Alma 43–44

Si Kapitan Moroni kag Zerahemna

Isa ka giyera kag isa ka promisa nga magpangabuhi sing malinong

Ginapangunahan ni Zerahemna ang iya mga soldado

Si Zerahemna ang lider sang mga soldado nga Lamanhon. Gusto niya pamunoan ang mga Nefinhon kag paserbisyuhon sa iya katawhan. Ginpangunahan ni Zerahemna ang iya mga soldado para sulungon ang mga Nefinhon.

Alma 43:3–8

Ginatan-aw sang mga soldado nga Nefinhon ang mga soldado nga Lamanhon

Gusto nga protektahan sang mga Nefinhon ang ila mga puluy-an, mga pamilya, kag relihiyon. Kahibalo sila nga indi sila makasimba sa Ginuo kon ang mga Lamanhon ang magpamuno sa ila. Ginpili sang mga Nefinhon nga magbato sa ila mga kaaway.

Alma 43:9–10, 14–15

Si Moroni nagatulok sa atubang nga may panganod sa likod

Isa ka tawo nga ang ngalan Moroni ang kapitan sang mga soldado nga Nefinhon. Ginsiguro ni Moroni nga handa makig-away ang ila mga soldado.

Alma 43:16–17

Si Kapitan Moroni kag ang mga soldado nga Nefinhon nga handa sa pagpakig-away

Nagdala sang mga armas ang mga soldado ni Moroni, kag ginhatagan sila ni Moroni sang mapag-on nga mga taming kag proteksyon sa lawas.

Alma 43:18–19

Ginatan-aw sang mga Lamanhon ang mga soldado nga Nefinhon kag daw nahadlok

Gindala ni Moroni ang iya mga soldado para makig-away sa mga Lamanhon. Sang makita sang mga Lamanhon nga ang mga Nefinhon may mga taming kag proteksyon sa lawas, kinulbaan sila mag-away. Manipis lang ang bayo sang mga Lamanhon kag wala sang taming para protektahan ang ila kaugalingon.

Alma 43:19–21

Nagdinalagan ang mga soldado nga Lamanhon sa kakahuyan

Naghalin ang mga Lamanhon. Gintilawan nila nga magsulod sa lain nga duta sang mga Nefinhon. Abi nila indi mahibal-an ni Moroni kon diin sila nagkadto.

Alma 43:22

Ginatan-aw sang mga espiya nga Nefinhon ang nagadinalagan nga mga soldado nga Lamanhon

Sang paghalin sang mga Lamanhon, ginpasundan sila ni Moroni sang mga espiya.

Alma 43:23

Soldado nga Nefinhon nga nagapamati kay Alma

Dayon nagpadala si Moroni sang mensahe kay propetang Alma. Gusto niya nga pamangkuton ni Alma ang Ginuo kon ano ang ginaplano sang mga Lamanhon nga himuon. Ginhambal sang Ginuo kay Alma nga ginaplano sang mga Lamanhon nga sulungon ang pigaw pamakod nga lugar nga ginatawag Manti. Namati si Moroni kay Alma. Ginpangunahan niya ang iya mga soldado sa pagpakig-away sa mga Lamanhon.

Alma 43:23–33

Ang mga soldado nga Lamanhon kag Nefinhon nagapakig-away sa isa kag isa

Nag-ilinaway ang mga soldado. Makusog kag akig kaayo ang mga Lamanhon. Ginhadlukan ang mga Nefinhon sa mga Lamanhon kag maatras na kuntani. Pero ginpadumdom sila ni Moroni sang ila mga pamilya kag pagtuo, gani nga nagpadayon sila sa pagpakig-away.

Alma 43:34–37, 43–48

Gin-alsa ni Moroni ang kamot para mag-untat na sa pagpakig-away

Nagpangamuyo ang mga Nefinhon sang bulig sa Ginuo. Ginpamatian sang Ginuo ang ila mga pangamuyo kag ginhatagan sila sang dako nga gahum. Karon ang mga Lamanhon naman ang ginkulbaan. Nakibon sila kag indi na makapalagyo. Sang makita ni Moroni nga nahadlok ang mga Lamanhon, ginhambalan niya ang iya mga soldado nga mag-untat na sa pagpakig-away. Indi gusto ni Moroni nga pamatyon ang mga Lamanhon.

Alma 43:49–53; 44:1–2

Si Moroni nga nagahambal sa mga Lamanhon

Ginhambalan ni Moroni si Zerahemna nga buy-an ang mga Lamanhon kon mangako sila nga indi na nila pagsulungon liwat ang mga Nefinhon. Nangakig si Zerahemna kag gusto kuntani nga magsige away, pero indi niya mapirde ang mga soldado ni Moroni. Nagpangako si Zerahemna kag ang iya mga soldado nga magpangabuhi sing malinong, kag ginbuy-an sila ni Moroni.

Alma 44:1–20