1 Nefi 1–2

Ginbayaan ni Lehi kag Saria ang Jerusalem

Ang paandam sang Ginuo sa isa ka pamilya

panan-awon parte sa Ginuo

Si Lehi kag Saria nagaistar sa Jerusalem upod ang ila kabataan. Nakakita si Lehi sang panan-awon halin sa Ginuo. Nakita niya nga sa pila ka adlaw ang Manluluwas makadto sa kalibutan. Ginpakita man sang Ginuo sa iya nga ang Jerusalem maguba.

1 Nefi 1:4–18

Si Lehi nga nagahambal sa akig nga mga tawo

Ginsugid ni Lehi sa mga tawo ang iya panan-awon. Ginhambal niya sa ila nga pila ka adlaw maabot si Jesucristo para luwason ang kalibutan.

1 Nefi 1:18–19

panan-awon parte sa guba nga mga bilding

Ginhambal man ni Lehi sa mga tawo nga maguba ang Jerusalem. Ginhagad niya sila nga maghinulsol.

1 Nefi 1:14, 18–19

akig nga mga tawo

Nangakig ang mga tawo. Nag-istorya liwat ang Ginuo kay Lehi paagi sa damgo. Nahibal-an ni Lehi nga sia kag ang iya pamilya indi mangin hilway sa katalagman sa Jerusalem. Kinahanglan nila maghalin.

1 Nefi 1:19–20; 2:1–2

pamilya nga nagabiya sang siyudad

Gintuman ni Lehi kag Saria ang Ginuo. Ginbiyaan nila ang siyudad upod ang ila pamilya. Si Lehi kag Saria may apat ka kabataan nga sanday Laman, Lemuel, Sam kag Nefi Kinahanglan nila nga bayaan ang ila balay ang kag matahum nila nga mga gamit.

1 Nefi 2:3–5

pamilya nga nagapanglakaton

Nagbiyahe ang pamilya sa kamingawan sa tupad sang Pula nga Dagat. Ginpasalamatan ni Lehi ang Ginuo sa pagbugay sang iya pamilya. Gintudloan niya ang iya pamilya nga sundon ang Ginuo kag tumanon ang Iya mga kasuguan.

1 Nefi 2:5–10

pamilya sa disyerto

Si Laman kag Lemuel nagreklamo. Nahidlaw sila sa ila balay kag sa tanan nila nga pagkabutang nga ila ginbilin. Wala nila maintiendihi kon ngaa ginsugo sila sang Ginuo nga maghalin. Wala sila nagapati nga ang dako nga siyudad pareho sang Jerusalem maguba.

1 Nefi 2:11–13

Si Laman kag Lemuel

Abi ni Laman kag Lemuel nga himo-himo lang ni Lehi ang iya mga panan-awon. Paano kon magtalang ang ila pamilya sa kamingawan sa katubtuban?

1 Nefi 2:11

Si Nefi

Gusto ni Nefi nga mahibal-an sa iya kaugalingon kon matuod ang ginhambal ni Lehi Nangamuyo sia kag namangkot sa Ginuo.

1 Nefi 2:16

Si Nefi

Ginpadala sang Ginuo ang Balaan nga Espiritu para buligan si Nefi nga magpati sa mga tinaga sang iya amay. Nagpati si Nefi sa Ginuo kag ginpakigbahin ang iya natun-an sa iya mga utod. Namati si Sam kay Nefi kag nagpati sa iya pero si Laman kag Lemuel wala gid namati.

1 Nefi 2:16–18