei arataki mai i te tamariki a Iseraela mei te enua maira mei Aiphiti; e ka toro atu oki toku rima kia akaora i toku iti tangata ia Iseraela i te au rā openga ra.

23 Auraka e taumaro atu tetai ki tetai; auraka e tuatua kino atu tetai ki tetai.

24 Auraka e kona i te kava; e kia riro taau au tuatua ei akamaroiroi tetai ki tetai.

25 Me pati mai koe i te apinga a to taeake, kia akaoki rai koe i taau i pati ana; e me kare e rauka ia koe i te tutaki atu, e aere tika atu koe i reira e akakite atu kiaia kia kore oki aia e akaapa mai ia koe.

26 E me ka kiteaia e koe te apinga ngaro a to tangata tupu, e kimi pu tikai koe i reira e oronga akaou atu koe kiaia.

27 Kia rave meitaki koe i te akonoanga i taau au apinga, kia riro oki koe ei tavini pakari; e apinga aroa oronga ua ia mai oki ïa e te Atu toou Atua, e ko koe oki tona tavini.

28 Me rekareka koe, e akameitaki i te Atu ma te imene, ma te au apinga akatangi, te ura, e ma te pure akapaapaa e te akameitakianga.

29 Me tumatetenga koe, e kapiki atu i te Atu to Atua ma te pure, kia mataora oki to kotou kopapa.

30 Auraka e mataku atu i to au enemi, tei roto oki ratou i toku rima, e ka rave oki au i taku i anoano kia ratou.

31 Ka timataia oki toku au tangata i roto i te au mea katoatoa e tikaʼi, kia papa oki ratou kia ariki mai i te kakā taku i akono no ratou, koia te kakā o Ziona; e ko te ka kore e ariki mai i te akautungaanga kare aia e tau no toku ra basileia.

32 E kia tika i tei kite kore ra, kia apii i te pakari na roto i te taakaakaanga iaia uaorai e te kapikianga atu ki te Atu tona Atua, kia puera oki tona nga mata e kia kite aia, e kia tuera ona nga taringa kia akarongo;

33 Kua ungaia atu oki toku Vaerua ki te ao nei kia turama i tei akaaka e tei maru, e ki te akaapaanga o te aronga kino.

34 Kua patoi mai oki to kotou au taeake ia kotou e to kotou kite papu, koia oki te iti tangata katoa tei tuaru ia kotou ki vao;

35 E ka tae mai i reira to ratou rā tumatetenga, koia te au rā mamae mei tetai vaine i te akamamae anau; e ka maata tikai to ratou mamae, mari ua ra kia tataraara viviki ratou, ae, kia taviviki.

36 Kua tamate oki ratou i te au peroveta, e ratou tei tonoia atu kia ratou ra; e kua akamaringi oki ratou i te toto ara kore, e kua kapiki mai oki mei raro mai i te one i te patoi ia ratou.

37 No reira, auraka e poitirere ki teia au mea nei, no te mea kare oki kotou i tiamā ake; kare oki e rauka ake ia kotou toku kakā; i na ra, ka kite kotou me ka tu akarongo kotou i te akonoanga i taku au tuatua katoatoa taku i oronga atu kia kotou, mei te au rā mai o Adamu e tae ua mai kia Aberahama, e mei ia Aberahama kia Mose, mei ia Mose kia Iesu e tana au aposetolo, e mei ia Iesu e tana au aposetolo kia Iosepha Timeti, taku i kapiki na roto i taku au angela, e taku au tavini matuapuru, e toku uaorai reo mei te rangi mai ra, kia apai mai i taku angaanga;

38 E taua tango ra tana i akamou, e kua tu akarongo tikai; e kua apai oki au iaia ki oku ra.

39 E manganui tei umere no tona mate; i na ra, kua anoanoia kia topiri aia i tona kite papu ma tona uaorai toto, kia akangateiteiia aia, e kia akaapaia te aronga kino.

40 Kare ainei au i akaora ia kotou mei to kotou au enemi, e na roto ua i teia i vaio ei au i tetai kite no toku ra ingoa?

41 E teianei, no reira, e akarongo mai e te au tangata o taku nei akonoanga; e te au ereta katoa e akarongo kapiti mai; kua rauka ia kotou toku ra basileia.

42 Kia maroiroi kotou i te akonoanga i taku ra au akaueanga, ko te tae aea mai te akautungaanga ki rungaʼo ia kotou, e paruparu atura to kotou akarongo, e autu iora to kotou au enemi ki rungaʼo ia kotou. No reira kare atu no teia taime. Amene e Amene.