Ang Liahona kag ang Nautod nga Pana

Pagpangayo sang bulig sang Ginuo

mga pamilya nga nagapungko sa palibot sang dabok

Ang mga pamilya ni Lehi kag Ismael nagpanglakaton sa kamingawan sang tinuig. Gindala sila sang Ginuo sa mas maayo nga mga parte sang kadutaan. Kinahanglan nila mangayam kag magtipon sang pagkaon samtang nagapanglakaton. Mabudlay ato nga biyahe.

1 Nefi 16:14; 17:1, 4

Si Lehi nga nagatulok sa pagsubang sang adlaw

Ginpromisa sang Ginuo nga dalhon ang ila mga pamilya sa maayo nga kadutaan kon tumanon nila ang mga kasuguan. Wala sila makahibalo kon paano pangitaon ang kadutaan, pero giyahan sila sang Ginuo.

1 Nefi 2:20; 10:13; 17:13–14

Isa ka aga, nasurpresa si Lehi nga makakita sang saway nga bola sa gwa sang iya tolda. Ang tawag sa bola, Liahona. Sa sulod sang Liahona, may nagatudlo sang dalan nga kinahanglan kadtuan sang grupo. Kon kaisa makakita sila sang mga mensahe halin sa Ginuo nga nasulat sa Liahona. Amo ini ang paagi nga ginagiyahan sila sang Ginuo.

1 Nefi 16:10, 16, 26–29; Alma 37:38

Si Nefi nga nagauyat sang nautod nga pana kag si Laman kag Lemuel nga nagareklamo

Isa ka adlaw samtang nagapangayam si Nefi, nautod ang iya salsalon nga pana. Indi na makakuha sang pagkaon ang mga pamilya kon wala ini. Nangakig ang mga utod ni Nefi sa iya kag sa Ginuo.

1 Nefi 16:18–21

Si Nefi nga nagauyat sang nautod nga pana kag si Lehi nga aborido

Tanan sila kapoy kag ginagutom. Ang iban sa ila nasubuan kag nagreklamo. Nahadlok sila nga magutman. Bisan si Lehi nagreklamo sa Ginuo.

1 Nefi 16:19–22, 35

Si Nefi nga nagauyat sang martilyo kag tigib

Naghimo si Nefi sang bag-o nga pana kag baslay halin sa kahoy. May pagtuo sia nga buligan sia sang Ginuo nga makakita sang pagkaon.

1 Nefi 16:23

Si Lehi kag Nefi nga nagatan-aw sa Liahona

Ginpamangkot ni Nefi si Lehi kon diin magpangayam. Naghinulsol si Lehi nga nagreklamo sia. Nangayo sia sing pasensya kag bulig sa Ginuo. Ginsilingan si Lehi sang Ginuo nga magtulok sa Liahona. May mensahe nga nasulat didto. Natun-an sang mga pamilya nga ang Liahona nagaandar lang kon may pagtuo sila sa Ginuo kag nagatuman sa mga kasuguan.

1 Nefi 16:23–29

Ang pamilya ni Lehi nga nagatan-aw kay Nefi nga nagapas-an sang sapat nga iya gin-ayam.

Kon kaisa ginaislan sang Ginuo ang mensahe sa Liahona para buligan sila sa ila pagpanglakaton. Ginabuligan si Nefi sang Liahona nga mabal-an kon diin magpangayam. Nagbalik sia nga may dala nga pagkaon, kag tanan sila nalipay. Naghinulsol sila kag nagpasalamat sa Ginuo.

1 Nefi 16:28–32