ဩဝါဒနှင့် ပဋိညာဉ်များ ၄၇

အပိုဒ်ငယ် ၄၇

၁၈၃၁ ခု၊ မတ်လ၊ ၈ ရက် ကာ့တ်လန်း၊ အိုဟိုင်းရို၌ ပရောဖက်ဂျိုးဇက်စမစ်အားဖြင့် ပေးတော်မူခဲ့သည့် ဗျာဒိတ်တော်။ ပရောဖက်ထံ၌ စာရေးအဖြစ် ထမ်းဆောင်လျက်ရှိနှင့်လေပြီးသူ၊ ဂျွန်ဝှစ်တမာသည် အော်လီဗာကောင်ဒရီအစား အသင်းတော်သမိုင်းပြုစုသူနှင့် မှတ်တမ်းတင်သူအဖြစ် ထမ်းဆောင်ရန် တောင်းဆိုခံရစဉ်က အစ၌ တုံ့ဆိုင်းခဲ့၏။ သူရေးခဲ့သည်မှာ “ကျွန်ုပ်သည် ထိုအမှုကို မလုပ်ဆောင်လိုလှသော်လည်း ကိုယ်တော်ရှင်၏အမှုတော် ပြီးမြောက်ရမည်ကို သုံးသပ်မိ၏။ ထိုအမှုကို သူအလိုရှိလျှင်၊ မြင်သောသူဂျိုးဇက်စမစ်အားဖြင့် သူထင်ရှားစွာပြတော်မူမည့်အကြောင်း ကျွန်ုပ်အလိုရှိပါ၏။” ဤဗျာဒိတ်တော်ကို ဂျိုးဇက်စမစ်လက်ခံရရှိခဲ့ပြီးနောက်၊ ဂျွန်ဝှစ်တမာသည် လက်ခံခဲ့ပြီး၊ မိမိကို ခန့်အပ်သည့် အမှုအရာ၌ ထမ်းဆောင်ခဲ့၏။

၁–၄၊ ဂျွန်ဝှစ်တမာသည် အသင်းတော်၏သမိုင်းကို မှတ်တမ်းတင်ဖို့နှင့် ပရောဖက်အတွက်ရေးဖို့ ခန့်ထားခံရ၏။

၁ ရှုလော့၊ ငါ့ကျွန်ဂျွန်သည် ပုံမှန်သမိုင်းကို ရေး၍မှတ်တမ်းတင်ပြီး၊ သင်၊ ငါ့ကျွန်ဂျိုးဇက်ကို ဖော်ပြမည့် ခပ်သိမ်းသောအရာတို့ကို ရေးမှတ်ခြင်း၌ နောက်ထပ်တာဝန်များသို့ သူခေါ်သွင်းမခံရမီ သင့်ကို ကူညီရမည်မှာ ငါ့အဖို့ လိုအပ်၏။

၂ တစ်ဖန်၊ သင့်ကို ငါအမှန်ဆိုသည်ကား၊ သူသည်လည်း လိုအပ်သောအခါတိုင်းတွင် အစည်းအဝေးများ၌ ကြွေးကြော်နိုင်ပေ၏။

၃ ထိုမှတစ်ဖန်၊ သင့်ကို ငါဆိုသည်ကား၊ အသင်းတော်မှတ်တမ်းနှင့် သမိုင်းကို အဆက်မပြတ် မှတ်တမ်းတင်ဖို့ သူခန့်အပ်ခံရလိမ့်မည်။ အကြောင်းမူကား၊ အော်လီဗာကောင်ဒရီကို တခြားသောအမှုအရာသို့ ငါခန့်အပ်ထားလေပြီ။

၄ သို့ဖြစ်၍၊ သူသစ္စာရှိသမျှ၊ ဤအရာတို့ကို ရေးစေဖို့ နှစ်သိမ့်စေသောသူအားဖြင့်၊ သူ့ကို ဖော်ပြလိမ့်မည်။ ထိုကဲ့သို့ပင်တည်း။ အာမင်။