Alma 17–19

Si Abis

Pagbulig sa iya katawhan nga magpati kay Jesus

Si Abis nga nagalakat sa baryo

Si Abis nagatrabaho sa rayna nga Lamanhon. Natun-an ni Abis ang parte kay Jesucristo sa panan-awon sang iya tatay. Sa madamo nga tinuig, nagapati sia kay Jesus kag gusto nga sundon Sia. Pero wala pa niya ginsugiran ang iban nga mga Lamanhon.

Alma 19:16–17

Si Abis nga nagatulok sa rayna, sa hari, kag kay Amon

Isa ka adlaw, isa ka Nefinhon nga ang ngalan Amon ang nag-abot sa ginharian para tudloan ang mga Lamanhon parte kay Jesus kag sa Dios. Ang rayna kag hari nagpati sa gintudlo ni Amon. Nahibal-an sang rayna kag hari nga maabot si Jesus sa duta kag himuon ini para ang tanan nga nagapati sa Iya mapatawad.

Alma 17:12–13; 18:33–36, 39–40; 19:9, 13

Nakita ni Abis nga natumba ang tanan sa duta

Nabatyagan sang rayna kag hari ang Balaan nga Espiritu kag nalipay gid sila amo nga natumba sila sa duta. Natumba man si Amon kag ang mga suluguon. Si Abis na lang ang nabilin nga nagatindog.

Alma 19:6, 13–16

Si Abis nga nagapakighambal sa madamo nga mga tawo

Gusto ni Abis nga sugiran ang mga tawo parte sining milagro. Nagalaum sia nga ang mga tawo mapati sa gahum sang Dios kon makita nila ang natabo. Gani nagdalagan si Abis sa kada balay. Ginhambalan niya ang mga tawo nga maglakat kag tan-awon kon ano ang ginhimo sang Dios para sa rayna kag hari.

Alma 19:17

madamo nga tawo ang nakakita sa mga tawo nga nagahigda sa duta

Madamo nga tawo ang nagkadto sa balay sang rayna kag hari. Nasorpresa sila kay kon tan-awon ang rayna, ang hari, kag ang tanan nila nga suluguon, daw patay na.

Alma 19:18

mga tawo nga nagabaisay

Naglibog ang mga ulo sang mga tawo. Nagbinaisay sila kon ano ang natabo sa rayna kag hari.

Alma 19:19–21

Si Abis nga nagaluhod kag ginakaptan ang kamot sang rayna

Sang magbalik si Abis, nakita niya ang mga tawo nga nagabinaisay. Nasubuan sia tungod wala nila makita ang gahum sang Dios. Dayon ginkaptan niya ang rayna sa kamot, kag nagtindog ang rayna kag nagdayaw kay Jesus.

Alma 19:28–29

ang hari kag rayna nga nagatindog upod si Abis kag Amon

Ginkaptan sang rayna ang iya bana sa kamot, kag nagtindog sia. Ginsugiran sang hari ang mga tawo parte kay Jesus. Dayon si Amon kag ang iban nga suluguon nagtindog man. Tanan sila nagsugid sa mga tawo nga ginbag-o sila ni Jesus. Karon gusto na lang nila maghimo sang maayo nga mga butang. Madamo nga tawo ang nagpati sa ila.

Alma 19:29–36

Si Abis, ang rayna, kag ang hari nga nagatan-aw sang bunyag

Pareho sa ginhandum ni Abis, nakita sang mga tawo ang gahum sang Dios. Madamo nga mga tawo ang nagpati kay Jesus kag ginbunyagan. Ara sa ila ang Espiritu sang Dios. Nagpatindog pa gani sila sang Simbahan sa ila lugar. Nakita nila nga ginabuligan ni Jesus ang tanan nga nagahinulsol kag nagapati sa Iya.

Alma 19:17, 31, 35–36