Alma 62

Si Teancum kag Moroni

Pagpakita sang dako nga kaisog

Si Ammoron upod ang mga soldado nga Lamanhon nga nagapakig-away sa mga soldado nga Nefinhon

Sang mapatay si Amalikia, ang iya utod nga si Ammoron ang nangin hari sang mga Lamanhon. Padayon nga nakig-away si Ammoron sa mga Nefinhon. Nagdugay ang giyera sang tinuig. Nagsugod nga magdaog ang mga Nefinhon, gani ang tanan nga mga soldado nga Lamanhon nagpalagyo sa isa ka siyudad. Ginlagas ni Moroni, Teancum, kag isa pa ka kapitan nga Nefinhon ang mga Lamanhon upod sa ila mga soldado.

Alma 52:3–4; 54:16–24; 62:12–35

Si Teancum nga nagauyat sang sibat kag nagapalapit sa siyudad sa kagab-ihon

Akig si Teancum nga tungod kay Amalikia kag Ammoron nangin dako kag malawig ang giyera. Tungod sa giyera, kadamo sang nagkalamatay kag diutay kaayo ang makaon. Gusto na ni Teancum nga matapos ang giyera. Nagkadto sia sa siyudad sa kagab-ihon para pangitaon si Ammoron.

Alma 62:35–36

Si Teancum nga nagakapot sang lubid nga may kaw-it kag naglumpat sa pihak sang pader

Nagsaka si Teancum sa pader sang siyudad. Nagkadto sia sa lainlain nga lugar sa siyudad hasta nga nakita niya kon diin nagatulog si Ammoron.

Alma 62:36

Si Teancum nga nagatindog sa entrada sang tolda nga may sibat kag lubid

Ginhaboy ni Teancum ang sibat kay Ammoron. Naigo sia malapit sa tagipusuon. Pero napukaw ni Ammoron ang iya mga suluguon antes sia mapatay.

Alma 62:36

Nagaatubang si Teancum sa mga soldado nga Lamanhon nga may mga bangkaw

Ginlagas sang mga suluguon ni Ammoron si Teancum kag ginpatay. Nasubuan gid ang iban nga mga lider nga Nefinhon kay napatay si Teancum. Maisog sia nga nakig-away para sa kahilwayan sang iya katawhan.

Alma 62:36–37

Gindakop sang mga soldado nga Nefinhon ang mga soldado nga Lamanhon

Bisan nga napatay sia, ginbuligan ni Teancum ang mga Nefinhon nga magdaog sa giyera. Tungod sa iya nadulaan ang mga Lamanhon sang lider. Pagkaaga, nakig-away si Moroni sa mga Lamanhon kag nagdaog. Naghalin ang mga Lamanhon sa duta sang mga Nefinhon, kag natapos ang giyera.

Alma 62:37–38

Si Kapitan Moroni nga nagapamuno sa mga tawo nga nagapatindog sang baryo, kag nagatan-aw ang mga pamilya

Sang ulihi may ara na gid man sang kalinong. Nangabudlay si Moroni para mangin mas hilway sa katalagman ang kadutaan sang mga Nefinhon sa mga Lamanhon. Dayon nagpauli si Moroni para mangabuhi sing malinong. Ang mga propeta nagtudlo sang ebanghelyo kag ginpangunahan ang Simbahan sang Dios. Nagsalig ang mga tawo sa Ginuo, kag ginbugayan Niya sila.

Alma 62:39–51